Posts in ‘កីឡាគ្រប់ប្រភេទ’ Category

«ការចេញប្រកួត របស់ក្រុមរបស់យើង រាប់តាំងពីចាប់ផ្ដើមរដូវកាលថ្មី មិនបានឆ្លើយតប នឹងការទន្ទឹងរង់ចាំរបស់យើង។ ហើយការប្រកួតទល់នឹងក្រុមប៉ារីស (Paris Saint-Germain) បានបង្ហាញកាន់តែច្បាស់ទៀត ថាយើងចាំបាច់ ត្រូវធ្វើការសម្រេេចចិត្ត។» នេះ ជាការប្រកាសរបស់លោក «Karl-Heinz Rummenigge» នាយកក្រុមបាល់ទាត់ បាយ៉ឺន មូនិឆ (Bayern Munich) នៃទីក្រុងមូនិឆ ប្រទេស​អាល្លឺម៉ង់ ក្នុងសេចក្ដីប្រកាសព័ត៌មានមួយ របស់ក្រុមបាល់ទាត់ ដែលចេញផ្សាយ នៅល្ងាចថ្ងៃទី២៨ ខែកញ្ញា ឆ្នាំ២០១៧នេះ។ 

លោក កាឡូ អង់សេឡូទី (Carlo Ancelotti) គ្រូបង្វឹកជាតិអ៊ីតាលី អាយុ៥៨ឆ្នាំ បានឡើងធ្វើជាគ្រូបង្វឹកក្រុម បាយ៉ឺន ជំនួសលោក ប៉េប ហ្គ័រឌីយ៉ូឡា (Pep Guardiola) កាលពីដើមរដូវកាលកន្លងទៅ។ ក្នុងរយៈពេល មួយឆ្នាំជាងមកនេះ លោកបានធ្វើឲ្យក្រុម បាយ៉ឺន ទទួលបានជាជើងឯក នៅក្នុងការប្រកួតអាជីព (ដោយបូកពិន្ទុ) របស់ប្រទេសអាល្លឺម៉ង់ តែក្រុមបាយ៉ឺន [...]

តើនរណាម្នាក់ ក្នុងពិភពបាល់ទាត់ មិនល្បីក្រុម បាយ៉ឺន មូនិឆ (Bayern Munich - អាល្លឺម៉ង់) ដែលជាក្រុមបាល់ទាត់ ដ៏ខ្លាំងមួយ ក្នុងចំណោមក្រុមខ្លាំងជាងគេ ប្រមាណជបួន-ប្រាំ នៅអ៊ឺរ៉ុប? ប៉ុន្តែនៅយប់ថ្ងៃទី២៧ ខែកញ្ញានេះ ក្នុងក្របខណ្ឌប្រកួត ដណ្ដើមជើងឯកអ៊ឺរ៉ុប «Champions Leagues» ឆ្នាំ២០១៧-២០១៨ ក្រុមបាយ៉ឺន បានប្រកួតចាញ់ក្រុមប៉ារីស ដែលទើបមានគេស្គាល់ខ្លាំង ជាមួយនឹងរហស្សនាម ហៅថា ជា«ក្រុមអ្នកមានថ្មី» កាលពីជាងមួយខែមុននេះ។

ពិតហើយក្រុមអ្នកមានថ្មី ព្រោះក្រុមប៉ារីសហ្សាំងហ្សែរម៉ាំង (Paris Saint-Germain - បារាំង) បានចំណាយប្រាក់ ជាង៤០០លានអ៊ឺរ៉ូ ដែលមិនធ្លាប់មានពីមុនមក ក្នុងអំឡុងខែសីហាតែមួយ ដើម្បីទិញយកកីឡាករ ណីម៉ា (Neymar) ពីក្រុមបាសឺឡូន (Barcelona) និងកីឡាករ អ៊ឹមបាប៉េ (Kylian Mbappé) ពីក្រុមម៉ូណាកូ (Monaco)។ ហើយវត្តមាន របស់កំពូលកីឡាករទាំងនេះ ពិតជាបានផ្ដល់លទ្ធផល ឲ្យក្រុមប៉ារីសប្រកួតយកឈ្នះ [...]

«បើ ណីម៉ា (Neymar) និងអ៊ឹមប៉ាប៉េ (Kylian Mbappé) ចុះហត្ថលេខាទាត់ឲ្យក្រុម ប៉ារីស នោះខ្ញុំនឹងស្រាតចុះជិះម៉ូតូ តាមមហាវិថី ឆ្សង់អេលីហ្សេ (Champs-Elysées)» នេះ ជាពាក្យសំដី«ភ្នាល់»​របស់ ចនណាតង់ (Jonathan) អ្នកគាំទ្រមួយរូប របស់ក្រុមបាល់ទាត់ ប៉ារីសហ្សាំងហ្សែរម៉ាំង (Paris Saint-Germain) ដែលបានសរសេរបង្ហោះ នៅលើបណ្ដាញសង្គម កាលពីថ្ងៃទី២៧ ខែកក្កដាកន្លងទៅ នៅក្នុងពេលវេលា​នៃការផ្លាស់ប្ដូរកីឡាករ និងបន្ទាប់ពីសារពត៌មានជាច្រើន បានចុះផ្សាយពីពាក្យចចាមអារាម ដែលថាក្រុមប៉ារីស មានគម្រោងទិញ​យក​កីឡាករ​ទាំង​ពីរ​ខាង​លើ មកទាត់ឲ្យខ្លួន។

