ខឹង​ប្តី​ចោទ​ថា​មាន​ប្រុស​ថ្មី លោត​ពី​លើ​ផ្ទះ​ជាន់​ទី​ពីរ​សម្លាប់​ខ្លួន

ស្រ្តីម្នាក់ ព្រោះតែខឹងនឹងស្វាមី ដែលបានចោទនាងថា មានអ្នកថ្មី ទាំងនាងគ្មានអ្វីសោះនោះ បានសម្រេចចិត្ត​លោត​សម្លាប់​​ខ្លួន ពី​លើ​ផ្ទះ​ជាន់​ទី២ ស្លាប់ភ្លាមនៅនឹងកន្លែង។ ដោយឡែក ស្វាមីស្រ្តីរងគ្រោះ បន្ទាប់ពី​បង្ក​ជម្លោះ រហូត​ប្រពន្ធ​លោត​សម្លាប់​ខ្លួន​រួច បានរត់គេចខ្លួនបាត់ស្រមោល មិនទទួលខុសត្រូវ។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ០៧ តុលា ២០១៥
  • កែប្រែចុងក្រោយ: October 16, 2015
  • ប្រធានបទ: អត្តឃាត
  • អត្ថបទ: មានបញ្ហា?
  • មតិ-យោបល់

ស្រ្តីរងគ្រោះ ត្រូវបាគេស្គាល់ថា ឈ្មោះ ឃិន រដ្ឋា អាយុ២៥ឆ្នាំ បច្ចុប្បន្នជាបុគ្គលិក នៅក្រុមហ៊ុនផែស្ងួតមួយ​ឈ្មោះ ភេង ឡាយ ផ្នែកជំនួយការ។ ស្រ្តីរងគ្រោះ រស់នៅបន្ទប់ជួល ជាមួយស្វាមី ផ្ទះលេខ១២១ ផ្លូវ១៩២ សង្កាត់​ទឹកល្អក់ទី៣ ខណ្ឌទួលគោក រាជធានីភ្នំពេញ។ តាមសម្តីអ្នករស់នៅ​បន្ទប់ជួលជាប់គ្នានេះ បានឲ្យ​ដឹង​ថា មុនពេលកើតហេតុ គេឃើញប្តីប្រពន្ធមួយគូខាងលើ ឈ្លោះប្រកែកគ្នាខ្លាំងៗ លឺដល់អ្នកជិតខាង។

អ្នកជិតខាងបន្ថែមទៀតថា លឺសម្លេងភាគីស្វាមី ឈ្មោះ ថារី អាយុ៣០ឆ្នាំ ស្រែកខ្លាំងថាឲ្យប្រពន្ធ ចោទ​ប្រកាន់​ថា នាងមានអ្នកផ្សេង ក្រៅពីខ្លួន។ ស្រ្តីរងគ្រោះជាប្រពន្ធ បានអះអាងបដិសេធថា នាងមិនបានធ្វើអ្វី ដូចដែល​ស្វាមីចោទប្រកាន់នោះទេ។ ជម្លោះគ្រួសារនេះ ត្រូវបានអ្នកជិតខាងលឺ តាំងពីម៉ោង១៩ល្ងាច ថ្ងៃទី០៦ ខែ​តុលា ឆ្នាំ២០១៥ រហូតដល់ម៉ោង ២៣យប់ថ្ងៃដដែល ទើបស្ងាត់។

ក្រោយពីស្ងាត់ជម្លោះ អ្នកជិតខាងគិតថា ប្រហែលជាប្តីប្រពន្ធមួយគូនេះ និយាយត្រូវគ្នាហើយ បានជាឈប់​ឈ្លោះ តែផ្ទុយទៅវិញ ស្រាប់តែគេឃើញស្រ្តីជាប្រពន្ធ លោតពីលើផ្ទះជាន់ទីពីរ សម្លាប់ខ្លូនបាត់ទៅហើយ។ ក្រោយពីស្រ្តីជាប្រពន្ធស្លាប់ បុរសជាស្វាមីដែលចោទប្រពន្ធនោះ បានរត់គេចខ្លូនបាត់ស្រមោល មិនទទួល​ខុសត្រូវ។

បច្ចុប្បន្នសាកសពស្រ្តីខាងលើ មិនទាន់បានបញ្ជូនទៅស្រុកកំណើត នៅភូមិពោធិវង្ស ឃុំស្វាយលង់ ស្រុក​កណ្តៀង ខេត្តពោធ៍សាត់នៅឡើយទេ ដោយតម្កល់បណ្តោះអាសន្ន នៅវត្តទឹកថ្លា។ យ៉ាងណាក៏ដោយ សមត្ថកិច្ច​មូលដ្ឋាន នៅរាជធានីភ្នំពេញ កំពុងស្រាវជ្រាវរកស្វាមី និងសាច់ញាតិគ្រួសារ ដើម្បីដោះស្រាយ​តាមផ្លូវច្បាប់ ជូនគ្រួសារជនរងគ្រោះ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...