អាជ្ញាធរបានឃាត់ខ្លួន អ៊ួន ឈិន អតីតអ្នកកាសែតវិទ្យុអាស៊ីសេរី ក្នុងយប់នេះ
ក្រុមអ្នកសារព័ត៌មានឯករាជ្យ ក្នុងប្រទេសកម្ពុជា បានរាយការណ៍ និងជូនដំណឹងជាបន្តបន្ទាប់គ្នា នៅយប់ថ្ងៃអង្គារ ទី១៤ ខែវិច្ឆិកានេះ ពីការឃាត់ខ្លួនលោក អ៊ួន ឈិន អ្នកសារព័ត៌មានដ៏ស្វិតស្វាញម្នាក់ និងជាអតីតបុគ្គលិកឲ្យវិទ្យុអាស៊ីសេរី រួមនឹងលោក យាង សុធារិន្ទ (រហស្សនាម យាង សុជាមេត្តា) ដែលធ្លាប់បម្រើការ ឲ្យស្ថាប័នខាងលើនេះដូចគ្នា។
ប្រភពបានបញ្ជាក់ថា អ្នកសារព័ត៌មានទាំងពីរ ត្រូវបានក្រុមអាជ្ញាធរ ចូលទៅឃាត់ខ្លួន នៅក្នុងផ្ទះសំណាក់ «ម៉ារាឌី» ស្ថិតក្នុងខណ្ឌមានជ័យ រាជធានីភ្នំពេញ ដោយសង្ស័យពួកគេ ថាបានធ្វើព័ត៌មានជាសំងាត់ ដើម្បីផ្ញើរទៅវិទ្យុអាស៊ីសេរី នៅឯរដ្ឋធានី វ៉ាស៊ីនតោន សហរដ្ឋអាមេរិក។
ទស្សនាវដ្ដីមនោរម្យ.អាំងហ្វូ មិនអាចទាក់ទងមន្ត្រីខណ្ឌមានជ័យ [...]
