Posts in ‘សង្គម’ Category

សារព័ត៌មានបាងកកប៉ុស្ដ៍ បានរាយការណ៍ថា លោក ស៊ូរិន ពិតសុវណ្ណ (Surin Pitsuwan) បានដួល នៅមុនពេលលោកឡើងថ្លែង ក្នុងពិធី «Thailand Halal Assembly» ដែលប្រព្រឹត្តិទៅ នៅក្នុងមជ្ឈមណ្ឌលពាណិជ្ជកម្មមួយ នៃសង្កាត់ «Bang Na» កណ្ដាលរាជធានីបាងកក។ លោកត្រូវបានបញ្ជូន ទៅកាន់មន្ទីរពេទ្យ «Ramkhamhaeng» និងបានទទួលមរណភាព នៅវេលាម៉ោង ១៥ និង០៧នាទី រសៀល។

លោក ស៊ូរិន ជាអ្នកនយោបាយ មកពីគណបក្សប្រជាធិបតេយ្យថៃ និងបានឡើងធ្វើជារដ្ឋមន្ត្រីការបរទេស នៃប្រទេសថៃ នៅរវាងឆ្នាំ ១៩៩៧ ដល់ឆ្នាំ២០០១ បន្ទាប់ពីលោកបានកាន់តំណែង ជាអនុរដ្ឋមន្ត្រីការបរទេស ពីឆ្នាំ១៩៩២ ដល់ឆ្នាំ១៩៩៥។ កេរ្តិ៍ឈ្មោះលោក ស៊ូរិន មានភាពល្បីល្បាញខ្លាំង នៅពេលលោកបានក្លាយជាអគ្គលេខាធិការ អាស៊ាន ចាប់ពីឆ្នាំ២០០៨ ដល់ ឆ្នាំ ២០១២។

លោកបានផ្តល់សន្ទរកថាមួយ កាលពីពីរសប្ដាហ៍មុន នៅក្នុងសន្និសីទអាស៊ាន ដើម្បីជាការរំលឹកខួប៥០ឆ្នាំ នៃសមាគមប្រជាជាតិមួយនេះ។

[...]

ទីភ្នាក់ងារព័ត៌មានផ្លូវការ «VNA» របស់វៀតណាម បានបញ្ជាក់ថា គម្រោងចងក្រងវចនានុក្រម ទ្វេរភាសា ខ្មែរ-យួន យួន-ខ្មែរ នេះ ជាគំនិតរៀបចំឡើងដោយរដ្ឋាភិបាលកុម្មុយនីសក្រុង ហាណូយ ដែលបានចាត់ឲ្យក្រសួងអប់រំ និងបណ្ដុះបណ្ដាលវៀតណាម ជាអ្នកទទួលបន្ទុក និងប្រគល់ជាបន្ទាប់ ទៅឲ្យសាកលវិទ្យាល័យ ត្រាវិញ (Trà Vinh) ដែលស្ថិតក្នុងអតីតខេត្តព្រះត្រពាំង (ខេត្តមួយនៃទឹកដីកម្ពុជាក្រោម ដែលបច្ចុប្បន្នជាខេត្តត្រាវិញ) ជាអ្នកអនុវត្តផ្ទាល់។

ទីភ្នាក់ងារព័ត៌មាន នៃរបបកុម្មុយនីស្ដ បានស្រង់សំដីរបស់សាស្ត្រាចារ្យវៀតណាម លោក ង្វៀន ស៊ី ទ្វឹន (Nguyên Sy Tuân) ដែលជាសមាជិកម្នាក់ នៃក្រុមចងក្រងវចនានុក្រម មកបញ្ជាក់ថា គម្រោងខាងលើ ធ្វើឡើងដើម្បីឆ្លើយតប ទៅនឹងតម្រូវការរបស់សិស្ស និងនិស្សិត ដែលរៀនភាសាខ្មែរ-យួន និងជាពិសេសសម្រាប់បណ្ដាជនខ្មែរ ទាំងជាង១,៤លាននាក់ ដែលរស់នៅលើទឹកដីកម្ពុជាក្រោម (វៀតណាមហៅ «Nam Bô»)។

