Posts tagged as "Khmer rouge"

សម រង្ស៊ី៖ ជន​ឧក្រិដ្ឋ​ពីរ​នាក់​នេះ អត់​​ហ៊ាន​ប្ដឹង​ខ្ញុំ​រឿង ក៥ ទេ

សម រង្ស៊ី៖ ជន​ឧក្រិដ្ឋ​ពីរ​នាក់​នេះ អត់​​ហ៊ាន​ប្ដឹង​ខ្ញុំ​រឿង ក៥ ទេ

សង្គ្រាម​«ពាក្យ​សំដី» ដែលអាចផ្ទុះឡើង ​ខ្លាំង​ជាង​ភ្នំភ្លើងផ្ទុះ។ នៅចំពោះការព្រមាន របស់លោក​នាយក​រដ្ឋ​មន្ត្រី ហ៊ុន សែន ជុំវិញការរឹបអូសទ្រព្យសម្បត្តិ និងការបិតបញ្ចប់​ជីវិតនយោបាយ របស់មេដឹកនាំប្រឆាំង នៅ​ក្នុង​ប្រទេស​កម្ពុជា​នោះ លោក សម រង្ស៊ី នៅតែបន្តសរសេរ​វាយ​ប្រហារ​បន្ថែម​ទៀត ទៅលើលោក ហ៊ុន សែន និង​មេ​ដឹកនាំ​គណបក្ស​ប្រជាជនមួយរូបទៀត គឺលោក ហេង សំរិន ដោយបានហៅមេដឹកនាំ​ទាំង​ពីរ​រូប ថា​ជា​«ជន​ឧក្រិដ្ឋ» ដែល​មិន​ហ៊ាន​ប្ដឹង​រូប​លោក ទាក់ទងនឹងព្រឹត្តិការណ៍ «ផែនការ ក៥ (រវាងពី​ឆ្នាំ១៩៨៤ មក​ទល់​នឹង​ឆ្នាំ១៩៨៨)» នោះ​ទេ។ ផ្ទុយ​ទៅ​វិញ លោក សម រង្ស៊ី បាន​អះអាង​ថា លោក ហ៊ុន សែន និង​លោក ហេង សំរិន បាន​ប្ដឹង​លោក តែ​ពី​«រឿង​កំប៉ិចកំប៉ុក អត់បានការ»​ប៉ុណ្ណោះ។

លោក សម រង្ស៊ី បានសរសេរដូច្នេះ នៅលើទំព័រ​ហ្វេសប៊ុក​របស់​លោក កាលពី​ល្ងាច​ម្សិលម៉ិញ ថា៖ «បន្ទាប់​ពី​ខ្ញុំ​បាន​ចោទ​ពួក​គាត់ថា ជាជនឧក្រិដ្ឋ [...]

ខៀវ កាញារីទ្ធ៖ ចង់​បន្ទោស​«ក៥» ត្រូវ​បន្ទោស​អ្នក​ចូល​រួម​ជា​មួយ​ខ្មែរ​ក្រហម

ខៀវ កាញារីទ្ធ៖ ចង់​បន្ទោស​«ក៥» ត្រូវ​បន្ទោស​អ្នក​ចូល​រួម​ជា​មួយ​ខ្មែរ​ក្រហម

មានមន្ត្រីជាច្រើននាក់ មកពីគណបក្សកាន់អំណាច បានធ្វើមិនដឹងមិនឮ (ឬធ្វើភ្លេច) ពីព្រឹត្តិការណ៍​ដ៏អាណោច​អាធម នៃ«ផែនការ ក៥» ដែលបានបង្កឲ្យប្រជាជនស៊ីវិលខ្មែរ រាប់សិបម៉ឺននាក់ បានបន្តបាត់បង់​ជីវិត បន្ទាប់​ពី​បាន​ងើប​ចេញ ពីរបបប្រល័យពូជសាសន៍ ខ្មែរក្រហម។ ប៉ុន្តែយ៉ាងហោចណាស់ មានលោក ខៀវ កាញារីទ្ធ រដ្ឋ​មន្ត្រី​ក្រសួង​ព័ត៌មាន​មួយ​រូប បាននិយាយរំលឹក ពីប្រវត្តិសាស្ត្រ ដ៏ជូរចត់របស់ប្រជាជាតិ​ខ្មែរ ក្នុង​របប​កុម្មុយនីស​ទីពីរ​នេះ បើ​ទោះ​ជា​លោក បាន​ពន្យល់​ថា កំហុសដំបូងគេ គឺ​អ្នក​ដែល​បាន​ចូលរួម ជា​មួយ​ខ្មែរក្រហម ក្នុង​ការ​បង្កើត​«រដ្ឋាភិបាល​ចំរុះ» កម្ពុជា​ប្រជាធិបតេយ្យ នោះក៏ដោយ។

