កីឡាករ​ថ្មី​រៀលម៉ាឌ្រីដ៖ ខ្ញុំ​ដាក់​ឈ្មោះ​ឆ្កែ​របស់​ខ្ញុំ​ថា «ម៉េស៊ី»

កីឡាករវ័យក្មេងអន្តរជាតិអេស្ប៉ាញ អ៊ីស្កូ (Isco) បានធ្វើការផ្ទេរចប់សព្វគ្រប់អស់ហើយ ទៅកាន់ក្រុមរៀលម៉ាឌ្រីដ (Real Madrid) ប៉ុន្តែកីឡាកររូបនេះ នឹងត្រូវចាប់ដៃគូជាមួយគ្រីស្ទែណូ រ៉ូណាល់ដូ (Cristiano Ronaldo) តតាំងជាមួយកីឡាករ​ឆ្នើម​របស់ក្រុមបាសេឡូណា (Barcelona) ណីម៉ា (Neymar) និង ម៉េស៊ី (Messi)។
Loading...
  • ដោយ: វិន ជីវ័ន្ត
  • កែប្រែចុងក្រោយ: July 02, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

កីឡាករវ័យក្មេងអន្តរជាតិអេស្ប៉ាញ អ៊ីស្កូ (Isco) បានធ្វើការផ្ទេរចប់សព្វគ្រប់អស់ហើយ ទៅកាន់ក្រុមរៀលម៉ាឌ្រីដ (Real Madrid) ប៉ុន្តែកីឡាកររូបនេះ នឹងត្រូវចាប់ដៃគូជាមួយគ្រីស្ទែណូ រ៉ូណាល់ដូ (Cristiano Ronaldo) តតាំងជាមួយកីឡាករ​ឆ្នើម​របស់ក្រុមបាសេឡូណា (Barcelona) ណីម៉ា (Neymar) និង ម៉េស៊ី (Messi)។


កីឡាករអូស្លូ និងឆ្កែរបស់គាត់។

កីឡាករឆ្នើមរូបនេះ មិនជឿថា ខ្សែប្រយុទ្ធអាស្សង់ទីន (ម៉េស៊ី) ជាកីឡាករល្អបំផុត នៅក្នុងពិភពលោកនោះទេ។ ប៉ុន្តែគាត់​បានដាក់ឈ្មោះឆ្កែរបស់គាត់ថា «ម៉េស៊ី»។

តើគាត់ចង់និយាយពីអ្វី ឲ្យប្រាកដ? នេះជាចម្លើយតាមបែបវិភាគ ៖
• ចំណុចវិជ្ជមាន៖ ឆ្កែរបស់ខ្ញុំល្អបំផុតនៅក្នុងពិភពលោក ដូចកីឡាករម្ចាស់បាល់មាស ៤សម័យកាល «ម៉េស៊ី» ដូច្នោះដែរ។
• ចំណុចអវិជ្ជមាន៖ «ម៉េស៊ី» គ្មានអ្វីអស្ចារ្យទេ គ្រាន់តែដូចទៅនឹងឆ្កែមួយក្បាល តែប៉ុណ្ណោះ។

ប៉ុន្តែទោះជាយ៉ាងណា គាត់បាននិយាយថា៖ «ខ្ញុំដាក់ឈ្មោះឆ្កែរបស់ខ្ញុំថា "ម៉េស៊ី" ព្រោះម៉េស៊ីជាកីឡាករល្អបំផុត​នៅក្នុង​ពិភពលោក ហើយឆ្កែរបស់ខ្ញុំក៏ដូចឆ្នោះដែរ។»

កីឡាករវ័យ ២១ឆ្នាំរូបនេះ បានពន្យល់ពីការដាក់ឈ្មោះសត្វចិញ្ចឹមរបស់គាត់ ខណៈពេលដែលត្រូវបានប្រកាស ធ្វើការ​ផ្លាស់ប្តូរទៅកាន់ក្រុមរៀលម៉ាឌ្រីដជាផ្លូវការ។

អ៊ីស្កូ ធ្លាប់មានភាពល្បីល្បាញ នៅលើសារពត៌មាននានាម្តងមកហើយ កាលពីគាត់នៅក្រុមវ៉ាឡិនសៀ (Valencia) ពោល​គឺល្បីខាងបញ្ចេញអាកប្បកិរិយាឈ្លើយ។ ប៉ុន្តែគ្មានអ្នកណាដឹងទេថា គាត់ធ្វើរឿងទាំងនោះដើម្បីអ្វីនោះទេ។

កីឡាកររូបនេះ ក៏ធ្លាប់ឌឺដង ជាមួយនឹងអតីតគ្រូបង្វឹករៀលម៉ាឌ្រីដ លោកជូសេ ម៉ូរីញ៉ូ (Jose Mourinho) នៅក្នុងបណ្តាញ​សង្គមធ្វីតថឺ (Twiiter) ផងដែរ កាលពីការប្រកួតផ្តាច់ឆែមពានលីក (Champions League) ឆ្នាំ២០១១ រវាងក្រុមបាសេឡូណា និងក្រុមម៉ែនឆេស្ទើ យូណៃធីត (Manchester United)។

ជាងនោះទៅទៀត កីឡាករវ័យក្មេងអេស្ប៉ាញរូបនេះ បាននិយាយផ្គើនដល់ ខ្សែបម្រើឆ្នើមក្រុមបាសេឡូណាទាំង២រូបទាំង ស្ស៊ាវី (Xavi) និងអេនដ្រេ អ៊ីណែស្តា (Andres Iniesta) ថា ពួកគេជាបុគ្គលដែលមិនគួរឲ្យគោរព។

អតីតកីឡាករក្រុមម៉ាឡាកា (Malaga) បានចុះកិច្ចសន្យាលេងឲ្យក្រុមរៀលម៉ាឌ្រីដ រយះពេល ៥ឆ្នាំ បន្ទាប់ពីគាត់ធ្វើតេស្ត​ពិនិត្យសុខភាពបានជោគជ័យ ហើយក៏បានបង្ហាញខ្លួនដល់អ្នកគាំទ្រ នៅក្នុងកីឡាដ្ឋានសាន់ទីអាកូ បឺណាប៊ូ (Santiago Bernabeu) រួចហើយដែរ៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី០២ ខែកក្កដា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...