All Articles of MONOROOM.info

ខណៈបាតុករប្រឆាំងបានចុះតាមដងផ្លូវ តាំងពីជាងមួយខែមកហើយ ដើម្បីទាមទារឲ្យនាយករដ្ឋមន្ត្រី លោកស្រី យីងឡាក់ ស៊ីណាវ៉ាត្រា ចុះចេញពីតំណែងនោះ នៅក្នុងតុលាការឯណោះវិញ តុលាការបានធ្វើការចោទ​ប្រកាន់​លោក អាភីសិត វៀចាជីវ៉ា (Abhisit Vejjajiva) ប្រធានគណបក្សប្រជាធិបតេយ្យដែលជាគណបក្សប្រឆាំង ពីបទ​«មនុស្សឃាត»​នៅពេលដែលមានការបង្ក្រាបមួយ ទៅលើបាតុកម្មនៃក្រុមអាវក្រហមកណ្ដាលរាជធានីបាងកក កាលពីឆ្នាំ២០១០។

លោក អាភីសិត វៀចាជីវ៉ា នៅក្នុងតុលាការ ថ្ងៃទី១២ ខែធ្នូ ឆ្នាំ២០១៣។ (រូបថត AP)

នយោបាយថៃ - នៅឆ្នាំ២០១០ លោក អាភីសិទ វៀចាជីវ៉ា ស្ថិតក្នុងតំណែងជានាយករដ្ឋមន្ត្រី ហើយការបង្ក្រាប​បាតុករអាវក្រហម ស្និតនឹងអតីតនាយករដ្ឋមន្ត្រីថៃ ថាក់ស៊ីន ស៊ីណាវ៉ាត្រា [...]

យប់ថ្ងៃព្រហស្បត្តិ៍ទី១២ខែធ្នូនេះ នាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា បានស្នើអញ្ជើញឲ្យគ្រប់ភាគី​នយោបាយទាំងអស់ និងគ្រប់ភាគីសង្គមស៊ីវិល និងឯកជនទាំងអស់ ដើម្បីជួបប្រជុំគ្នានៅថ្ងៃអាទិត្យខាងមុខនេះ ដើម្បី​ស្វែង​រកដំណោះស្រាយមួយ ទៅនឹងភាពជាប់គាំងនយោបាយសព្វថ្ងៃនេះ។

នាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា ថ្លែងនៅមុខព្រះមហាក្សត្រ នៅថ្ងៃបុណ្យចម្រើនព្រះជន្ម ទី៥ខែធ្នូឆ្នាំ២០១៣។ (រូបថត Indranil Mukherjee/AFP)

នយោបាយថៃ - រដ្ឋាភិបាល មានបំណងចង់បានយោបល់ ពីគ្រប់ភាគីនយោបាយទាំងអស់ ប្រធានក្រុមហ៊ុន តំណាង​មន្ត្រីរាជការ ស្ថាប័នសិក្សា អ្នកជំនាញខាងយុត្តិធម៌ និងខាងសកលវិទ្យាល័យផង។ នេះជាការប្រកាសតាម​កញ្ចក់​ទូរទស្សន៍ របស់លោកស្រី យីងឡាក់ [...]

អគ្គមេបញ្ជាការកងទ័ពថៃ លោកប្រាយុទ្ធ ចាន់អ៊ូឆា បានបដិសេធសារជាថ្មីទៀត នៅយប់ថ្ងៃព្រហស្បត្តិ៍ទី១២ខែធ្នូនេះ ថាកងទ័ពថៃនឹងមិនជួបមេដឹកនាំបាតុករ លោក ស៊ូថេប ថោងស៊ូបាន នោះទេ។ នេះជាការបញ្ជាក់លើកទីពីរ បន្ទាប់ពី​យប់ថ្ងៃពុធ ការសុំឲ្យមានជំនួបពីសំណាក់មេដឹកនាំបាតុកម្មនេះ ត្រូវបានមេបញ្ជាការកងទ័ពថៃ ច្រានចោលរួចហើយ ដោយបានចាត់ទុកថាមានគ្រោះថ្នាក់។

លោកស្រី យីងឡាក់ ស៊ីណាវ៉ាត្រា និងមេទ័ព លោកប្រាយុទ្ធ ចាន់អ៊ូឆា នៅពេលចុះជួយជនរងគ្រោះនឹងទឺកជំនន់ ក្នុងពេលកន្លងមក។ (រូបថត ឯកសារ)

នយោបាយថៃ - «អគ្គមេបញ្ជាការកងទ័ព នឹងមិនជួបលោក ស៊ូថេប ទេ នៅថ្ងៃនេះ» នេះជាសេចក្ដីថ្លែង នៅយប់ថ្ងៃ​ព្រហស្បត្តិ៍ទី១២ខែធ្នូនេះ របស់អ្នកនាំពាក្យកងទ័ពថៃ លោក វីនថៃ [...]

នយោបាយកម្ពុជា - ទាំងប្រជាពលរដ្ឋ ទាំងអ្នកតាមដានព័ត៌មានសង្គមមួយចំនួន ព្រមជាមួយនឹងថ្នាក់ដឹកនាំ​គណបក្សសង្រ្គោះជាតិ លោក សម រង្សី មានចេតនាចង់ឲ្យ លោកនាយករដ្ឋមន្រ្តី ហ៊ុន សែន មាន«ចិត្តក្លាហាន»​លា​ចេញពីតំណែងដូចលោកស្រី យីងឡាក់។ នេះបើតាមការសម្តែងមតិ របស់ប្រជាពលរដ្ឋ ក៏ដូចជាលោក សម រង្សី ក្នុងទិវាសិទ្ធិមនុស្ស១០ធ្នូ កន្លងមក។

បើក្រឡេកទៅមើលនយោបាយ ក្នុងប្រទេសថៃវិញ កាលពីថ្ងៃទី៩ ខែធ្នូ កន្លងទៅនេះ លោកស្រី យីងឡាក់ នាយករដ្ឋមន្រ្តីថៃបច្ចុប្បន្ន បានប្រកាសរំលាយសភាជាផ្លូវការ រង់ចាំការបោះឆ្នោតជាថ្មី ក្រោយពី​«ក្រុម​បាតុករអាវលឿង» បានធ្វើបាតុកម្មចាប់ពីចុងខែវិច្ចិកា ឆ្នាំ២០១៣នេះ ដើម្បីទាមទារឲ្យលោកស្រីលាចេញពីតំណែង។ ក្រុមអាវលឿងទាំងនោះ បានសំអាថា លោកស្រីនាយករដ្ឋមន្ត្រីថៃ បានចេញច្បាប់មួយ លើកលែងទោសទណ្ឌិត ដែលត្រូវបានមើលឃើញថា លោកស្រីមានចេតនា ក្នុងការលើកលែងទោស ដល់បងប្រុសរបស់ខ្លួនគឺលោក ថាក់ស៊ីន [...]