Posts in ‘កម្ពុជា’ Category

កាលពីថ្ងៃទី២៣ ខែមិថុនា ម្សិលម៉ិញនេះ លោក ឈាង វុន អ្នកនាំពាក្យរដ្ឋសភា បានលើកឡើងដូចគ្នា ទៅនឹង​ការបញ្ជាក់ របស់លោកនាយករដ្ឋ ហ៊ុន សែន នាពេលកន្លងមកនេះថា ច្បាប់សម្រាប់គ្រប់គ្រង អង្គការក្រៅ​រដ្ឋាភិបាល ចាំបាច់ត្រូវតែមាន ព្រោះដល់ពេលវេលា សម្រាប់រដ្ឋធ្វើការគ្រប់គ្រង ទៅលើអង្គការទាំងនោះ តាម​ច្បាប់មួយជាក់លាក់ហើយ។

សម្រាប់អង្គការសង្គមស៊ីវិល ជាតិ និងអន្តរជាតិ ចំនួនជិត៤០០អង្គការ ដែលកំពុងមានសកម្មភាព ជួយសង្គម​នោះ បានបដិសេធ និងច្រានចោលនូវច្បាប់នេះ ដែលពួកគេគិតថា មានការកាត់បន្ថយនូវសិទ្ធិ និងសេរីភាព​របស់ប្រជាពលរដ្ឋ ពិសេសកិច្ចដំណើរការ ក្នុងស្ថាប័នអង្គការរបស់ពួកគេ។ ហើយតាមច្បាប់ថ្មីនេះ អង្កការ​មួយ​ចំនួន អាចឈានទៅរកការបិទចោល ដោយស្វ័យប្រវត្ត។

ចំពោះសេចក្តីព្រាងច្បាប់នេះ បើទោះជាមានការអះអាងដោយតំណាងរដ្ឋាភិបាលថា បានឆ្លងកាត់ការពិគ្រោះ​យោបល់ និងសិក្ខាសាលានានា ជួយអង្គការសង្គមស៊ីវិល [...]

ជនសង្ស័យ ដែលឃាត់ខ្លូនបាន០២នាក់នោះ មានឈ្មោះ សុំ យ៉ា អាយុ២១ឆ្នាំ និងម្នាក់ទៀតឈ្មោះ គ្រី សុផល អាយុ៣០ឆ្នាំ។ អ្នកទាំងពីរមានស្រុកកំណើតនៅ ស្រុកកៀនស្វាយ ខេត្តកណ្តាល បច្ចុប្បន្នរស់នៅ ភូមិក្បាល​ស្ពាន​២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

រីឯស្រ្តីរងគ្រោះ ដែលត្រូវបានគេស្គាល់ថាជាអ្នកលក់ស្អំ ឈ្មោះ សុខ ចាន់ណា អាយុ១៧ឆ្នាំ រស់នៅភូមិសុរិយា សង្កាត់និមិត្ត ក្រុងប៉ោយប៉ែត ក្រុងប៉ោយប៉ែត ខេត្តបន្ទាបយមានជ័យ។ នាងជិះម៉ូតូ ធុនឌ្រីមសេរី២០១៤ ពណ៍​ខ្មៅ ទៅលក់ស្អំ នៅឯផ្សារ។ ហេតុការណ៍នេះ បានកើតឡើង កាលពីវេលាម៉ោង ៩ និង១៥នាទីព្រឹក ថ្ងៃទី ២៣ ខែមិថុនាឆ្នាំ២០១៥ នៅតាមផ្លូវលំ ក្នុងសង្កាត់និមិត្ត ក្រុងប៉ោយប៉ែត។

អធិការនគរបាលក្រុងប៉ោយប៉ែត លោក អ៊ុំ សុផល បានបញ្ជាក់ឲ្យដឹងថា ជនសង្ស័យបានប្រើប្រាស់ កាំភ្លើងខ្លី​មួយដើម ដើម្បីប្លន់យកម៉ូតូ និងគ្រឿងអលង្ការពីជនរងគ្រោះ។ តែមិនទាន់បានសម្រេច ភ្លាមៗនោះ [...]

មកទល់ពេលនេះ នៅមិនទាន់មានឃើញ មានសកម្មភាព ឬការឆ្លើយតបណាមួយ ពីរដ្ឋាភិបាលកម្ពុជា ក៏ដូចជា​ប្រទេសវៀតណាម ក្នុងការ«លុបស្រះ» ឬការ«សាងសង់ប៉ុស្តិ៍យោធា» ដែលបានធ្វើក្នុងទឹកដីកម្ពុជា នៅខេត្ត​រតនគិរីនៅឡើយ។ នេះជាការអះអាង របស់លោក ឆាយ ធី មន្ត្រីឃ្លាំមើលឯករាជ្យ និងជាមន្រ្តីសមាគម​ការពារ​សិទ្ធិមនុស្ស អាដហុក ប្រចាំខេត្តរតនគីរី ទាក់ទងនឹងការជីកស្រះ មកក្នុងតំបន់វិវាតព្រំដែន ដ៏ចម្រូងចម្រាស។

