កងទ័ពកម្ពុជាបានធ្វើលិខិតតវ៉ាជុំវិញ ការរាយបន្លាលួសរបស់កងទ័ពភាគីថៃ នៅតំបន់ស្រះត្រាវ ដែលជាតំបន់ផ្ទុះ​អាវុធ​​ជាមួយគ្នា កាលពីឆ្នាំ ២០០៨ ដែលមានចម្ងាយប្រមាណជាង១០០ម៉ែត្រ ពីទីតាំងប្រាសាទព្រះវិហារ បន្ទាប់ពី​កងទ័ពថៃបានរាយបន្លាលួស ចំនួនបីថ្ងៃកន្លងមក។

ច្រកចូលពីខាងមុខប្រាសាទព្រះវិហារ។ (រូបថត

ព្រំដែន - លោក ស្រី ឌឹក មេបញ្ជាការកងពលធំ អន្តរាគមន៍លេខ៣ ប្រាសាទព្រះវិហារ បានឲ្យដឹងថា លោកបាន​ធ្វើលិខិត តវ៉ាទៅទាហ៊ានថៃ ប៉ុន្តែខាងទាហាថៃប្រាប់វិញថា សុំពន្យារពេល ដោយបញ្ហាក្នុងប្រទេសមិនទាន់​ធូរ​ស្រាល។ ហើយ កន្លែងដែលថៃរាយបន្លាលួស គឺស្ថិតនៅតំបន់ស្រះត្រាវ ជាទីតាំងមួយដែលភាគី ទាំងពីរកម្ពុជា-ថៃ ធ្លាប់បានផ្ទុះអាវុធជា មួយគ្នាកាលពី ឆ្នាំ២០០៨។

លោកឧត្ដមសេនីយ៍ បានថ្លែងថា៖ «សកម្មភាពរាយបន្លាលួសពីសំណាក់ទាហ៊ានថៃជារឿងដដែលៗ ហើយកំពុង​ផ្ទុយ​តែ​ពីសាលដី ការបស់តុលាការយុត្តិធម៌អន្តរជាតិទីក្រុងឡាអេ ដែលបានហាមឃាត់ ប៉ុន្តែយើងមិនព្រួយ​បារម្ភ​អី​នោះទេ យើងត្រៀមតែអនុវត្ត ទៅតាមបទបញ្ជារបស់ ប្រមុខរាជរដ្ឋាភិបាល នឹងភាគីពាក់ព័ន្ធដទៃទៀត»។

ចំនែកឯលោក លោក កុយ គួង អ្នកនាំពាក្យក្រសួងការបរទេសបានថ្លែងថា ភាគីខាងកងទ័ពបានធ្វើលិខិតតវ៉ា ទៅ​ខាងភាគីថៃហើយ ដើម្បីឲ្យស្រាយចេញវិញ។ លោកបានថ្លែងឲ្យដឹងទៀតថា៖ «សកម្មភាពរបស់ថៃ បានបំពាន​ការ​ចុះការអនុស្សារណៈ យោគយល់ គ្នាកម្ពុជា-ថៃ ឆ្នាំ២០០០ដែលហាមឃាត់ មិនឲ្យចូលកាន់កាប់តំបន់ ដែលថៃកំពុង​រាយបន្លាលួស»។

លោក កុយ គួង បន្ថែមឲ្យដឹងទៀតថា សកម្មភាពរបស់ថៃថាជាសកម្មភាពធម្មតា ហើយរហូតដល់ពេលនេះ ស្ថានភាពនៅតាមព្រដែន ក៏មានសភាពស្ងប់ស្ងាត់ផងដែរ។

កាលពីខែកក្កដា ឆ្នាំ២០០៨ បន្ទាប់ពីកងទ័ពខ្មែរថៃ បានប៉ះប្រយុទ្ធគ្នាជាច្រើនលើក ដោយសារតែជម្លោះព្រំដែន ហើយភាគីថៃធ្លាប់បានបញ្ជូនទាហានរាប់រយនាក់ ចូលលុកលុយវត្តខ្មែរកែវសិក្ខាគីរីស្វារៈ ជិតប្រាសាទព្រះវិហារ ។ ក៏ប៉ុន្តែ ការប្រឈមមុខដាក់គ្នាដោយកងទ័ពបានស្ងប់ស្ងាត់ទៅវិញ នៅពេលដែល អ្នកស្រី យ៉ីងឡាក់ ស៊ីណាវ៉ាត់ ជាប្អូនរបស់ លោក ថាក់ ស៊ីន បានឈ្នះឆ្នោត បានឡើងកាន់តំណែងជានាយករដ្ឋមន្ត្រីថៃ៕