Posts tagged as "Sok Touch"

បក្ស​ខ្មែរ​ក្រោក​ប្ដឹង សុខ ទូច ទៅ​តុលាការ​ពី​បទ​ចោទ​ចំនួន៣

បក្ស​ខ្មែរ​ក្រោក​ប្ដឹង សុខ ទូច ទៅ​តុលាការ​ពី​បទ​ចោទ​ចំនួន៣

បទចោទទាំងបីនោះ រួមមាន ការជ្រៀតជ្រែកដោយខុសច្បាប់ នៅក្នុងការបំពេញមុខងារសាធារណៈ ការញុះញង់ឲ្យមានការរើសអើង និងការរំលោភលើអំណាចតុលាការ។ នេះ បើតាមពាក្យបណ្ដឹង របស់គណបក្សខ្មែរក្រោក ដែលត្រូវបានចែកផ្សាយ​ជាសាធារណៈ កាលពីពេលមុននេះ ប្ដឹងលោក សុខ ទូច ប្រធានរាជបណ្ឌិត្យសភាកម្ពុជា ឡើងទៅសាលាដំបូងរាជធានី ភ្នំពេញ។

បណ្ដឹង ដែលប្ដឹងដោយអគ្គលេខាធិការរងគណបក្ស លោក ខែម ស៊ីឡេង បានសរសេរថា លោក សុខ ទូច បានផ្ដល់កិច្ចសម្ភាស ទៅឲ្យសារព័ត៌មានក្នុងស្រុកចំនួនពីរ និងបានបង្ហោះវីដេអូមួយ នៅលើគណនីរបស់លោក ដែលមានអត្ថន័យគម្រាមកំហែង និងញុះញង់ឲ្យរដ្ឋាភិបាល ចាប់ខ្លួនបញ្ចូលគុក នូវបណ្ដាអ្នកផ្ដួចផ្ដើមគំនិតធ្វើញត្តិ ទៅក្រុមប្រឹក្សាធម្មនុញ្ញ ដើម្បីពិនិត្យ និងដោះស្រាយឡើងវិញ លើសន្ធិសញ្ញាបំពេញបន្ថែម ខ្មែរ-វៀតណាម ឆ្នាំ២០០៥។ 

គណបក្សខ្មែរក្រោក បានស្នើឲ្យតុលាការ ចាត់ការលើលោក សុខ ទូច តាមច្បាប់ និងទាមទារ ឲ្យមានសំណងជំងឺចិត្ត [...]

សាយ ឈុំ តែងតាំង​មន្ត្រី​៦នាក់​ទៀត ក្នុង​រាជ​បណ្ឌិត្យ​សភា

សាយ ឈុំ តែងតាំង​មន្ត្រី​៦នាក់​ទៀត ក្នុង​រាជ​បណ្ឌិត្យ​សភា

មន្ត្រី៦នាក់ទៀត ទើបត្រូវបានតម្លើង​«បុណ្យ» នៅឯស្ថាប័ន​រាជបណ្ឌិត្យសភា​កម្ពុជា។ នេះ បើយោងតាមព្រះរាជក្រឹត្យមួយ ដែលចុះហត្ថលេខា ដោយលោក សាយ ឈុំ ប្រធានព្រឹទ្ធសភា - អនុប្រធានគណបក្សប្រជាជនកម្ពុជា ដែលធ្វើឡើង នៅក្នុងនាមជាប្រមុខរដ្ឋស្ដីទី ចុះថ្ងៃទី១០ ខែសីហា ឆ្នាំ២០១៧ ម្សិលម៉ិញ។

ចុះហត្ថលេខា ដោយអនុប្រធាន​គណបក្សប្រជាជនកម្ពុជា តាមការក្រាបបង្គំទូលថ្វាយ របស់លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា ព្រះរាជក្រឹត្យ​បានបង្គាប់ ត្រឡប់មកលោក ហ៊ុន សែន វិញ ឲ្យទទួលបន្ទុក អនុវត្តន៍ព្រះរាជក្រិត្យនេះ ចាប់ពីថ្ងៃចុះហត្ថលេខានេះតទៅ។

