គម្រោង​ប្រគំ​តន្រ្តី​លាយ​នឹង​ការ​«ដើរ​ស្រាត» នៅ​កោះ​ពស់ ត្រូវ​បាន​ផ្អាក

កម្មវិធីដំណើរកំសាន្ត និងការប្រគុំតន្រ្តី លាយឡំដោយការដើរស្រាត និងរួមភេទ ដែលហៅថាកាហ្សេនធីប KAZANTIP និង​គ្រោង​ធ្វើ​នៅកោះពស់ ខេត្តព្រះសីហនុ ត្រូវបានអាជ្ញាធរខេត្តផ្អាកមិនឱ្យធ្វើធ្វើ ព្រោះ​តែ​កម្មវិធី​នេះ​ប៉ះពាល់​ដល់​វប្បធម៌​ខ្មែរ។
Loading...
  • ដោយ: ប្រាថ្នា អត្ថបទ៖ ប្រាថ្នា ([email protected]) - ភ្នំពេញ ថ្ងៃទី០៣ កុម្ភៈ ២០១៥
  • កែប្រែចុងក្រោយ: February 03, 2015
  • ប្រធានបទ: វប្បធម៌
  • អត្ថបទ: មានបញ្ហា?
  • មតិ-យោបល់

ថ្មីៗ​នេះ ដំណឹង​នៃ​ការ​ប្រគុំ​តន្រ្តី Kazantip ដែល​ជា​កម្មវិធី​មួយ មាន​ការ​ប្រគុំ​តន្រ្តី អម​ដោយ​ភ្លើង​ពណ៌ លំដាប់​ពិភព​លោក លាយ​ឡំ​ដោយ​ការ​ដើរ​ស្រាត និង​រួម​ភេទ មាន​ការ​ចូល​រួម​ពី DJ ល្បីៗ​នៅ​លើ​ពិភព​លោក និង​មាន​ភ្ញៀវ​ទេសចរណ៍​លំដាប់​អ្នក​មាន ចូល​រួម​ប្រមាណ​ជាង​១០​ម៉ឺន​នាក់។ កម្មវិធី​នេះ ទទួល​បាន​ការ​ចាប់​អារម្មណ៍​ខ្លាំង ពី​ប្រជាជន​កម្ពុជា ជា​ពិសេស​ពី​អ្នក​ប្រើ​ប្រាស់​បណ្តាញ​សង្គម ដោយ​អ្នក​ខ្លះ​គាំទ្រ​ឱ្យ​មាន និង​អ្នក​ខ្លះ​ទៀត​មិន​គាំទ្រ។ សម្រាប់​អ្នក​មិន​គាំទ្រ បាន​យល់​ថា កម្មវិធី​«ស្រាត»​ដូច្នេះ ប៉ះ​ពាល់​វប្បធម៌​ប្រពៃណី​ខ្មែរ។

គាំទ្រឬមិនគាំទ្រ ជារឿងមួយ។ ប៉ុន្តែ ពិធីប្រគុំតន្រ្តីបែបអាសអាភាសមួយនេះត្រូវបានផ្អាក ដោយមិន​ទទួល​បានការអនុញ្ញាត ពីសាលាខេត្តព្រះសីហនុ។ សេចក្តីជូនដំណឹង របស់សាលាខេត្តសីហនុ ចុះហត្ថលេខា​ដោយលោក ឈិត សុខុន អភិបាលខេត្តព្រះសីហនុ កាលពីថ្ងៃទី២ម្សិលម៉ិញ បានឱ្យដឹងថា៖ «ក្រោយពី​សាលា​ខេត្ត បានចេញលិខិតអនុញ្ញាឱ្យក្រុមហ៊ុនរួចមក រដ្ឋបាលខេត្តពិនិត្យឃើញថា ដោយ​ផ្អែក​លើ​គេហរ​ទំព័រ​របស់​ក្រុមហ៊ុន សកម្មភាពប្រគុំតន្រ្តីខាងលើ មានលក្ខណៈប្រាសចាកពីប្រពៃណីវប្បធម៌ និងកិត្តិយស​ជាតិ​ខ្មែរ ពិសេស​ផ្ទុយពីកម្មវត្ថុនៃការស្នើរសុំ រដ្ឋបាលខេត្តព្រះសីហនុសម្រេចផ្អាកជាបន្ទាន់ នូវសកម្មភាព​រៀប​ចំផ្សេងៗ ដែល​ទាក់ទង​នឹងគម្រោងនៃការប្រគុំតន្រ្តី និងល្បែងកម្សានរបស់ក្រុមហ៊ុន Kazantip Asia.co,.Ltd នៅ​លើ​កោះ​ពស់ សង្កាត់លេខបី ក្រុងព្រះសីហនុ ខេត្តព្រះសីហនុ ចាប់ពីថ្ងៃចុះហត្ថលេខានេះតទៅ។ ក្នុង​ករណី​​មិន​អនុវត្ត​តាមសេចក្តីជូនដំណឹងនេះ រដ្ឋបាលខេត្ត និងចាត់វិធានការតាមផ្លូវច្បាប់។»

