«ខ្ញុំយល់អារម្មណ៍របស់អ្នកសិល្បៈ ដែលទទួលរងការិះគន់របស់មហាជន សម្រាប់ខ្ញុំទទួលឡើង​ឆ្អែតឆ្អន់​ហើយ ហើយអារម្មណ៍មួយនេះវា ដក់ជាប់រហូត តែអ្វីដែលខ្ញុំអាចធ្វើបានគឺ ខ្ញុំអាចជំនះនូវការរិះគន់​ទាំង​អស់» នេះជាការលើកឡើងរបស់អ្នកនាង ចន ច័ន្ទលក្ខិណា ដែលអ្នកនាងបានសរសេរ​នៅលើទំព័រ​ហ្វេសប៊ុក​​របស់​អ្នកនាង។

ការដែលអ្នកនាងសរសេរសារបែបនេះ ព្រោះតែអ្នកនាងចង់បង្ហាញឱ្យទស្សនិកជន ឃើញថា អ្នកនាងក៏​ដូច​ជាអ្នកសិល្បៈខ្មែរភាគច្រើន មានអារម្មណ៍ឈឺចាប់ខ្លាំងណាស់ នៅពេលដែលតែងតែរងនូវការការរិះគន់ មិន​ចេះចប់មិនចេះហើយ ពីទស្សនិកជាជនរួមជាតិដូចគ្នា។ រីឯអ្នកសិល្បៈបរទេសវិញបែរជា ទទួលបានតែការ​លើកតម្កើង និងសរសើរមិនដាច់មាត់ពីទស្សនិកជនទៅវិញ។

បន្ថែមលើសពីនេះ ក្នុងពេលដែលអ្នកនាង បានចែករំលែកវីដេអូ ពីម្ចាស់គណនីម្ចាស់មួយ ដែលបានរិះគន់​ចំពោះ​តារាសិល្បៈរបស់ខ្មែរ តារាសម្តែងជើងចាស់ មានឈ្មោះបោះសំឡេងល្បីក្នុងវិថីសិល្បៈរូបនេះ​សរសេរ​បន្តដោយ បង្កប់នូវអារម្មណ៍ឈឺចាប់យ៉ាងដូច្នេះថា អ្នកសិល្បៈគ្នាគ្មានមូលដ្ឋានខ្លួនឯងសម្រាប់ តម្រូវ​ចិត្ត​មហាជនគ្រប់គ្នាទេ។ ដើម្បីទស្សនិកជន អ្នកសិល្បៈត្រូវធ្វើអ្វីដែលខ្លួនឯងមិនមែនជាខ្លួនឯង។

អ្នកនាងបានសរសេរដោយអារម្មណ៍ថ្នាំងថ្នាក់បន្តថា «អ្នកសិល្បៈតែងតែមានកាយវិការ អារម្មណ៍ក្លែង​កា្លយ​នៅ ចពោះមុខមហាជន ពេលខ្លះទទួលរងមកវិញនូវ ការតបស្នងយ៉ាងឈឺចាប់មកវិញ ហើយគ្នា មិនអាច​តបត បាន ក្រៅពីសម្ងំឱ្យគេរិះគន់ឱ្យឆ្អែត។ ប៉ុន្តែចំពោះតារាបរទេសវិញ នាំគ្នាគាំទ្រយ៉ាង ងប់ងល់ សូម្បីតែ​កូនអំបាត អ្នកសិល្បៈ គេដែលមិនល្បីស្មោះ តែនាំគ្នាលើកទូលគេ ដូចព្រះធ្លាប់ប្រោសជីវិតខ្លួន! អ្នកសិល្បៈ​ឯងធ្វើអីក៏ខុស ធ្វើអីក៏ឆ្គង….តើយុត្តិធម៌ របស់អ្នកសិល្បៈខ្មែរ នៅឯណា?»។ ម៉េម៉ាយសាច់ខ្ចីកូនមួយរូបនេះ ប្រដូចទៅនឹងតារាហូលីវូធដែលបានធ្វើអត្ថឃាតថា «តួយ៉ាងដូចតារាភាពយន្ត Hollywood ដែលធ្វើ​អត្តឃាត​ខ្លួនឯងនេះ ក៏មកពីជំងឺសំពាធអារម្មណ៍»៕