យុវជនចូលរួមបរិច្ចាគឈាម ដើម្បីពង្រីកវប្បធម៌នៃការចែករំលែក
យុវតី ម៉ក សម្ផស្ស ជានិស្សិតឆ្នាំទី១នៃសាកលវិទ្យាល័យភូមិន្ទភ្នំពេញ ជំនាញខាងអក្សរសាស្រ្តខ្មែរបានប្រាប់ឱ្យដឹង ពីមូលហេតុដែលកញ្ញាមកចូលរួម ក្នុងការបរិច្ចាគនៅថ្ងៃនេះ ដោយសារតែនាង ចង់ជួយជនរងគ្រោះនានា ដែលត្រូវការឈាម។ នេះជាលើកទីមួយ សម្រាប់កញ្ញាដែលបានបរិច្ចាគឈាម ហើយកញ្ញាសង្ឃឹមថា ឈាមដែលកញ្ញាបានផ្តល់ជូននេះ វានឹងអាចរួមចំណែកជួយដល់ជនរងគ្រោះ បើទោះជាវាមានកម្រិតតិចតួចក៏ដោយ។
រីឯនិស្សិត ហម វិទ្ធី វិញនិយាយថា ដោយសារតែលោកឃើញថាក្នុងមួយថ្ងៃៗ មានមនុស្សជាច្រើនបានរងគ្រោះ ដោយសារគ្រោះថ្នាក់ចរាចរណ៍ ហើយអ្នកដែលសល់ជីវិតពីគ្រោះថ្នាក់ចៃដន្យនេះ សុទ្ធតែត្រូវការឈាមជាចាំបាច់ ដើម្បីជីវិតរស់នៅបន្តទៀត។ កត្តានេះ បានជម្រុញឱ្យលោកចូលរួមបរិច្ចាគឈាម ជារៀងរាល់ឆ្នាំ [...]