Posts in ‘កីឡាគ្រប់ប្រភេទ’ Category

បន្ទាប់ពីរង់ចាំអស់ជាច្រើនឆ្នាំ អតីតកីឡាករ របស់ក្រុមបីសាចក្រហម (Manchester United) ក្រុមអ្នកជិះសេះស (Real Madrid) និងក្រុមអ្នកមានថ្មី (Paris Saint-Germain) កំពុងសម្រេច នូវក្ដីសុបិន្តរបស់ខ្លួន នៅសហរដ្ឋអាមេរិក ដោយបង្កើត​ជាក្រុម​បាល់ទាត់​មួយឡើង ក្នុងក្រុង មីអាមី (Miami) នៃរដ្ឋផ្លរីដា (Florida)។ ដេវីដ ប៊េកខាំ (David Beckham) អតីតកីឡាករដ៏ល្បី បានប្រកាសជាផ្លូវការ នូវក្រុមបាល់ទាត់ថ្មីរបស់ខ្លួននេះ ក្នុងសន្និសីទសារព័ត៌មានមួយ ដ៏ឧឡាឫក កាលពីថ្ងៃទី២៩ ខែមករាកន្លងមកនេះ។

ក្រុមបាល់ទាត់ថ្មី ដែលមានឈ្មោះ «Miami Beckham United» នឹងត្រូវចូលរួមប្រកួតដំបូង ក្នុងក្របខណ្ឌ «Major League Soccer» ឬ«MLS» នៃទ្វីបអាមេរិកខាងជើង នាឆ្នាំ២០២០ខាងមុខ។

ក្រោមវត្តមាន របស់លោក «Don Garber» ប្រធាន «MLS» និងលោក «Francis Suarez» ចៅហ្វាយក្រុង មីអាមី អតីតកីឡាករ ប៊េកខាំ បានថ្លែងឡើងថា លោកមានបំណង [...]

ពាក្យចចាមអារាមទាំងនោះ បានផ្ទុះឡើងខ្លាំងក្លា នៅក្នុងប្រព័ន្ធផ្សព្វផ្សាយ របស់ប្រទេសអេស្ប៉ាញ នៅក្នុងរយៈពេលប៉ុន្មានសប្ដាហ៍ ចុងក្រោយនេះ។ ពាក្យចចាមអារាម បានលើកឡើងថា កីឡាករ ណីម៉ា (Neymar) ដែលទើបនឹងត្រូវបានផ្ទេរ ពីក្រុមបាសឺឡូន (Barcelone FC) កាលពីរដូវក្ដៅកន្លងទៅ នឹងត្រូវបានក្រុម រៀលម៉ាឌ្រីដ (Real Madrid) ទិញបន្តពីក្រុមប៉ារីស នៅក្នុងតម្លៃដ៏ថ្លៃមួយ (មិនតិចជាង៣០០លានអ៊ឺរ៉ូ បើតាមពាក្យចចាមអារាមនោះ) នារដូវក្ដៅខាងមុខ។

ប៉ុន្តែ នៅយប់ថ្ងៃសៅរ៍កន្លងមក កំពូលតារាបាល់ទាត់ ជាតិប្រេស៊ីលរូបនេះ បានចេញមុខមកបកស្រាយ ដោយផ្ទាល់ នៅចំពោះអ្នកសារព័ត៌មាន បន្ទាប់ពីក្រុមប៉ារីស បានយកជ័យជំនះ នៅក្នុងផ្ទះរបស់ខ្លួន លើក្រុម ម៉ុងពឺលីយ៉េ (Montpellier) ក្នុងពិន្ទុ ៤ ទល់នឹង ០ រួចមក។ ណីម៉ា បានឲ្យដឹងថា ខ្លួនចង់មានឈ្មោះ ចារក្នុងប្រវត្តិសាស្ត្ររបស់ក្រុមប៉ារីស ហើយមានអារម្មណ៍រីករាយណាស់ ជាមួយនឹងមិត្តរួមក្រុម។

[...]

ផ្ទុយទៅវិញ ក្រុមបាល់ទាត់ ដែលចាយលុយច្រើនជាងគេទាំងនេះ នៅមិនទាន់បានឈ្នះ ពានរង្វាន់ជាជើងឯកអ៊ឺរ៉ុប (ក្របខណ្ឌ Champions League) នៅឡើយ ខណៈក្រុមរៀលម៉ាឌ្រីត (Real Madrid) និងក្រុមបាសឺឡូន (Barcelone FC) ដែលឧស្សាហ៍ឈ្នះពានខាងលើ ច្រើនជាងគេ ស្ថិតក្នុងលេខរៀង ៦ និងលេខ ១៣។ នេះ បើតាមរបាយការណ៍ស្រាវជ្រាវ របស់ស្ថាប័នអន្តរជាតិ ឈ្មោះ «Soccerex Football Finance» ដែលមានជំនាញខាងសិក្សា ពីសេដ្ឋកិច្ច និងហិរញ្ញវត្ថុ នៅក្នុងវិស័យបាល់ទាត់។

