បែកធ្លាយរូបថតរងគ្រោះរបស់ សាសា?
- ដោយ: ដារី អត្ថបទ ៖ ដាវី ([email protected]) - ភ្នំពេញ ថ្ងៃទី ០៩ កក្កដា ២០១៥
- កែប្រែចុងក្រោយ: July 09, 2015
- ប្រធានបទ: យុត្តិធម៌
- អត្ថបទ: មានបញ្ហា?
- មតិ-យោបល់
-
តើរូបថតនេះ (រូបថតពេញ នៅខាងក្រោម) ពិតជារូបថត របស់កញ្ញា សាសា ហៅ ឯក សុជាតា មែនឬ? គណនីហ្វេសប៊ុកមួយ របស់យុវជន អូន វណ្ណសាក់ (Oun Vansak) ដែលគេធ្លាប់ស្គាល់ថា ជាយុវជនសកម្មក្នុងការងារសង្គមនោះ បានយករូបនេះមកផ្សាយ នៅលើជញ្ជាំងគណនេយ្យរបស់ខ្លួន ដោយបានសរសេរអមថា៖ «អាណិត កញ្ញា សាសា ណាស់ សង្ឃឹមយុត្តិធម៌ មានសំរាប់បងស្រី»។
រូបនេះ ត្រូវបានបង្ហោះពី៣ម៉ោងមុន និងបន្ទាប់មក មានការចែករំលែកភ្លាមៗ ដល់ទៅជាង១០០នាក់។ អ្នកប្រើប្រាស់ បណ្ដាញសង្គមភាគច្រើន បានជឿជាក់ថា នេះពិតជារូបថតមែនទែន នៃការរងគ្រោះ របស់កញ្ញា សាសា ពីក្នុងហេតុការណ៍វាយតប់ បង្កឡើងដោយជនម្នាក់ ដែលគិតថាខ្លួនមានអំណាច នៅក្នុងក្លឹបឡាហ្គេនបា ស្ថិតនៅសង្កាត់ទន្លេសាបាក់ ខណ្ឌចំការមននោះ កាលពីយប់ថ្ងៃទី២ ខែកក្កដា កន្លងមក។ ប៉ុន្តែអ្នកប្រើប្រាស់ម្នាក់ បានសរសេរថា មិនមែនជារូបមែនទែន ឬជារូបរបស់កញ្ញា សាសា នោះទេ។
យ៉ាងណាក៏ដោយ ក៏នៅលើគណនេយ្យហ្វេសប៊ុក របស់អតីតពិធីការិនីទូរទស្សន៍ កញ្ញា សាសា នាងបានសរសេរ តបទៅនឹងការសួរសុខទុក្ខ របស់«ជីដូន»នាងថា៖ «ឥឡូវភ្នែកចៅខាងស្តាំ មានបញ្ហាខ្លាំងណាស់ ត្រូវទៅពេទ្យជាបន្ទាន់ ចៅមិនចង់ពិការទេ»។ ការសរសេរមួយទៀត កាលពីម្សិលម៉ិញ អមនឹងរូបភាពគណនេយ្យរបស់នាង បានឲ្យដឹងដែរថា៖ «បេីសិនខ្ញុំបាត់បង់ភែ្នកម្ខាង តេីខ្ញុំត្រូវធ្វេីយ៉ាងណា»? ការថ្លែងរបស់នាង ហាក់ត្រូវគ្នា ទៅនឹងរូបថតនេះ ដែលបង្ហាញពីភាពរងគ្រោះខ្លាំង ទៅលើភ្នែកខាងស្ដាំរបស់នាង។ ជាពិសេស នៅលើថ្ពាល់របស់កញ្ញា សាសា មានប្រជ្រុយ ឬ«អាចម៍រុយ»មួយ ដែលកាន់តែអាចបញ្ជាក់ថា រូបនេះជារូបពិត។
» New updated៖ នៅលើគណនេយ្យហ្វេសប៊ុក របស់លោក ផែង វណ្ណៈ ក៏ទើបនឹងបានបង្ហោះរូបភាពជាច្រើន ដែលលោកបានអះអាងថា ជារូបភាពរងគ្រោះ របស់កញ្ញា សាសា។ (រូបទាំងនេះ នឹងមានដាក់ជូន នៅផ្នែកខាងក្រោមនៃអត្ថបទនេះ)
អំពើហិង្សា ប្រព្រឹត្តិការវាយតប់ ទាត់ធាក់ បោចសក់នេះ កំពុងស្ថិតក្នុងចំណាត់ការ របស់តុលាការ សាលាដំបូងរាជធានីភ្នំពេញ។ កាលពីល្ងាចម្សិលម៉ិញ តុលាការបានចេញដីការឲ្យនាំខ្លួន លោកឧកញ៉ា សុខ ប៊ុន ដែលជាប់សង្ស័យ ជាអ្នកដៃដល់ ជាមួយនឹងអង្គរក្សខ្លួននោះ ដើម្បីចូលខ្លួនមកឆ្លើយបំភ្លឺ។ តែបើតាមប្រភពមិនផ្លូវការមួយ បានឲ្យទស្សនាវដ្ដីមនោរម្យ.អាំងហ្វូ ដឹងថា លោកឧកញ៉ា សុខ ប៊ុន បានធ្វើដំណើរ ទៅកាន់ប្រទេសសិង្ហបូរីបាត់ហើយ៕
» អានអត្ថបទ៖ តុលាការឲ្យនាំខ្លួនឧកញ៉ា សុខ ប៊ុន រឿងវាយតប់កញ្ញា សាសា។
» អានអត្ថបទ៖ សាសា ថាជនដែលវាយនាង បានទូរស័ព្ទមកសុំទោស។
» រូបថត ដែលត្រូវគេអះអាងថា ជារូបថតពីការរងគ្រោះ របស់កញ្ញា សាសា៖
» រូបថត របស់កញ្ញា សាសា នៅលើគណនេយ្យហ្វេសប៊ុករបស់នាង ដែលទើបនឹងដូរ កាលពីម្សិលម៉ិញ៖
» រូបថត បង្ហោះដោយលោក ផែង វណ្ណៈ