ពង្រាង​​ច្បាប់​​ធានា​​ឯករាជ្យភាព​​របស់​​តុលាការ នឹង​ទៅ​ដល់​គណៈ​រដ្ឋមន្ត្រី​នៅ​ដើម​សប្តាហ៍ក្រោយ

ឆ្លើយតបទៅនឹងការផ្តេជ្ញាចិត្តរបស់រដ្ឋាភិបាលអាណត្តិទី៥ ដែលអះអាងថាកែទម្រង់ស៊ីជម្រៅនោះ សេចក្តីព្រាងច្បាប់បីសំខាន់ៗពាក់ព័ន្ធ នឹងប្រព័ន្ធយុត្តិធម៌ នឹងត្រូវទៅដល់ដៃគណៈរដ្ឋមន្រ្តីនៅដើមសប្តាហ៍ក្រោយនេះ មុននឹងបញ្ជូនបន្តទៅកាន់រដ្ឋសភា។
Loading...
  • ដោយ: អ៊ុំ បូរី
  • កែប្រែចុងក្រោយ: March 20, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ឆ្លើយតបទៅនឹងការផ្តេជ្ញាចិត្តរបស់រដ្ឋាភិបាលអាណត្តិទី៥ ដែលអះអាងថាកែទម្រង់ស៊ីជម្រៅនោះ សេចក្តីព្រាង​ច្បាប់បីសំខាន់ៗពាក់ព័ន្ធ នឹងប្រព័ន្ធយុត្តិធម៌ នឹងត្រូវទៅដល់ដៃគណៈរដ្ឋមន្រ្តីនៅដើមសប្តាហ៍ក្រោយនេះ មុននឹង​បញ្ជូនបន្តទៅកាន់រដ្ឋសភា។


ផ្លាកសញ្ញាបញ្ជាក់ពីយុត្តិធម៌ ពីខាងក្រៅសាលាឧទ្ទរណ៍។ MONOROOM.info photo/ O. Vary

ប្រព័ន្ធយុត្តិធម៌ - នាយក ខុទ្ទកាល័យ រដ្ឋមន្ត្រីក្រសួង យុត្តិធម៌ លោក សម ប្រជាមានិត បានថ្លែងប្រាប់ទស្សនាវដ្តី​មនោរម្យ.អាំងហ្វូ នៅថ្ងៃទី២០ មីនា នេះថា តាមគម្រោងសេចក្តីព្រាងច្បាប់៣ គឺ ច្បាប់ស្តីពីលក្ខន្តិកៈចៅក្រម និង​ព្រះរាជអាជ្ញា ច្បាប់ស្តីពីការរៀបចំ និងការប្រព្រឹត្តទៅរបស់អង្គតុលាការ និងអយ្យការ និងច្បាប់ស្តីពីឧត្តម​ក្រុមប្រឹក្សា​នៃអង្គចៅក្រម នឹងត្រូវបញ្ជូនទៅដល់គណៈរដ្ឋមន្រ្តី ដើម្បីត្រួតពិនិត្យនៅដើមសប្តាហ៍ក្រោយនេះ។

លោក សម ប្រជាមានិត បញ្ជាក់ថា៖ «សេចក្តីព្រាងច្បាប់ទាំងបីនេះ ត្រូវបានធ្វើឡើងដោយក្រុមបច្ចេកទេសច្បាប់ របស់ក្រសួងយុត្តិធម៌ និងសហការជាមួយក្រសួងផ្សេងទៀត រាប់ចាប់ពីអង្គភាប្រឆាំងអំពើពុករលួយ ក្រុមប្រឹក្សាអ្នក​ច្បាប់ សរុប៣១ស្ថាប័ន(...)។ ក្រោយការត្រួតពិនិត្យ និងពិភាក្សាល្អិតល្អន់ ច្បាប់ទាំងនេះនឹងបញ្ជូនទៅគណៈរដ្ឋមន្រ្តី នៅដើមសប្តាហ៍ក្រោយ ហើយត្រូវបញ្ជូនបន្តទៅរដ្ឋសភា និងព្រឹទ្ធសភា ជាបន្តបន្ទាប់ តាមនីតិវីធីច្បាប់។»

តែនៅពេលសួរថា តើច្បាប់ទាំងនេះ ដែលធានាឯករាជ្យភាពដល់ស្ថាប័នតុលាការ នឹងមានដំណាក់កាលណាមួយ ផ្តល់ឱកាសដល់គណបក្សជំទាស់ និងអង្គការសង្គមស៊ីវិល ចូលរួមត្រួតពិនិត្យ ជជែកដេញដោល និងផ្តល់មតិ ក្នុង​ន័យស្ថាបនាដោយតម្លាភាព? លោក សម ប្រជាមានិត នាយខុទ្ទកាល័យ រដ្ឋមន្ត្រីក្រសួង យុត្តិធម៌ បានឆ្លើយបញ្ជាក់​ថា៖ «ទាក់ទងករណីនេះ គឺជារឿងបច្ចេកទេសរបស់ក្រុមការងារតាក់តែងច្បាប់ ខ្ញុំអត់មាននៅក្នុងក្រុមការងារ​បច្ចេកទេសទេ គ្រាន់តែខ្ញុំបានដឹងថាទៅដល់ណា»។

ក្នុងក្របខ័ណ្ឌការធ្វើកំណែទម្រង់ច្បាប់ និងប្រព័ន្ធយុត្តិធម៌ ក៏ដូចជាគោលនយោបាយ កែទម្រង់ស៊ីជម្រៅលើ​វិស័យ​ផ្សេងទៀត លោកនាយករដ្ឋមន្រ្តី ហ៊ុន សែន កន្លងមក មិនត្រឹមតែអះអាងទេ តែថែមទាំងទទូចដល់ដៃគូពាក់ព័ន្ធ រាប់​ចាប់ពីគណបក្សជំទាស់ ម្ចាស់ជំនួយ អង្គការសង្គមស៊ីវិល គម្បីចូលរួមចំណែក ក្នុងគោលនយោបាយកំណែ​ទម្រង់​ស៊ី​ជម្រៅ របស់រដ្ឋាភិបាលអាណត្តិទី៥នេះ ឲ្យមានប្រសិទ្ធភាព។

យ៉ាងណាក្តីក៏មជ្ឈដ្ឋានអ្នកតាមដានស្ថានការណ៍សង្គម និងអ្នកវិភាគនយោបាយឯករាជ្យកម្ពុជា នៅតែមានមន្ទិល​សង្ស័យ​ចំពោះប្រសិទ្ធភាព នៃគោលនយោបាយកែទម្រង់ស៊ីជម្រៅរបស់រដ្ឋាភិបាលលោកនាយករដ្ឋមន្រ្តី ហ៊ុន សែន ដដែល ព្រោះបញ្ហាដែលរដ្ឋាភិបាលបានសន្យាថា កែទម្រង់ច្រើនអាណត្តិមកហើយនោះ នៅតែបន្តកើតមាន​រហូត​ដល់បច្ចុប្បន្ន៕

--------------------------------------
ដោយ អ៊ុំ បូរី (ទំនាក់ទំនង៖ [email protected]) - ភ្នំពេញ ថ្ងៃទី២០ មីនា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...