បើតាម

ក្រុមអ្នកសារព័ត៌មានឯករាជ្យ ក្នុងប្រទេសកម្ពុជា បានរាយការណ៍ និងជូនដំណឹងជាបន្តបន្ទាប់គ្នា នៅយប់ថ្ងៃអង្គារ ទី១៤ ខែវិច្ឆិកានេះ ពីការឃាត់ខ្លួនលោក អ៊ួន ឈិន អ្នកសារព័ត៌មានដ៏ស្វិតស្វាញម្នាក់ និងជាអតីតបុគ្គលិកឲ្យវិទ្យុអាស៊ីសេរី រួមនឹងលោក យាង សុធារិន្ទ (រហស្សនាម យាង សុជាមេត្តា) ដែលធ្លាប់បម្រើការ ឲ្យស្ថាប័នខាងលើនេះដូចគ្នា។

ប្រភពបានបញ្ជាក់ថា អ្នកសារព័ត៌មានទាំងពីរ ត្រូវបានក្រុមអាជ្ញាធរ ចូលទៅឃាត់ខ្លួន នៅក្នុងផ្ទះសំណាក់ «ម៉ារាឌី» ស្ថិតក្នុងខណ្ឌមានជ័យ រាជធានីភ្នំពេញ ដោយសង្ស័យពួកគេ ថាបានធ្វើព័ត៌មានជាសំងាត់ ដើម្បីផ្ញើរទៅវិទ្យុអាស៊ីសេរី នៅឯរដ្ឋធានី វ៉ាស៊ីនតោន សហរដ្ឋអាមេរិក។

ទស្សនាវដ្ដីមនោរម្យ.អាំងហ្វូ មិនអាចទាក់ទងមន្ត្រីខណ្ឌមានជ័យ [...]

គ្រាប់បែកគីមី ឬគ្រាប់បែកបង្ហូរទឹកភ្នែក? ចំណោទនិងមន្ទិល បានផ្ទុះឡើងនៅព្រឹកថ្ងៃទី២០ ខែតុលានេះ បន្ទាប់ពីស្ថានទូតអាមេរិកប្រចាំកម្ពុជា បានពន្យល់នៅក្នុងសេចក្ដីថ្លែងការណ៍ ដ៏វែងអន្លាយមួយរបស់ខ្លួន ជុំវិញគ្រាប់បែក«បង្ហូរទឹកភ្នែក» ថាមិនប៉ះពាល់ដល់សុខភាពឡើយ និងបានហៅយុទ្ធនាការថ្មីៗ ជុំវិញ«គ្រាប់បែកគីមី» ពីសំណាក់រដ្ឋាភិបាលកម្ពុជា ថាជារឿងនយោបាយ។

សេចក្ដីថ្លែងការណ៍បានធ្លាក់មកដល់ កាលពីយប់ថ្ងៃទី១៩ ចូលថ្ងៃទី២០ ខែតុលានេះ នៅខណៈយុទ្ធនាការ«ប្រឆាំងអាមេរិក» ពីសំណាក់រដ្ឋាភិបាលកម្ពុជា បានលើកឡើងមិនដាច់សូរ ពី«គ្រាប់បែកគីមី» ដែលត្រូវបានរកឃើញ នៅក្នុងឃុំគគីរ ស្រុករមាសហែក ខេត្តស្វាយរៀង កាលពីអំឡុងខែមករា ឆ្នាំ២០១៧កន្លងមក។

សេចក្ដីថ្លែងការណ៍ របស់ស្ថានទូតប្រទេសមហាអំណាច បានសរសេរឲ្យដឹងថា៖ «ថ្វីបើការប្រើឧស្ម័នធ្វើអោយចេញទឹកភ្នែក ជាញឹកញាប់ ជារឿងចំរូងចំរាស់ក្តី តែគេមានវិធីច្បាស់លាស់សំរាប់បំបាត់វា [...]