ថ្ងៃទី២-ទី៣ មករា ជាថ្ងៃប្រវត្តិសាស្រ្ត នៃការបង្រ្កាបដ៏ព្រៃផ្សៃនៅកម្ពុជា?
«ជាថ្ងៃប្រវត្តិសាស្រ្តចារយ៉ាងច្បាស់ គឺជាថ្ងៃដែលយើងទាមទារ សម្រាប់សិទ្ធិសេរីភាព ការរស់នៅរបស់កម្មករ ក៏ដូចជាមន្រ្តីរាជការខ្មែរ។ ថ្ងៃនេះ គឺជាថ្ងៃប្រវត្តិសាស្រ្ត ដែលសមត្ថកិច្ចខ្មែរដែលមានតួនាទីការពារពលរដ្ឋ ប៉ុន្តែផ្ទុយទៅវិញប្រវត្តិសាស្រ្តបានចារយ៉ាងច្បាស់ថា គឺជាថ្ងៃដែលសមត្ថកិច្ចខ្មែរ បានបាញ់ប្រហារទៅលើកម្មករស្លូតត្រង់ ដែលទាមទារនូវប្រាក់ខែ និងជីវភាពរស់នៅរបស់ពួកគាត់។»
ឃ្លាខាងលើនេះ ជាសម្ដីរម្លឹកឡើងវិញរបស់លោក វ៉ន ពៅ ដែលជាជនរងគ្រោះម្នាក់ ដែលត្រូវទទួលរងនូវការបង្រ្កាប និងចាប់ខ្លួននៅក្នុងការប៉ះទង្គិចគ្នាមួយ រវាងកម្លាំងទ័ពឆ័ត្រយោង៩១១ និងក្រុមកម្មករ នៅមុខរោងចក្រយ៉ាកជីន កាលពីថ្ងៃទី២ ខែមករា ឆ្នាំ២០១៤។ លោក វ៉ន ពៅ បានរៀបរាប់ទាំងអារម្មណ៍ដិតដាម នូវភាពឈឺចាប់បន្តថា [...]
