ម្ដងម្កាល អ្នកតាមដាន​បាល់ទាត់ មានឱកាសអាចផ្ទុះសំណើច រហូតដល់ថ្នាក់ហៀទឹកភ្នែក។ ហើយនេះ អាចជាឱកាសមួយទៀត នៃការការប្រកួតមួយ រវាងក្រុម «Ross County» និងក្រុម «Glasgow Rangers» កាលពីថ្ងៃអាទិត្យកន្លងមកនេះ នៅក្នុងប្រទេសស្កុតឡេន (ភាគខាងជើងអង់គ្លេស)។

នៅនាទីទី៤១ ខណៈពេលដែលខ្សែការពារ របស់ក្រុម «Ross County» បានទាត់បាល់ថយក្រោយ ត្រឡប់​មកឲ្យ​អ្នកចាំទីរបស់ខ្លួន កីឡាករ «Scott Fox» បានប្រើទេពកោសល្យរបស់ខ្លួន ដើម្បីទប់បាល់ និងបានបណ្ដាលឲ្យខ្សែប្រយុទ្ធ របស់ក្រុម «Glasgow Rangers» ដួលច្រងាប់ច្រងិល។ តែបន្ទាប់មក... ភាពសង្ហារបស់កីឡាករ «Scott Fox» បែជាប្រែហេតុការណ៍ ដ៏គួរឲ្យ«រំភើប»នោះ ក្លាយទៅជាហេតុការណ៍ ដ័គួរឲ្យ«រន្ធត់»ទៅវិញ សម្រាប់ក្រុម «Ross County»។

ព្រោះខ្សែប្រយុទ្ធគឺកីឡាករ «Afredo Morelos» ជាតិកូឡំប៊ី ដែលបានមកទាត់ឲ្យក្រុម «Glasgow Rangers» បានស្ទុះងើបឡើងយ៉ាងរហ័សរហួន មកដណ្ដើមបាល់ ពីមុខកីឡាករ «Scott Fox» មុននឹងបង្ហើយមួយជើង ដាក់បញ្ចូលទីធ្វើបែបវាហី! មើលរូបភាពហើយ ពិតជាគួរឲ្យក្ដៅចិត្ត ជំនួសកីឡាករចាំទី របស់ក្រុម «Ross County» នោះណាស់... ។ តែទេពកោសល្យ ចាំបាច់ត្រូវផ្សារភ្ជាប់ ជាមួយនឹងភាពរហ័សរហួន! ជាពិសេស នៅក្នុងបាល់ទាត់៕

» ការសើចចំអក របស់អ្នកទស្សនាការប្រកួតម្នាក់៖

I dare ye not to laugh #rangers #morelos pic.twitter.com/X6bgVtgGNE

— UlstersNo1 (@going_for55) 27 août 2017

» រូបភាពពេញ នៃហេតុការណ៍៖