Posts tagged as "Apple"

អាជីវកម្មទូរស័ព្ទដៃវ៉ៃឆ្លាត របស់ក្រុមហ៊ុន ឡេណូវ៉ូ (Lenovo) កាន់តែមានភាពរីកចំរើនខ្លាំងឡើងៗ ខណៈដែលមាន កំណើនរហូតដល់ ១៣១ភាគរយ ពីមួយឆ្នាំទៅមួយឆ្នាំ។ តាមការស្រាវជ្រាវចុងក្រោយបង្អស់មកពីប្រភពកាណាឡាយ (Canalys) បានឲ្យដឹងថា ក្រុមហ៊ុនចិន ឡេណូវ៉ូ ជាក្រុមហ៊ុនធំលំដាប់ទី៣ នៅលើពិភពលោកនាពេលបច្ចុប្បន្ន។

ទូរស័ព្ទទំនើបមួយរបស់ឡេណូវ៉ូ។ (រូបថត digitaltrends.com)

ក្រុមហ៊ុនផលិតកុំព្យូទ័រដ៏ធំមួយនេះ បានលក់ចេញទូរស័ព្ទដៃស៊េរីទំនើបៗបាន ១១.៣លានគ្រឿង ខណៈដែលក្រុមហ៊ុន អ័បផល (Apple) ចំណាត់ថ្នាក់លេខ២ លក់បាន ៣១លានគ្រឿង និងចំណាត់ថ្នាក់លេខ១ ក្រុមស៊ាំស្ស៊ុង (Samsung) លក់ បានច្រើនដាច់គេ រហូតដល់ ៧៥.៦លានគ្រឿងនៅលើពិភពលោក។

នៅក្នុងប្រទេសចិន ឡេណូវ៉ូបានក្លាយជាក្រុមហ៊ុនផលិតទូរស័ព្ទដៃធំលំដាប់ទី២ [...]

សូមទទួលរសជាតិមុនគេ នូវរូបភាពដំបូងនៃខ្សែភាពយន្ដពិសេសមួយ ដែលបានថតពីខ្សែជីវិត របស់ស្ថាបនិកម៉ាស៊ីន​កំព្យូទ័រដ៏ល្បី យីហោ «អ័បផល (Apple)»។ ខ្សែភាពយន្ដ ដែលជាស្នាដៃរបស់សមិទ្ធិករ លោក ចូនហាវ ម៉ៃឃើល ស្ទើន (Joshua Michael Stern) នេះ នឹងចេញបញ្ចាំងនៅលើផ្ទាំងសំពត់សរ នៅថ្ងៃទី២១ខែសីហាខាងមុខ តាមរោង​ភាពយន្ដ​នានាក្នុងពិភពលោក។

យុវជនស្ទេវ ចប។ រូបភាពឯកសារ។

នៅពេលបវេស្សនកាលខាងមុខ ខ្សែភាពយន្ដនេះ នឹងក្លាយជាការទន្ទឺងរងចាំយ៉ាងខ្លាំងមួយ របស់ទស្សនិកជន​ទាំង​ឡាយនៅក្នុងពិភពលោក។ ជាភាពយន្ដដែលដកស្រង់សឹងតែទាំងស្រុង ពីខ្សែជីវិតរបស់ស្ថាបនិកម៉ាស៊ីនកំព្យូទ័រដ៏ល្បី យីហោ «អ័បផល» ឈ្មោះលោក ស្ទេប ចប។ សមិទ្ធិករ បានជ្រើសរើស លោក អាស្តុន គូស្ន័រ (Ashton Kutcher) មក​សម្ដែងជាតួលោកស្ទេវ ចប [...]

ប្រភពមួយបានបង្ហើបប្រាប់ ទីភ្នាក់ងារសារព័ត៌មានរ៉យទ័រ (Reuters) ថា ក្រុមហ៊ុនយក្សខាងព័ត៌មានវិទ្យាដ៏ល្បី របស់​អាមេរិក អ័បផល (Apple) កំពុងធ្វើការងារដែលទាក់ទងនឹង ទូរស័ព្ទអាយហ្វូន (iPhone) ដែលមានទំហំអេក្រង់ ៤,៧ និង៥,៧អ៊ីញ។

