នរណាក៏ភ្ញាក់ផ្អើល នឹងតារាស្រីវ័យក្មេង ដែលបានល្បីល្បាញ ដោយសារធ្វើរឿងអាស្រូវ ថតវីដេអូ«ស៊ិច»ផ្សាយផ្ទាល់ នៅ​ក្នុងបណ្ណាល័យ នៃសាកលវិទ្យាល័យ អូរ៉េហ្គន (Oregon) កាលពីដើមបវេស្សនកាល ឆ្នាំមុននោះដែរ។ ប៉ុន្តែវីដេអូនោះ ត្រូវ​បានយកមកផ្សព្វផ្សាយឡើងវិញ កាលពីដើមខែមុន នៅតាមគេហទំព័រសម្រាប់ មនុស្សពេញវ័យ ផ្សេងៗ បង្កឲ្យការ​ភ្ញាក់​ផ្អើល​ផ្ទុះឡើងកាន់តែខ្លាំង និងឈានទៅដល់ ការឃាត់ខ្លួនយុវតី ដែលពូកែដុតរោលរាលរូបនេះ ថែមទៀត។

» សូមអានអត្ថបទ ដែលទាក់ទងឡើងវិញ ដោយចុចនៅទីនេះ និងនៅទីនេះមួយទៀត។

បើទោះជាមិត្តភ័ក្រមួយចំនួន បានដោះដៃចេញពីនាង ហើយឪពុកម្ដាយបស់នាង លែងរវីរវល់នឹងនាងទៀត ព្រមទាំងត្រូវ​ដោះស្រាយ ជាមួយប្រព័ន្ធយុត្តិធម៌អាមេរិកនោះក្ដី ប៉ុន្តែយុវតីវ័យ១៩ឆ្នាំ កេនដ្រា សាន់ដ័រលេន ដូចជាកំពុងទទួលបាន​ផ្លែផ្កា ដ៏ត្រចះត្រចង់ ពីរឿងអាស្រូវ ដែលនាងបានធ្វើនោះទៅវិញ។ ក្ដីស្រម័យដែលយុវតី ដើមទ្រូងបានរូបនេះ តែងគិត​ឃើញ​ តាំងពីកុមារភាព ថានឹងថតផ្សាយ នៅក្នុងទស្សនាវដ្ដី ផ្លេប៊យ (Playboy) ដ៏ល្បីឈ្មោះនោះ បានសម្រេចជា​បណ្ដើរៗ​​ហើយ។

មិនត្រឹមតែប៉ុណ្ណឹង ឈុតឆាកដែលនាងថតឲ្យទស្សនាវដ្ដីនោះ ត្រូវបានជ្រើសរើស នៅពីមុខបណ្ណាល័យដែលពោរពេញ ទៅដោយសៀវភៅនោះផង។ ឈុតឆាកនេះ នឹងធ្វើឲ្យអ្នកទស្សនា នឹកឃើញឡើងវិញ ពីឈុតឆាកថត«ស៊ិច»របស់នាង កេនដ្រា នៅក្នុងបណ្ណាល័យ នៃសាកលវិទ្យាល័យ។

ដំណើរនៃការថតរូប ដាក់ឲ្យទស្សនាវដ្ដី ត្រូវបានយកមកផ្សាយ នៅក្នុងគេហទំព័រចែកផ្សាយវីដេអូ យូធូប កាលពីថ្ងៃសៅរ៍​សប្ដាហ៍មុន។ យុវតីដើមទ្រូងបានរូបនេះ បានសើចនៅក្នុងវីដេអូនោះ រួចនិយាយថា៖ «ជម្រាបសួរច៎ា! នាងខ្ញុំ កេនដ្រា សាន់ដ័រលេន យុវតីនៃបណ្ណាល័យ»។ នាងនិយាយបន្តទៀត ដោយសើចក្អាកក្អាយថា៖ «មូលហេតុសំខាន់ ដែលខ្ញុំ​ចង់​ឈរ នៅពីមុខម៉ាស៊ីនថតរូប គឺ... ខ្ញុំចូលចិត្តនៅពីមុខម៉ាស៊ីនថតរូប» មុននឹងបញ្ចប់ ដោយឃ្លានេះថា៖ «ខ្ញុំចង់ថ្លែងអំណរ​គុណ ទៅដល់អ្នកគាំទ្រខ្ញុំទាំងអស់ ដើម្បីបានគាំទ្រ និងក្ដីស្រឡាញ់ ដែលពួកគេទាំងនោះ បានផ្ញើរមកឲ្យខ្ញុំរាល់ថ្ងៃ»៕