រដ្ឋមន្ត្រីក្រសួងព័ត៌មាន បានសរសេរដូចនេះ នៅប៉ុន្មាននាទីមុន តាមរយៈគណនេយ្យ​​ហ្វេសប៊ុក​​របស់​​លោក​ថា៖ «អ្នក​ថ្កោលទោស រឿង"ក៥" ដំបូង​បង្អស់​​ត្រូវ​ថ្កោលទោស​​អ្នកណា ដែលចូល​ជា​មួយ​ខ្មែរក្រហម [...]

រូបភាព​«ដំបូង»​នៃ​ភាពយន្ដ «មុន​ដំបូង ខ្មែរ​ក្រហម​សម្លាប់​ប៉ា​ខ្ញុំ»

រូបភាព​«ដំបូង»​នៃ​ភាពយន្ដ «មុន​ដំបូង ខ្មែរ​ក្រហម​សម្លាប់​ប៉ា​ខ្ញុំ»

វីដេអូ ដែលផ្តល់ពីរូបភាពដំបូងគេ នៃភាពយន្ដ «មុន​ដំបូង​ ខ្មែរ​ក្រហម​បាន​សម្លាប់​ប៉ា​របស់​ខ្ញុំ (ជា​ភាសា​​អង់គ្លេស First They Killed My Father/ ជាភាសាបារាំង D'abord ils ont tué mon père)» ត្រូវ​បាន​បង្ហោះ នៅ​លើ​ទំព័រ​ផ្លូវការ របស់ភាពយន្ដ នៅបណ្ដាញសង្គមហ្វេសប៊ុក។ នៅក្នុង​វីដេអូ​នោះ គេ​ឃើញ​សមិទ្ធិករ​ភាពយន្ដ​ទាំងពីររូប គឺកំពូលតារាហូលីវូដ នាង អេនជឺលីណា ជូលី (Angelina Jolie) និង​សមិទ្ធិករ​ភាពយន្ដ ​ខ្មែរ-បារាំង លោក ប៉ាន រីទ្ធី បានចេញមកពន្យល់ ពីគំនិតគោល របស់ភាពយន្ដ និង​បាន​ថ្លែង​បញ្ជាក់ ពី​បច្ចេកទេស​ថត រួមទាំង​ការ​ដឹកនាំ​សំដែង ទៅកាន់​តារា​ជនជាតិខ្មែរ​ទាំងអស់ នៅក្នុង​ភាពយន្ដ​នោះផង។

នៅអមនឹងវីដេអូនោះ មានសរសេរពន្យល់ខ្លីប៉ុន្មានឃ្លា ដូច្នេះថា៖

«មុនដំបូង [...]
ភាពយន្ដ «មុន​ដំបូង ខ្មែរ​ក្រហម​សម្លាប់​ប៉ា​ខ្ញុំ» របស់ អេនជឺលីណា ជូលី នឹង​​បញ្ចាំង​​ដំបូង​គេ​នៅ​​សៀមរាប

ភាពយន្ដ «មុន​ដំបូង ខ្មែរ​ក្រហម​សម្លាប់​ប៉ា​ខ្ញុំ» របស់ អេនជឺលីណា ជូលី នឹង​​បញ្ចាំង​​ដំបូង​គេ​នៅ​​សៀមរាប

