«ហត់ នឹង​ពួក​ច្រណែន​ឈ្នានីស​ណាស់​លោកអើយ!!! សូម​ជំរាប​ថា ខ្ញុំ​គ្មាន​សិទ្ធិ​អី​បព្ជាា​ទៅ​ស្ថាប័ន​រដ្ឋ រឺ​អតិថិជន អោយ​គេ​រើស​អ្នក​នេះ​អ្នក​នោះទេ ហើយ​ខ្ញុំ​រវល់​ណាស់ នឹង​ការ​សិក្សា​ក៏​ដូច​ជា​ការងារ។ ខ្ញុំ​មាន​ពេល​ឯណា ទៅ​ជួយ​ការងារ​បង​ស្រី​នោះ។ ហើយ​អ្វី​គ្រប់​យ៉ាង គឺ​បង​ស្រី​ខ្ញុំ​ជា​អ្នក​សំរេច ខ្ញុំ​គឺ​គ្នាន​សិទិ្ធ​ទេ!!» នេះ​ជា​ប្រតិកម្ម​របស់​កញ្ញា ឌួង ហ្សូរីមា បន្ទាប់​ពី​តារា​បង្ហាញ​ម៉ូដ​ម្នាក់ ដែល​បាន​ដើរ​ចេញ​ពី​ក្រុម Cambodia Super Model មិន​បញ្ចេញ​ឈ្មោះ បាន​ប្រាប់​គេហទំព័រ​ក្នុង​ស្រុក​មួយ​ថា ការ​ដែល​ខ្លួន​ដើរ​ចេញ​ពី​ក្រុម គឺ​ដោយ​សារ​តែ​កាល​ខ្លួន​នៅ​ជា​សមាជិក​មិន​សូវ​បាន​ចេញ​ដើរ​ម៉ូដ ហើយ​តារា​បង្ហាញ​ម៉ូដ ដែល​ឧស្សាហ៍​ចេញ​ដើរ​បង្ហាញ​ម៉ូដ​នោះ ភាគ​ច្រើន គឺ​ជា​អ្នក​ដែល​ស្និត​នឹង​មេ​ក្រុម ឬ​ជា​សាច់​ញាតិ​របស់​ថ្នាក់​ដឹក​នាំ​របស់​ក្រុម។

អតីតសមាជិកក្រុម Cambodia Super Model ដែលមិនបញ្ចេញឈ្មោះនេះ បាននិយាយបរិហាថា៖ «សមាជិក​ក្រុមភាគច្រើនចង់ចាកចេញនោះ គឺដោយសារតែពួកគេមិនពេញចិត្តការដឹកនាំ ជាពិសេសកញ្ញា ដួង ហ្សូរីម៉ា តែម្ដង ព្រោះនាងដឹកនាំបែបបក្សពួកនិយម»។ តារាម៉ូឌែលម្នាក់នេះថា មានតារាបង្ហាញម៉ូដជាច្រើននាក់ទៀត មានការអន់ចិត្ត ហើយតារាទាំងនោះ ក៏នឹងមានគម្រោងដើរចេញដូចគ្នាដែរ គ្រាន់តែមិនទាន់ដល់ពេល​តែ​ប៉ុណ្ណោះ។

តារាបង្ហាញម៉ូតរាងតូចច្រឡឹងកញ្ញា ហ្សូរីម៉ា បានសរសេរឌឺដង តបឲ្យអតីតតារាបង្ហាញម៉ូដលាក់មុខនេះ វិញ​ថា៖ «សំរាប់ខ្ញុំ គឺមិនទៅឈឺក្បាលទេ អារឿងអស់បានការអញ្ចឹងៗ អត់អ្នកឯងតែ ១នាក់ ២នាក់ ក៏ក្រុមខ្ញុំធ្វើការ​ដោយសប្បាយរីករាយ និងសាមគ្គីគ្នាដែរ..!!! មុននឹងហាស្តីនិយាយចេញមកក្រៅ គួរតែចេះគិតនិងមើលពី​កំហុស និងពីអត្តចរិតរបស់ខ្លួនឯងផង ថាតើល្អយ៉ាងណាទៅ ដល់ថ្នាក់គេឈប់ហៅធ្វើការអញ្ចឹង គេងគិត​ខ្លួន​ឯងទៅ អ្នកច្រណែនគេអើយ គួរអោយអាណិតណាស់។»

ដូច Free អោយគេអញ្ចឹង...