ជាងមួយខែក្រោយមក ពាក្យសំដីខាងលើនេះ ត្រូវបានម្ចាស់ខ្លួន យកមកអនុវត្តន៍ពិតប្រាកដមែន។ កាលពីព្រឹកព្រហមា ថ្ងៃអាទិត្យកន្លងមកនេះ នៅលើដងមហាវិថីដ៏ល្បីនៃរដ្ឋធានី ប៉ារីស បុរសឈ្មោះ ចនណាតង់ បានស្រាតអង្គុយបើកម៉ូតូរបស់ខ្លួន ដោយមានអមមកជាមួយ នូវអ្នកគាំទ្រជាច្រើននាក់ ផ្សេងទៀត។ [...]

សេចក្ដីសម្រេចជាផ្លូវការ ត្រូវបានប្រកាសឲ្យដឹងហើយ ស្ដីពីទីក្រុង ឬរដ្ឋធានី នៃប្រទេសណាមួយ ដែលត្រូវទទួលភារៈ ជាម្ចាស់ផ្ទះ សម្រាប់ព្រឹត្តិការណ៍ កីឡាអូឡាំពិកពិភពលោក ក្នុងឆ្នាំ២០២៤ និងក្នុងឆ្នាំ២០២៨ ខាងមុខ។ គណៈកម្មាធិការអន្តរជាតិ នៃកីឡាអូឡាំពិក បានសម្រេចដោយការលើកដៃ ជាឯកច្ឆន្ទ ក្នុងរដ្ឋធានី លីម៉ា (ប្រទេសប៉េរូ) ក្នុងថ្ងៃទី១៣ ខែកញ្ញានេះ ផ្ដល់ការទុកចិត្ត ទៅឲ្យរដ្ឋធានី ប៉ារីស ប្រទេសបារាំង និងទីក្រុង ឡូសអេនជឺឡេស សហរដ្ឋអាមេរិក ក្នុងភារៈ​ធ្វើជាម្ចាស់ផ្ទះ ក្នុងព្រឹត្តិការណ៍៤ឆ្នាំម្ដងរបស់ខ្លួន សម្រាប់ឆ្នាំ២០២៤ និងឆ្នាំ២០២៨ខាងមុខ។

ការសម្រេចនេះ ត្រូវបានលោក តូម៉ាស បាច () ប្រធានគណៈកម្មាធិការអន្តរជាតិ នៃកីឡាអូឡាំពិក វាយតម្លៃថា មានលក្ខណៈជា«ប្រវត្តិសាស្ត្រ»។ លោកបានពន្យល់ពីមូលហេតុថា សម្រាប់រដ្ឋធានីប៉ារីស ដែលទទួលបរាជ័យ ក្នុងការដណ្ដើមរៀបចំកីឡានេះ បីដងមកហើយនោះ វាជាការរំលឹក ពីប្រវត្តជាងមួយសតវត្សន៍ [...]

ម្ដងម្កាល អ្នកតាមដាន​បាល់ទាត់ មានឱកាសអាចផ្ទុះសំណើច រហូតដល់ថ្នាក់ហៀទឹកភ្នែក។ ហើយនេះ អាចជាឱកាសមួយទៀត នៃការការប្រកួតមួយ រវាងក្រុម «Ross County» និងក្រុម «Glasgow Rangers» កាលពីថ្ងៃអាទិត្យកន្លងមកនេះ នៅក្នុងប្រទេសស្កុតឡេន (ភាគខាងជើងអង់គ្លេស)។

នៅនាទីទី៤១ ខណៈពេលដែលខ្សែការពារ របស់ក្រុម «Ross County» បានទាត់បាល់ថយក្រោយ ត្រឡប់​មកឲ្យ​អ្នកចាំទីរបស់ខ្លួន កីឡាករ «Scott Fox» បានប្រើទេពកោសល្យរបស់ខ្លួន ដើម្បីទប់បាល់ និងបានបណ្ដាលឲ្យខ្សែប្រយុទ្ធ របស់ក្រុម «Glasgow Rangers» ដួលច្រងាប់ច្រងិល។ តែបន្ទាប់មក... ភាពសង្ហារបស់កីឡាករ «Scott Fox» បែជាប្រែហេតុការណ៍ ដ៏គួរឲ្យ«រំភើប»នោះ ក្លាយទៅជាហេតុការណ៍ ដ័គួរឲ្យ«រន្ធត់»ទៅវិញ សម្រាប់ក្រុម «Ross County»។

ព្រោះខ្សែប្រយុទ្ធគឺកីឡាករ «Afredo Morelos» ជាតិកូឡំប៊ី ដែលបានមកទាត់ឲ្យក្រុម «Glasgow Rangers» បានស្ទុះងើបឡើងយ៉ាងរហ័សរហួន មកដណ្ដើមបាល់ [...]