ទូរស័ព្ទអាយហ្វូ ជំនាន់ទីបី និងជំនាន់ទីបួន។

ក្រុមហ៊ុន អ័បផល ទំនងជាលែងចង់ឲ្យ ស៊ាំស៊ុង (Samsung) ឬក្រុមហ៊ុនផលិតទូរស័ព្ទដទៃទៀត ធ្វើការ«ពង្រីកទំហំ»​ទូរស័ព្ទស្រេចតែនឹងចិត្តទៀតហើយ។ បើតាមពាកចចាមអារាម ដែលធ្លាយចេញពីទ្វីបអាស៊ី ហើយត្រូវបានទីភ្នាក់ងារ​សារព័ត៌មានរ៉យទ័រ ដកស្រង់មកផ្សាយបន្តនោះ បានឲ្យដឹងថា «ក្រុមហ៊ុនទូរស័ព្ទអាមេរិក កំពុងត្រៀមបញ្ចេញ​ទូរស័ព្ទ​អាយហ្វូន ជាច្រើនបែបរបស់ខ្លួន ដើម្បីយកមកប្រកួតប្រជែង ជាមួយនឹងទូរស័ព្ទទំនើបៗរបស់ក្រុមហ៊ុនផ្សេងទៀត»។

ក្រុមហ៊ុនដែលនាំមុខគេក្នុងការលក់កុំព្យូទ័ររបស់ប្រទេសតៃវ៉ាន់ អេសឺ (Acer) បានប្រកាសបង្ហាញជាផ្លូវការមួយ នូវ ថេបប្លិត (tablet) ទំហំអេក្រង់៨.១អ៊ីញ ដែលដំណើរការដោយប្រព័ន្ធប្រតិបត្តិការវីនដូ៨ (Windows 8 ) របស់ ក្រុមហ៊ុន មីក្រូសូហ្វ (Microsoft) ជាលើកដំបូងរបស់ខ្លូន កាលពីថ្ងៃច័ន្ទកន្លងទៅ។

ការប្រកាសនេះ ត្រូវបានធ្វើឡើងក្នុងឱកាសប្រារព្ធខួបលើកទី៣៣ របស់ក្រុមហ៊ុនកុំព្យូធីច (Computex) នៅក្នុងទីក្រុងតៃប៉ិ (Taipei) ដែលជាក្រុមហ៊ុនពាណិជ្ជកម្ម ផ្នែកពត៌មានវិទ្យាមួយ ឈានមុនគេនៅក្នុងតំបន់អាស៊ី។

ថេប្លិតថ្មីរបស់ក្រុមហ៊ុនអេសឺនេះ មានឈ្មោះថា អាយខុនៀ ដិប័លយូ៣ (Iconia W3) ដែលមានទម្ងន់ ៥៤០ក្រាម និងមាន​កម្រាស់ប្រមាណ ១១.៣៥មីលីម៉ែត្រ។ វាមានបន្ទះក្តាចុចប្រភេទប្លូធូស (Bluetooth) [...]

បណ្តាញទំនាក់ទំនងសង្គមដ៏ធំ ហ្វេសប៊ុក (Facebook) បានធ្វើការកែប្រែប្រភេទកម្មវិធីទំនាក់ទំនងសង្គមដ៏ល្បីរបស់ខ្លួន ដែលមានឈ្មោះថា ហ្វេសប៊ុក ម៉េស៊ីងចឺ (Facebook Messenger) ឬប្រព័ន្ធ «ផ្ញើរសារដោយផ្ទាល់» ឡើងដល់ស៊េរី ២.៤ ហើយ សម្រាប់ប្រភេទទូរស័ព្ទ អាយហ្វូន (iPhone) និងអាយផដ (iPod) របស់ក្រុមហ៊ុន អ័បផល (Apple)។

កម្មវិធី«ផ្ញើរសារដោយផ្ទាល់» នៅលើអាយហ្វូន។

ក្រុមហ៊ុនបានដាក់ឲ្យប្រើប្រាស់ជាផ្លូវការ នូវជំនាន់ថ្មីនេះ កាលពីថ្ងៃច័ន្ទ ទី០៧ ខែឧសភា។ ម៉េស៊ិងចឺ ២.៤ នេះ អាចដំណើរ​ការកាន់តែរលូនជាងមុន បន្ទាប់ពីមានការកែប្រែនូវកំហុសឆ្គងមួយចំនួន នៅលើជំនាន់ចាស់។

ជាមួយនឹងកំណែប្រែមួយចំនួនថ្មីនេះ វារឹតតែផ្តល់ភាពទាក់ទាញ ជាមួយនឹងរូបភាពស្អាតៗ ដែលបង្ហាញពីអារម្មណ៏ និង​ពាក្យពេចន៏របស់អ្នក [...]