ហេតុការណ៍«ស្រាតទៅធ្វើការ» របស់បណ្ដាជន ប៊ីយ៉េឡូរ៉ូស្ស៊ី បានកើតឡើងបន្ទាប់ពីការថ្លែងជាសាធារណៈ របស់ប្រធានាធិបតីនៃប្រទេស ប៊ីយ៉េឡូរ៉ូស្ស៊ី លោក «Alexandre Loukachenko»។ សុន្ទរកថារបស់​លោក​ប្រធានា​ធិបតី​នោះ បានធ្វើឡើងតាំងពីថ្ងៃទី២៣ ខែមិថុនាកន្លងមកនេះថ្មីៗ។ ប៉ុន្តែបញ្ហានៅត្រង់ថា តើ​លោក​ប្រធានាធិ​បតី ពិតជាបានថ្លែងដោយច្រឡំមែន ឬមកពីពាក្យទាំងពីរ មានសូរនិយាយ​ប្រហាក់ប្រហែលគ្នា?

បើគេស្ដាប់លោក «Loukachenko» ដែលទំនងខ្វល់ខ្វាយខ្លាំង ក្នុងការផ្ដល់ភាពសុខដុមរមនា ទៅឲ្យ​ប្រជា​ពលរដ្ឋ​របស់ខ្លួន ដែលមានប្រមាណជា ៩លាន៥សែននាក់នោះ គេច្បាស់ជាឮលោកនិយាយដូច្នេះថា៖ «អ្នក​ឯង​ដឹងពីអ្វី ដែលអ្នកឯងត្រូវធ្វើ ហើយត្រូវធ្វើដូចម្ដេច ពីទិសដៅដែលត្រូវសម្រេច (...) ប៉ុន្តែជីវិត​របស់​យើង​ទាំង​មូល មាន​ន័យ​មក​ត្រឹម​តែ​ចំណុចដ៏សំខាន់នេះ= គឺយើងត្រូវស្រាតខោអាវចេញ ហើយត្រូវធ្វើការងារ។»

បន្ទាប់ពីនោះមក ក្រុមអ្នកប្រើប្រាស់បណ្ដាញសង្គម បណ្ដាញអ៊ិនធើណែត... បានផ្ទុះប្រតិកម្មព្រោងព្រាត ដោយ​នាំគ្នាចំអក​ លាយឡំនឹងការលេងសើចផង ដើម្បីតបទៅនឹងការលើកឡើង របស់ប្រធានាធិបតី។

ប៉ុន្តែបើគេនិយាយរកការពិតនោះ គេនឹងដឹងថា លោកប្រធានាធិបតី បានលើកឡើងពីពាក្យ «លើកតម្លៃខ្លួន» សរសេរ​ជាភាសា ប៊ីយ៉េឡូរ៉ូស្ស៊ី «razvivatsa» តែមិនមែនពាក្យ «ស្រាត» សរសេរជាភាសា ប៊ីយ៉េឡូរ៉ូស្ស៊ី «razdevasta» ដែលមានសូរស័ព្ទនិយាយ​ស្រដៀងគ្នានោះទេ។ យ៉ាងណាក៏ដោយ ក៏បណ្ដាជន ប៊ីយ៉េឡូរ៉ូស្ស៊ី បានបង្កើតឈុតឆាកនេះ ដើម្បីសើចសប្បាយរួចហើយ មុននឹងថតរូបភាព រួច​បង្ហោះ​តាម​អ៊ិនធើណែត។

» សូមទស្សនារូបទាំងនោះមួយចំនួន ដូចតទៅ៖

» ទស្សនារូបភាពផ្សេងទៀត សូមចុចលើទំព័របន្ទាប់។