ម៉ូតូស្កុបពី ជល់ម៉ូតូសង់ឌ្រីម របួសធ្ងន់ទាំងព្រឹក
នៅម៉ោង៦នឹង៣០នាទី ព្រឹកថ្ងៃច័ន្ទទី១៧ ខែវិច្ឆិកា ឆ្នាំ២០១៤នេះ មានករណីគ្រោះថ្នាក់ចររាចរណ៍មួយ បានកើតឡើងនៅផ្លូវ៥៩៨សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ រវាងម៉ូតូនិងម៉ូតូ បណ្តាលឲ្យអ្នកបើកបររងរបួសធ្ងន់ និងស្រាល។
តាមប្រភពពត័មាន នៅកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូស្កូបពី ពណ៍ផ្កាឈូកពាក់ស្លាកលេខ ភ្នំពេញ1AV-1835 បានបើកបរយ៉ាងលឿន ក្នុងទិសដៅពីជើងទៅត្បូងដែលបញ្ច្រាសទិសដៅពីគេ។ រំពេចនោះម៉ូតូស្កូបពី បានបត់ចូលគ្លីនិកព្យាបាលមួយយ៉ាងលឿន ដោយមិនបានប្រើភ្លើងសញ្ញាអ្វីទាំងអស់ ហើយបានបុកជាមួយនឹងម៉ូតូឌ្រីម ពណ៍ខ្មៅពាក់ស្លាកលេខ ក្រចេះ1B-0663 ដែលកំពុងបើកបរក្នុងទិសដៅបញ្ច្រាសគ្នាពេញទំហឹង បណ្តាលឲ្យអ្នកបើកបរម៉ូតូឌ្រីមបាក់ជើងខាងស្តាំ ចំនែកឯម្ចាស់ម៉ូតូស្កូបពីរងរបួសស្រាល។
[...]