សាលាឧទ្ធណ៍មិនឲ្យ«សិទ្ធិ»ស្ត្រីបឹងកក់ទាំង១១នាក់ មានឱកាសបកស្រាយ
នៅក្នុងសវនាការរសៀលថ្ងៃទី២២ ខែមករានេះ សាលាឧទ្ធណ៍បានហាមជនជាប់ចោទ មិនឲ្យបង្ហាញ ឬបកស្រាយ ឬបញ្ចាំងវីដេអូឃ្លីបអ្វីឡើយ បើសូម្បីតែការស្នើសុំរបស់មេធាវី ក៏សាលាឧទ្ធរណ៍មិនអនុញ្ញាតដែរ។ នេះបើតាមការបញ្ជាក់របស់ជនត្រូវចោទ និងមន្ត្រីអង្គការសង្កមស៊ីវិល ដែលបានតាមដានសវនាការនេះ។
អ្នកស្រី ទេព វន្នី សកម្មជនដីធ្លីដ៏លេចធ្លោមួយរូប ពេលបញ្ជូនទៅកាន់ពន្ធនាគារវិញ បានបង្ហាញថា បើសាលាឧទ្ធរណ៍មិនស្ថិតក្រោមមន្រ្តី ឬអ្នកមានអំណាចណាមួយទេ ពួកគាត់នឹងមានសេរីភាព។ យ៉ាងណាអ្នកស្រីបានបង្ហាញក្តីសង្ឃឹម និងជឿជាក់លើសាលាឧទ្ធរណ៍ ដែលធ្លាប់បានដោះលែងស្រ្តីបឹងកក់ទាំង១៣នាក់ កាលពីឆ្នាំ២០១២កន្លងមក។ «ថ្ងៃទី២៦ ពួកខ្ញុំនឹងសង្ឃឹមថាសាលាឧទ្ធរណ៍នឹងឯករាជ្យ។ (…) ពួកខ្ញុំនឹងសង្ឃឹមថា ទទួលបានយុត្តិធម៌ម្តងទៀត [...]