បន្ទាប់ពីបានឆ្លងកាត់ វគ្គជាច្រើន និងបានបកស្រាយចម្រៀង ទាំងភាសាខ្មែរ និងភាសារបរទេសរួចមក បេក្ខជន អេង តុងឡេង បានជាប់ឈានដល់វគ្គ Green Miles ដែលជាវគ្គ ជិតបញ្ចាប់របស់កម្មវីធី Cambodian Idol បន្ទាប់​ពីបេក្ខជន វ័យ២១ឆ្នាំ រូបនេះ បានច្រៀងបទចំរៀង មានចំណងជើងថា «what make you beautiful»។

ប៉ុន្តែដំណើរឈានឡើង របស់តារាចម្រៀងថ្មី មានកំណើតនៅរាជធានីភ្នំពេញ រូបនេះ មិនជាត្រូវបាន​ស្វាគមន៍​ប៉ុន្មាន នៅលើបណ្តាញសង្គមទេ។ ក្រុមអ្នករិះគន់ បាននិយាយថា តុងឡេង ច្រៀងមិនពិរោះ មិនច្បាស់ផង ស្រាប់​តែអាចឈាន ទៅវគ្គបន្ត ដែរ។

តាមម្ចាស់គណនី «Leng Eng» បានបរិហាដាក់បេក្ខជន ខ្លាំងៗថា៖ «ងាប់ហើយ ទាអួលអាចម៍លោកអើយ មួយ​បទនេះ ជាបទញុំចូលចិត្តជាងគេ ច្រៀងខុសតុង (Ton) ខុសពាក្យ ក៏អោយជាប់ដែរ។ ដោយសារ​ច្រៀង​ភាសា (បរទេស) មែន បានឲ្យជាប់ចឹង?»

ចំណែកម្ចាស់គណនី «Chao Sokmey»បានសរសេរថា៖ «ខ្ញុំមិនដឹងថា គេយកសម្លេង រឺភាពទាក់ទាញ​ទេ។ ក្នុង​វគ្គ "judge audition" បេក្ខជន និង បេក្ខនារី ខ្លះ ច្រៀងមិនកើតសោះ ចេះតែជាប់ ដល់វគ្គ "judge audition" ដែរ។ ខ្ញុំមិនយល់សោះ។ ដូចតុងឡេង យប់មិញច្រៀងមិនកើតសោះ ឱ្យជាប់ដែរ។ ស្តាយ​បេក្ខជន​សម្លេង​ល្អ ត្រូវ​ធ្លាក់! ទស្សនិកជន​មិនសប្បាយចិត្ត ពេលឃើញភាពមិនយុត្តិធម៌ សម្រាប់អ្នកមាន​សមត្ថភាព!»

ប៉ុន្តែមានម្ចាស់គណនីម្នាក់ ដាក់ឈ្មោះ «Love Pharovid»បានបញ្ជាក់ថា៖ «ស្តាប់ថាពិរោះ ក៏មិនពិរោះខ្លាំង, ថា​ស្រែក ក៏ស្រែកមិនល្អខ្លាំង, ច្រៀងភាសាអន្តរជាតិ ជាជំនាញតែមួយរបស់គាត់ ដែលល្អ។ តែប្រើប្រៀប​ធៀប នឹង​​បេក្ខជនដទៃ ដូចជាមិនល្អជាងគេប៉ុន្មានទេ។ ប៉ុន្តែគណះកម្មាការ គេសម្រេចចិត្តហើយ ប្រាកដ​ជា​មាន​ចំនុច​ពិសេស របស់គាត់។ ចំពោះខ្ញុំផ្ទាល់គិតថា គាត់ល្អហើយ ប៉ុន្តែគាត់មិនទាន់អាចខ្លាចជា IDOL មួយ​រូប សម្រាប់​​ខ្ញុំ​ទេ។»។

សូមរំលឹកថា កម្មវីធី Cambodian Idol នេះមានការផ្សាយផ្ទាល់ នៅទូរទស្សន៍ហង្សមាស វេលាម៉ោង ៨ យប់​នា​ថ្ងៃអាទិត្យ រៀងរាល់សប្ដាហ៍។

» ចង់ដឹងថាបេក្ខជនរូបនេះ បកស្រាយចម្រៀងបែបណានោះ សូមទស្សនាទាំងអស់គ្នា៖