ការថ្លែងរបស់មន្ត្រីខាងលើ បានធ្វើឡើងនៅរសៀល ថ្ងៃទី ២៣ ខែមិថុនានេះ ក្រោយការទន្ទឹងជាច្រើនថ្ងៃ នូវ​ការ​ឆ្លើយតប​ពីសំណាក់ភាគីវៀតណាម ទៅលើកំណត់ទូតចំនួនពីរ របស់កម្ពុជាតាមរយៈ ក្រសួងការបរទេស​របស់​ខ្លួន ដែល​បានធ្វើការតវ៉ា ទៅកាន់ប្រទេសវៀតណាម ទាក់ទងនឹងការជីកស្រះ និងការចាក់គ្រឹះសាងសង់​ប៉ុស្ដ៍​យោធា ក្នុង​តំបន់ព្រំដែនខេត្តរតនគីរី។ លោក ឆាយ ធី បានអះអាងទៀតថា មិនត្រឹមតែនៅព្រំដែន ជាប់ខេត្ត​រតនគីរី​​ប៉ុណ្ណោះ​ទេ តែនៅមានខេត្តកណ្ដាលមួយទៀត [...]

ការសំដែងមតិមួយ របស់តំណាងអង្គការសមាគម ប្រមាណជាង២០០នាក់ របស់ត្រូវបានធ្វើឡើង ក្នុងនាម​ជា​ប្រជាពលរដ្ឋ ឬជាម្ចាស់ឆ្នោតម្នាក់ ដោយស្នើទៅតំណាងរាស្រ្ត ក្នុងរដ្ឋសភាទាំងអស់ ដែលជាតំណាង​របស់ខ្លួន​ថា ពួកគេនឹងមិនបោះឆ្នោត គាំទ្រតំណាងរាស្រ្ត ឬបក្សណា ដែលបានចូលរួមគាំទ្រ ទៅលើការអនុម័តសេចក្តី ព្រាងច្បាប់ ស្តីពីសមា គម និងអង្គការក្រៅរដ្ឋាភិបាលខាងលើនោះឡើយ។ ការសំដែងមតិ របស់ពួកគេបាន​ធ្វើ​ឡើង នៅមុខរដ្ឋសភា កាលពីព្រឹកថ្ងៃទី២៣ ខែមិថុនា ដោយមានការដាក់ញត្តិ សម្តែងការមិនពេញចិត្ត និងមិន​គាំទ្រ ទៅលើសេចក្តីព្រាងច្បាប់ ដ៏ចម្រូងចម្រាស់នេះផង។

ក្រុមមន្ត្រីមកពីអង្គការសមាគមន៍ទាំងនោះ សុទ្ធតែបានសំនូមពរ ទៅគណបក្សដែលមានសម្លេង នៅក្នុងរដ្ឋ​សភា​ទាំងអស់ ឲ្យធ្វើការពិចារណា និង«គិត»ឡើងវិញ ឲ្យបានត្រឹមត្រូវ មុននឹងសម្រេចចេញច្បាប់នេះ។ មន្ត្រីជាន់​ខ្ពស់​មួយរូប ពីអង្គការការពារសិទ្ធិមនុស្ស លីកាដូ (Licadho) លោក អំ សំអាត បានថ្លែងព្រមានថា [...]

«រោងចក្រហ្នឹង ទាល់តែមានកាត បានទៅបន្ទប់ទឹកបាន បើគ្មានទៅមិនបានទេ បើទៅ សន្តិសុខ​ឃើញចាប់​ទៅ​ព្រមាន បីដងដេញចេញពីរោងចក្រតែម្តង។ ចំងាយ ពីកន្លែងធ្វើការទៅបន្ទប់ទឹក ប្រមាណ១០០ម៉ែត្រ ថៅកែ​កំណត់​ម៉ោង ឲ្យទៅតែ០៥នាទីប៉ុណ្ណោះ» ទាំងនេះជាកាលើកឡើង របស់ ស្រីនឿន ដែលជាកម្មការនី​រោងចក្រ​«គានធិច» នៅឯស្រុកត្រាំកក់ ខេត្តតាកែវ។

នៅក្នុងទឹកមុខមិនសូវស្រស់ ដែលកំពុងឈរកាន់បដា តវ៉ានៅពីមុខវិមានរដ្ឋសភា ស្រីនឿន បានស្រដីថា ថៅកែ​រោងចក្ររបស់នាង មិនព្រមគោរពតាមពាក្យសន្យានោះទេ ដែលនៅក្នុងកិច្ចសន្យាការងារនោះ បានសរសេរ​ពី​ប្រាក់ខែគោល បន្ទាប់ពីធ្វើបានពីរខែ នឹងក្លាយជាបុគ្កលិកពេញសិទ្ធ ទទួលបានប្រាក់ខែ១២៨ ដុល្លាក្នុងមួយខែ។ តែបច្ចុប្បន្ន នាងធ្វើបាន០៥ខែហើយ បានតែ១២៣ដុល្លាប៉ុណ្ណោះ។ នាងបានបន្តថា មិនដូចអ្វី ដែលមាននៅក្នុង​កិច្ចសន្យាទេ លុយអាហារក៏គ្មាន សិទ្ធសេរីភាពក៏លំបាក សូម្បីតែទៅបន្ទប់ទឹក ក៏កំណត់ម៉ោងដែរ។