បើតាមព្រះរាជក្រឹត្យនោះ ត្រូវបានតែងតាំង៖

- លោក ច័ន្ទ សំណព្វ ជាអនុប្រធាន​រាជ​បណ្ឌិត្យសភាកម្ពុជា ឋានៈស្មើរដ្ឋលេខាធិការ
- លោក យង់ ពៅ ជាអគ្គលេខាធិការ នៃរាជបណ្ឌិត្យសភាកម្ពុជា ឋានៈស្មើរដ្ឋលេខាធិការ
- លោក ជូន ច័ន្ទដារី [...]

សុខ ទូច ត្រូវ សាយ ឈុំ តម្លើង​ឋានៈ​ជា​ប្រធាន​រាជ​បណ្ឌិត្យ​សភា

សុខ ទូច ត្រូវ សាយ ឈុំ តម្លើង​ឋានៈ​ជា​ប្រធាន​រាជ​បណ្ឌិត្យ​សភា

ខិតខំបំពេញការងារ«បានល្អ» ពិតជាទទួលបាន ការ«លើកទឹកចិត្ត»។ នៅថ្ងៃទី២៩ ខែកក្កដា ឆ្នាំ២០១៧នេះ លោក សុខ ទូច សកលវិទ្យាធិការ នៃសាកលវិទ្យាល័យខេមរៈ និងជាអនុប្រធានរាជបណ្ឌិត្យសភា ត្រូវបានលោក សាយ ឈុំ ក្នុងតួនាទីជាប្រមុខរដ្ឋស្តីទី បានចេញព្រះរាជក្រឹត្យតែងតាំង ឲ្យឡើង​ធ្វើជា​ប្រធាន​ស្ថាប័នមួយនេះ ជំនួសអ្នកស្រី ខ្លូត ធីតា។

ព្រះរាជក្រឹត្យដែលចុះហត្ថលេខា ដោយអនុប្រធាន​គណបក្សប្រជាជនកម្ពុជា ត្រូវបានធ្វើឡើង តាមការក្រាបបង្គំទូលថ្វាយ របស់លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា ហើយព្រះរាជក្រឹត្យ​ដដែល ក៏បានបង្គាប់មកលោក ហ៊ុន សែន វិញ ឲ្យទទួលបន្ទុក អនុវត្តន៍ព្រះរាជក្រិត្យនេះ ចាប់ពីថ្ងៃចុះហត្ថលេខានេះ តទៅដែរ។

ជាមួយនឹងតំណែងថ្មី លោក សុខ ទូច មានឋានៈស្មើ«រដ្ឋមន្ត្រី»។ លោកត្រូវបានគេស្គាល់ខ្លាំង នៅពេលលោកធ្វើការវិភាគ ទៅលើបញ្ហានយោបាយ និងសង្គម ក្នុងអំឡុងពេល មុនការបោះឆ្នោត ឆ្នាំ២០១៣ [...]

«ស្រះទឹក​ដែល​យួន​ជីក​ចូល​ក្នុង​ដី​ខ្មែរ នៅ​តែ​ដដែល!»

«ស្រះទឹក​ដែល​យួន​ជីក​ចូល​ក្នុង​ដី​ខ្មែរ នៅ​តែ​ដដែល!»