សម្រាប់អ្នកប្រើប្រាស់បណ្តាញសង្គម ដែលគាំទ្រឲ្យមានកម្មវិធីនេះវិញ បានសរសេរថា៖ «វាយ៉ាប់ ត្រង់គេទៅ​សប្បាយកណ្តាលសមុទ្រហើយ យើងអត់ឃ្លានទៅចង់មើលគេ រួចមកស្រែកថាប៉ះពាល់វប្បធម៌ខ្មែរ...? យី​យ៉ាប់មែន នាំគ្នាបំពានសិទ្ធិអ្នកដទៃរហូត.... យើងជួលផ្ទះឱ្យគេនៅដាច់ហើយ គេចង់ដេកស្រាត ឬចង់​មុជ​ទឹក​ស្រាត ឬចង់យកអ្នកណាទៅដេកជាមួយ វាជារឿងរបស់គេ... កុំនាំគ្នាទៅលួចមើលគេ ហើយស្រែកថា​ប៉ះ​ពាល់​​កិត្តិយស ឬវប្បធម៌ជាតិនោះ.... បែបនេះគេហៅថាឆ្កួតលើលោកក៏មានមួយ... បើមានពីរ គឺមិនមែន​ហៅថា​ខ្មែរ​ទេ... កណ្តាលកោះហ្នឹង វាមានស្អីជាវប្បធម៌?»

ប៉ុន្តែសម្រាប់អ្នកប្រើប្រាស់បណ្ដាញសង្គមមួយចំនួនទៀត បានបរិហារដ្ឋបាលក្រុងព្រះសីហនុ ថាមាន​លក្ខណៈ​ត្រឡប់ត្រឡិន មិនពិនិត្យសិក្សាសិន សឹមអនុញ្ញាតនោះទេ។ ដល់ពេលចេញការអនុញ្ញាត ឲ្យគេ​ចំណាយ​ទុន​ចូល​មកកម្ពុជារួច ហើយមានប្រតិកម្មតាមក្រោយ ទើបស្រែកថា«ប៉ះពាល់វប្បធម៌» និងហាម​គេ​មិនឲ្យធ្វើ​វិញ។ អ្នក​ប្រើប្រាស់ហ្វេសប៊ុកមួយរូប បានសរសេរថា៖ «វាអាចប៉ះពាល់វប្បធម៌ខ្លះមែន តែវប្បធម៌​ត្រឡប់​ត្រឡិន​របស់​រដ្ឋបាលខ្មែរទៅវិញទេ ដែលមិនអាចប៉ះពាល់បាន»។

យោងតាមគេហទំព័ររបស់ Kazantip Asia.co,.Ltd បានដឹងថា ពិធីប្រគុំតន្រ្តីលាយឡំការដើរស្រាត និងខ្លះៗ​រួមភេទគ្នានោះ ដែលធ្វើជាលើកដំបូងនៅក្នុងប្រទេសកម្ពុជានេះ នឹងគ្រោងធ្វើនៅថ្ងៃទី១៨ ដល់ ២៨ ខែកុម្ភៈ ខាងមុខនេះ។ កាលពីឆ្នាំ២០១៤ Kazantip បានធ្វើជាលើកដំបូង នៅក្រៅរដ្ឋអ៊ុយក្រែន ក្នុងទីក្រុងតូច​មួយ​ឈ្មោះ Anaklia ក្នុងរដ្ឋ Georgia។

Kazantip បានចាប់ផ្តើមតាំងពីឆ្នាំ១៩៩២ ដល់ឆ្នាំ២០១៣ នៅតំបន់ Crimean ហើយនៅឆ្នាំ២០០២ ដល់ឆ្នាំ​២០១៣ ប្រគុំនៅភូមិ Popvka នៅជិតទីក្រុង Myrnyi ក្នុងប្រទេស អ៊ុយក្រែន ហើយការប្រគុំតន្រ្តីនេះ គេ​ប្រកាន់​យកសំលៀកបំពាក់ពណ៌ទឹកក្រូច និងខោអាវពណ៌លឿងជាដើម។ មុននឹងកម្មវិធីនេះ ត្រូវបានយក​មកធ្វើនៅកម្ពុជា ប្រទេសដែលទទួលធ្វើនោះជាប្រទេស អេក្វាទ័រស្ថិតក្នុងទ្វីបអាមេរិកឡាទីន៕

វីដេអូ ពី Kazantip (ហាមទស្សនា ចំពោះអ្នកមានអាយុក្រោម១៨ឆ្នាំ)៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...