ចំណែកអ្នកនាង ចន ច័ន្ទលក្ខិណា បន្ទរជាមួយដែរថា៖ «និយាយចេញមក ដឹងមុខអ្នកនិយាយតែម្តង។ ទុកមុខ​អោយតិចសិន។ ចាំមើលហ៊ានទៀតអត់? បើហ៊ានច្បាស់ជាដឹងគ្នាម៉ង។ ខ្លួនអែងរូបអាក្រក់មិនសម​ម៉ូដែល​ហើយ នៅមកច្រណែនគេទៀត។ ចង់ប្រាប់អ្នកដែលនិយាយថា ពេលខ្លួននៅក្នុងក្រុម Cambodia super model ពេលខ្លួនមានឱកាសបង្ហាញខ្លួនម្តងៗ គឺពួកយើងអង្វរ client អោយយកទេ ពេលខ្លះទៀតពួកបង​ចាស់ៗ សុខចិត្តកាត់កំរ៉ៃម្នាក់បន្តិច ដើម្បីអោយប្អូនៗមានឱកាសបង្ហាញសមត្ថភាព បានន័យថា សឹងតែ​រាល់​ការដែលប្អូនបានសំដែង គឺដូច free អោយគេអញ្ចឹង។»

តារាសម្ដេង និងបង្ហាញម៉ូដមានខ្ពស់ស្រលះរូបនេះ បានបន្តថា នៅពេលអតីតតារាបង្ហាញម៉ូដ ក្នុងក្រុមរបស់​ខ្លួនម្នាក់នោះ ចេញដើរម៉ូតម្តងៗ គឺកញ្ញា ឌួង ហ្សូរីដា សុខចិត្តកាត់លុយពីតារាចាស់ៗដូចជាអ្នកនាង យកទៅ​អោយដើម្បីអោយមានទឹកចិត្ត តែតារាបង្ហាញម៉ូដ ដែលបានដើរចេញពីក្រុម Cambodia Super Model ដែលមិន​បញ្ចេញឈ្មោះម្នាក់នោះ មិនត្រឹមតែមិនដឹងគុណគេទេ តែថែមទាំងក្លាយជាក្រពើបកក្បាលមកខាំពួកខ្លួនវិញ។

«ធ្វើនំអត់ម្សៅ...»

អ្នកនាង ចន ច័ន្ទលក្ខណា បានបរិហាតារាម្នាក់នោះទៀតថា៖ «និយាយហាឡើង សុទ្ធតែបើមានគេអត់ខ្ញុំ អស្ចារ្យ​មេស ល្បីពីអង្កាល មេចក៏ឆាប់តម្លើងឫកម៉េស? ទៅក្រុមផ្សេង ប្អូនល្បីនិងអស្ចារ្យសំរាប់ប្អូនហើយ ព្រោះ​ធ្វើនំអត់ម្ស៉ៅ មិនចាំបាច់ហត់ តែរសជាតិយ៉ាងមេចគឺមិនដឹង ថ្លៃរឺថោកគឺបានទាំងអស់។ ចង់និយាយប្រាប់​ប្អូន​ថា បើប្អូនមិនសូវបានចេញមុខ តើអាក្រុមផ្សេងវាស្គាល់ប្អូនតាមណា ? រឺក៏ប្អូនបិទផ្លាកប្រកាស​លក់ខ្លួន​អោយ​ក្រុមផ្សេង ? ក្រពើវង្វេងបឹង គឺអ្នកនិយាយហ្នឹងហើយ មានអ្នកខ្លះទៀតច្រណែន និងតួចាស់ៗដូចពួកបង​បាន​ចេញមុខរហូត។»

រីឯកញ្ញា ឌួង ហ្សូរីដា ប្រធានក្រុម បង្ហាញម៉ូដ Cambodia supermodel បានចូលរួមផ្តល់យោបល់ជាមួយថា៖ «ពិត១០០% បងមុំជាអ្នកនិយាយអញ្ចឹង។ ហេតុអ្វីអ្នកនិយាយថា អ្នកជាជម្រើសដំបូង និងជាជម្រើសទី១ របស់ clients?»៕