ប្រទេសកម្ពុជា តាមរយៈក្រសួងការបរទេស និងកិច្ចសហប្រតិបត្តិការអន្តរជាតិរបស់ខ្លួន បានផ្ញើរកំណត់ទូត«តវ៉ា» ដល់ទៅពីរដង ទាក់ទងនឹងករណីស្រះទឹក ដែលវៀតណាមបានជីកចូលមកក្នុងដីកម្ពុជា កាលពីអំឡុងខែឧសភា ឆ្នាំ២០១៥កន្លងមកនោះ។ ស្រះ​ទឹក​ទាំងនោះ មានទីតាំងស្ថិត​​នៅក្នុង​ភូមិ​ឡំ ឃុំ​ប៉ក់ញ៉ៃ ស្រុក​អូរយ៉ាដាវ ខេត្ត​រតនគិរី ជាប់​នឹង​ប្រទេស​វៀតណាម ​ស្ថិត​ក្នុង​ភូមិ​សេសៅ ឃុំ​យ៉ាណាង ស្រុក​ដាក់កឺ ខេត្ត​យ៉ាឡាយ​។

ប៉ុន្តែជាលទ្ធផល គឺស្រះទឹកទាំងនេះ នៅតែមានវត្តមាននៅឡើយ ហើយការរំលោភចូលដីកម្ពុជា ពីសំណាក់ប្រទេសវៀតណាម នៅត្រង់ចំណុចនោះ ក៏នៅតែជាបញ្ហាដដែលដែរ។ នេះបើតាមលោក សុខ ទូច ប្រធានក្រុមស្រាវជ្រាវ កិច្ចការព្រំដែន នៃរាជបណ្ឌិត្យសភាកម្ពុជា ដែលទើបនឹងបញ្ចប់ការងារពិនិត្យ និងវាស់វែងបង្គោលព្រំដែន រវាងប្រទេសទាំងពីរ នៅក្នុងខេត្តរតនគិរី កាលពីថ្ងៃទី១៥ ខែឧសភាកន្លងមក។

លោក សុខ ទូច បានអះអាងពីភាពប្រក្រតី នៃការបោះបង្គោលព្រំដែន [...]

«ល្បិច​សាមកុក មិន​ត្រូវ​យក​មក​ប្រើ​ក្នុង​នគរ​កម្ពុជា​ទេ»

«ល្បិច​សាមកុក មិន​ត្រូវ​យក​មក​ប្រើ​ក្នុង​នគរ​កម្ពុជា​ទេ»

ការចាប់ខ្លួនអ្នកនេះ សម្លុត សម្លាប់អ្នកនោះ ឬការញញឹមដាក់គ្នា តែមានលួចកាន់កាំបិតពីក្រោយ... នេះជា​អ្វី​ដែលអ្នកនយោបាយខ្មែរ បានយកមកប្រើប្រាស់ តាំងពីច្រើនជំនាន់មកហើយ ជាពិសេស​នៅក្នុងពេល​បច្ចុប្បន្ន​នេះ​តែម្ដង។ទង្វើទាំងនេះ ត្រូវបានអ្នកវិភាគ និងអ្នកតាមដាននយោបាយមួយចំនួន បរិហារ ថ្លែង​ចំអក​ដាក់​អ្នកនយោបាយទាំងនោះ ថាជា«ល្បិចសាមកុក» ឬ«ល្បិចក្នុងសម័យកាលសង្គ្រាម នៃនគរទាំងបី» របស់​ប្រវត្តិសាស្ត្រ នៃប្រទេសចិន។ សម្រាប់អ្នកវិភាគនយោបាយខ្មែរវិញ បានយល់ថា ល្បិចសាមកុក មិន​គួរ​ត្រូវយកមកប្រើ នៅក្នុងនគរកម្ពុជានោះឡើយ។

លោក យ៉ង់ គឹមអេង ប្រធាមមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍ និងសន្ដិភាព បានផ្តល់​កិច្ច​សម្ភាស​ជា​មួយ​ទស្សនាវដ្តីមនោរម្យ.អាំងហ្វូថា អ្នកនយោបាយនៅកម្ពុជា ភាគច្រើនចូលចិត្ត មើលរឿង​សាមកុក និង​ចូល​​ចិត្ត​​យក«ល្បិច» នៅក្នុងភាពយន្ដសាមកុកទាំងនេះ មកប្រើប្រាស់ ដើម្បីធ្វើការផ្ចាញ់ផ្ចាលគ្នា [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...