តុលាការខ្មែរផ្តន្ទាទោសមន្ត្រីសិទ្ធិមនុស្ស៥រូប ឲ្យជាប់គុក៥ឆ្នាំដោយព្យួរទោស
អតីតមន្ត្រីសិទ្ធិមនុស្ស លោក នី ចរិយ៉ា ដែលបច្ចុប្បន្នមន្រ្តី គ.ជ.ប និងមន្ត្រីសិទ្ធិមនុស្ស៤រូបទៀត រួមមាន លោក ណៃ វ៉ង់ដា - លោក យី សុខសាន្ត - លោក នី សុខា និងអ្នកស្រី លឹម មុន្នីុ ត្រូវបានចៅក្រមជំនុំជម្រះ នៃសាលាដំបូងរាជធានីភ្នំពេញ លោក ឌុច សុខសារិន ប្រកាសសាលក្រម នៅរសៀលថ្ងៃទី២៦ ខែកញ្ញា ឆ្នាំ២០១៨នេះ សម្រេចផ្តន្ទាទោស ដាក់ពន្ធនាគារម្នាក់ៗ៥ឆ្នាំ ប៉ុន្តែទោសនេះត្រូវបានព្យួរ ដោយមិនឱ្យអនុវត្តឡើយ។
អតីតមន្ត្រី និងមន្ត្រីសិទ្ធិមនុស្ស មកពីសមាគមអាដហុក ទាំងប្រាំរូប ត្រូវបានចាប់ខ្លួន និងឃុំខ្លួន រាប់ចាប់ពីពាក់កណ្ដាល ឆ្នាំ២០១៦ មុននឹងដោះលែង ឲ្យនៅក្រៅឃុំ ជាបណ្ដោះអាសន្នវិញ នៅថ្ងៃទី២៩ ខែមិថុនា ឆ្នាំ២០១៧។ ពួកគេ ត្រូវបានចោទប្រកាន់ ពីបទសូកប៉ាន់សាក្សី តាមមាត្រា២៩ និងមាត្រា៥៤៨ [...]