ការទន្ទឹងរង់ចាំ ដើម្បីទស្សនាភាពយន្ដរឿង «មុន​ដំបូង ​ខ្មែរ​ក្រហម​សម្លាប់​ប៉ា​របស់​ខ្ញុំ (First They Killed My Father)» ពិតជាមិនខកបំណងទេ។ ភាពយន្ដ ដែលដឹកនាំដោយនាង អេនជឺលីណា ជូលី (Angelina Jolie) ត្រូវបានផលិតចេញ ជារូបរាង ហើយនឹងគ្រោង​ដាក់បញ្ចាំងដំបូងគេ នៅក្នុងខេត្តសៀមរាប ប្រទេស កម្ពុជា នាថ្ងៃទី១៨ ខែកុម្ភៈ ឆ្នាំ២០១៧ខាងមុខ មុននឹងចេញបញ្ចាំង នៅក្នុងប្រទេសផ្សេងទៀត នៅក្នុងពិភពលោក។

នាង អេនជឺលីណា ជូលី កំពូលតារាហូលីវូដ ដែលក្លាយជាអ្នកដឹកនាំភាពយន្ដ និងមានសញ្ជាតិខ្មែរ បាន​គ្រោង​ធ្វើដំណើរ មកប្រទេសកម្ពុជា ដើម្បីរៀបចំ​ការចាក់បញ្ចាំង​ជាច្រើនទៀត ដែលនឹងធ្វើឡើង នៅតាម​វត្ត​អារាម និង​តំបន់​ដាច់​ស្រយ៉ាល។ នេះបើតាមបទសម្ភាសមួយ ដែលតារាល្បីរូបនេះ បាន​ផ្ដល់​ទៅ​ឲ្យ​​សារព័ត៌មាន​​អង់គ្លេស «The Guardian»។ អ្នកស្រីបានបញ្ជាក់ទៀតថា អ្នកស្រីរួមជាមួយនឹង​តារាសម្ដែង​សំខាន់ៗ​មួយ​ចំនួន នឹងចូលរួមជជែក ពិភាក្សា [...]

«បណ្ឌិត កែម ឡី និងខ្ញុំ»

«បណ្ឌិត កែម ឡី និងខ្ញុំ»

«បណ្ឌិត កែម ឡី និងខ្ញុំ» ជាសំណេររៀបរាប់ឡើងវិញ សរសេរដោយលោក លឺ ឡាយស្រេង ពីការ​ជួប​ជជែក​​រវាង​លោក និងលោក កែម ឡី នៅប្រមាណជាងមួយខែ មុនលោក កែម ឡី ត្រូវបាន​ឃាតករ​សម្លាប់។ ទស្សនាវដ្ដី​មនោរម្យ.អាំងហ្វូ សូមចុះផ្សាយទាំងស្រុង (*) ពីសំណេររៀបរាប់នោះ ដូច​ខាង​ក្រោម។

យើងពីរនាក់បានជួបគ្នា នៅពេលដែលខ្ញុំទូរស័ព្ទទៅបណ្ឌិត នៅដើមខែ ៦ ហើយក៏បានណាត់ជួបគ្នា នៅ​ភោជនីយដ្ឋាន «Almond» ផ្លូវសុធារស ។

បណ្ឌិត កែម ឡី បានសម្តែងនូវការគោរព មកចំពោះខ្ញុំ ថែមទាំងបាននិយាយថា ស្គាល់ខ្ញុំតាមទូរទស្សន៍ និង​វិទ្យុ ហើយបានចាប់អារម្មណ៍ និងគោរពវីរភាពខ្ញុំ ខ្ញុំក៏សើច។ សើចហើយ ក៏តបវិញថា បណ្ឌិតដឹង​ឬទេ ថា​ហេតុអី​​​បាន​​ជា​ខ្ញុំ​ទូរស័ព្ទ​ចង់ជួបបណ្ឌិត ដែរឬទេ? ពីព្រោះខ្ញុំគោរព នូវវីរភាពរបស់បណ្ឌិត ហើយក៏ចង់ជួប​បណ្ឌិត​​ដើម្បី​​​សាសង​គ្នា ក្រែងលោខ្ញុំអាចឲ្យលោកបណ្ឌិត ជួយរក្សាទុក នូវការពិសោធន៍ និងការចេះដឹង​របស់​ខ្ញុំ។ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...