ទីបំផុតទៅ កុមារា ម៉ុន វាសនា ត្រូវបានម្ចាស់ជំនួយផ្តាច់គម្រោងឧបត្ថម្ភ
ក្រោយពីផ្តល់ឱកាសចុងក្រោយ ឱ្យទៅរៀនជំនាញតម្លើង ម៉ាស៊ីនចាក់សាំង ម៉ាស៊ីនចាក់ហ្គាស និងតំឡើងប្រព័ន្ធហ្គាស តាមស្ថានីយ នៅរាជធានីភ្នំពេញ និងនៅតាមបណ្តាខេត្ត មិនទទួលបានលទ្ធផលនោះរួច កុមារា ម៉ុន វាសនា ត្រូវបានសាលាអន្តរជាតិ ហ្វ្រេដហ្វត ដែលជាម្ចាស់ជំនួយឧបត្ថម្ភ សម្រេចចិត្តបញ្ជូនទៅស្រុកកំណើតវិញ។
សេចក្តីជូនដំណឹងរបស់សាលាអន្តរជាតិ ហ្វ្រេដហ្វត បានឱ្យដឹងថា ចាប់ពីថ្ងៃទី១០ ខែមីនា ឆ្នាំ២០១៥នេះ គម្រោងជំនួយជួយដល់ កុមារ ម៉ុន វាសនា នឹងត្រូវបញ្ចប់។ គម្រោងស្រោចស្រង់ជីវិត កុមារាក្រីក្រ ត្រូវបានបញ្ចប់ ដោយមិនស្តាយស្រណោះនេះ បន្ទាប់កុមារារូបនេះ មិនអាចទទួលយក ការបណ្តុះបណ្តាលទាំងចំណេះដឹងទូទៅ ក៏ដូចជាការបណ្តុះបណ្តាល ជំនាញវិជ្ជាជីវ: ជាពិសេសជាងនេះ ទៅទៀតនោះ ឧបសគ្គធំបំផុតគឺ កុមារ មុន វាសនា មិនព្រមស្តាប់ និងទទួលយកការណែនាំ ពីអ្នកគ្រប់គ្រង ក៏ដូចជាអ្នកបង្ហាត់បង្រៀនឡើយ។
កុមារ ម៉ុន វាសនា [...]