របាយការណ៍ ដែលចេញផ្សាយ កាលពីពាក់កណ្ដាលសប្ដាហ៍មុន បានឲ្យដឹងថា ក្រុមបាល់ទាត់ដែលចាយប្រាក់ ដ៏សន្ធឹកសន្ធាប់ និងដែលជាប់លេខរៀង នៅខ្ពស់ៗជាងគេ មាននៅក្នុងប្រទេសមហាយក្សខាងបាល់ទាត់ ដូចជាចក្រភពអង់គ្លេស បារាំង អេស្បាញ អ៊ីតាលី [...]

បើទោះជាខ្លួន ស្ថិតក្នុងអំឡុងពេលវិសមកាស នៃរដូវធ្លាក់ទឹកកកនេះក៏ដោយ ក៏កីឡាករ ណីម៉ា (Neymar) នៅតែប្រកួតបាល់ទាត់ដែរ។ តែមិនមែនប្រកួត នៅក្នុងការប្រកួតផ្លូវការ ដើម្បីដណ្ដើមពានរង្វាន់អ្វីនោះទេ។  វាជាការប្រកួត ដើម្បីកម្មវិធីសប្បុរសធម៌មួយ ដែលរៀបចំឡើងកាលពីថ្ងៃសៅរ៍ ក្នុងក្រុង សាវប៉ាវឡូ (Sao Paulo - ប្រទេសប្រេស៊ីល) ដោយមិត្តភ័ក្ររបស់ខ្លួន គឺកីឡាករ ណេណេ (Nenê) ដែលធ្លាប់ជាកីឡាកររបស់ក្រុម ប៉ារីស ស៊ាំងហ្សែរម៉ាំង (Paris Saint germain) ដែរនោះ។

នៅក្នុងការប្រកួត ដែលមានកីឡាករល្បីឈ្មោះ របស់ប្រទេសប្រេស៊ីល ជាច្រើនទៀតនោះ កីឡាករ ណីម៉ា បានរកបានគ្រាប់បាល់មួយគ្រាប់ ដ៏អស្ចារ្យ ដែលកម្រមានកីឡាករណាអាចធ្វើដូច៖ នោះគឺការពារបាល់ពីកីឡាករចាំទី របស់ក្រុមគូប្រជែង ដោយការបង្វិលខ្លួន មុននឹងទាត់បំផ្លោងបាល់នេះ ពីលើក្បាលនៃកីឡាករទាំងឡាយ បញ្ចូលទៅក្នុងសំណាញ់យ៉ាងព្រងើយ៕

» វីដេអូបបង្ហាញពី​គ្រាប់បាល់​ដ៏អស្ចារ្យ [...]

សម្រាប់ក្រុមបាល់ទាត់ នៃរដ្ឋធានីប៉ារីស កីឡាករ ហ្សាវីយ៉េ ប៉ាស្តូរ៉េ (Javier Pastore) ជាកីឡាករដ៏ស្មោះស្ម័គ្រមួយរូប ដែលបាននៅទាត់ឲ្យក្រុម តាំងពី«កវែកកឆ្នាំ» អស់រយៈពេល៦រដូវកាលកន្លះ កន្លងមកហើយ។ ចំណែកឯកីឡាករ លូកាស មួរ៉ា (Lucas Moura) វិញ បានមកទាត់ឲ្យក្រុមប៉ារីស តាំងពីជាង៤ឆ្នាំមុន។ ប៉ុន្តែកីឡាករទាំងពីររូប មិនសូវត្រូវបានគ្រូបង្វឹករបស់ក្រុម សម្រេចឲ្យចេញប្រកួត នៅលើទីលានប្រកួតសំខាន់ៗប៉ុន្មានទេ ជាពិសេសរាប់ចាប់តាំងពី ក្រុមប៉ារីសបានទិញកីឡាករ ណីម៉ា (Neymar) ពីក្រុមបាសឺឡូន ( Barcelone FC) និងកីឡាករវ័យក្មេង គីលីយ៉ាន អ៊ឹមបាពេ (Kylian Mbappé) ពីក្រុមម៉ូណាកូ (AS Monaco) កាលពីឆ្នាំមុននោះមក។

ចំពោះកីឡាករអាជីពណាក៏ដោយ ការចេញប្រកួតនៅក្នុងការប្រកួតសំខាន់ មានលក្ខណៈចាំបាច់ណាស់។ វត្តមាននៃការចេញប្រកួត ជាទៀងទាត់ នៅក្នុងក្រុមបាល់ទាត់នីមួយៗ នឹងត្រូវគិតបញ្ចូល ដើម្បីជាឱកាសសម្រាប់ការជ្រើសរើស [...]