Posts in ‘បច្ចុប្បន្នភាពក្នុងលោក’ Category

ហេតុការណ៍នេះ បានកើតឡើងនៅថ្ងៃទី ០៨ ខែកញ្ញា ឆ្នាំ២០១៥ វេលាម៉ោង ១៥ និង ៥០នាទីរសៀល ដែល​បង្កឡើង ដោយរថយន្តដឹកខ្សាច់ ដែលបានទៅបុកម៉ូតូ សងកូរ៉េ នៅតាមផ្លូវជាតិលេខ២ ក្នុងភូមិដំណាក់សង្កែ សង្កាត់ព្រែកកំពិស ខណ្ឌដង្កោ រាជធានីភ្នំពេញ។ គ្រោះថ្នាក់បានបណ្ដាល ឲ្យអ្នកជិះម៉ូតូទាំងពីរនាក់ ស្រ្តីជា​ប្រពន្ធបាក់ភ្លៅទាំងពីរ ចំណែកប្តី បានបាក់ឆ្អឹងដងកាំបិត។

តាមប្រភព ពីកន្លែងកើតហេតុ បានឲ្យដឹងថា គេឃើញមានប្តីប្រពន្ធពីរនាក់ខាងលើ បានជិះម៉ូតូពណ៍ក្រហម ពាក់ស្លាក លេខ ភ 6595 ស.រ 1 តាមផ្លូវជាតិលេខពីរ ទិសដៅពីលិចទៅកើត ស្របទិសជាមួយរថយន្ត ធុន ហ៊ីណូ ពណ៌សរ មានស្លាកលេខភ្នំពេញ 3B 3248 ដែលជារថយន្តដឹកខ្សាច់ បើកបរដោយ បុរស​មិនស្គាល់​អត្តសញ្ញាណ។ ប៉ុន្តែរថយន្តធំនេះ បានបើកបរក្នុងល្បឿនលឿន លុះមកចំណុចកើតហេតុ ក៏បានបុកម៉ូតូពី​ក្រោយ ពេញមួយទំហឹង ធ្វើឲ្យប្រពន្ធម្ចាស់ម៉ូតូ ខ្ទាតចូលក្រោមរថយន្ត បណ្តោយឲ្យកិនរបួសទាំងពីរនាក់ [...]

កម្ពុជាកំពុងស្ថិត និងឈានទៅរកការប្រើប្រាស់ នូវប្រព័ន្ធបច្ចេកវិទ្យា កាន់តែទំនើប។ តែផ្ទុយទៅវិញ ក្រុម​អាជ្ញាធរ​កម្ពុជាហាក់ដូចជារឹតត្បិត ទៅលើការប្រើប្រាស់ប្រព័ន្ធបច្ចេកវិទ្យា និងសិទ្ធិសេរីភាពរបស់ពលរដ្ឋ។ នេះ​ជាការលើកឡើង របស់លោក វ៉ន ពៅ ប្រធានសមាគមសេដ្ឋកិច្ចក្រៅប្រព័ន្ធ ប្រតិកម្មទៅអគ្គស្នងការរង នគរបាល​ជាតិ លោក ជួន សុវណ្ណ និងជាស្នងការនគរបាលរាជធានីភ្នំពេញ ដែលបានបញ្ជា និង​ណែនាំ​ឲ្យ​កងកម្លាំង អធិការដ្ឋាននគរបាលខណ្ឌ ទាំង១២ ចុះធ្វើការត្រួរពិនិយ្យ លើក្រុមម៉ូតូកង់នី ដែលមានវិទ្យុ​ទាក់​ទង ពិសេសខ្នោះដៃ ដោយធ្វើការដកហូត បើគ្មានច្បាប់អនុញ្ញាត និងអនុវត្ត ទៅតាមនីតិថីវីច្បាប់។

ថ្លែងក្នុងកិច្ចសម្ភាស ជាមួយទស្សនាវដ្តីមនោរម្យ.អាំងហ្វូ ក្នុងថ្ងៃទី៨ ខែកញ្ញា ឆ្នាំ២០១៥ នេះ  លោក វ៉ន ពៅ បាន​អះអាងថា ការប្រើប្រាស់ វិទ្យុទាក់ទង មិនខុសអ្វី ទៅនឹងការប្រើប្រាស់ ទូរស័ព្ទដៃនោះទេ។ វាក៏ជាផ្នែក​មួយ [...]

បើតាមគណនីហ្វេសប៊ុក ដែលបានយកករណីនេះ មកបង្ហោះ បានឲ្យដឹងថា ករណីគ្រោះថ្នាក់ចរាចរណ៍ដ៏រន្ធត់ បានកើតឡើង កាលពីវេលាម៉ោង១១ព្រឹក ថ្ងៃទី ០៨ខែ កញ្ញា ឆ្នាំ២០១៥ រវាងរថយន្តធន់ធ្ងង់ និងម៉ូតូ ស្ថិត​នៅ​តាមបណ្តោយ ផ្លូវជាតិលេខ៤ ចន្លោះគីឡូម៉ែត្រ លេខ១៩០ និងលេខ១៩១ ត្រង់ចំណុចផ្លូវកោង ភូមិព្រៃនប់១ ឃុំព្រៃនប់ ស្រុកព្រៃនប់ ខេត្តព្រះសីហនុ។ ដូចនៅក្នុងរូបថតបញ្ជាក់ស្រាប់ បុរសជាអ្នកជិះម៉ូតូ បានរងគ្រោះ​ដាច់ជើងមួយចំហៀង និងបានធ្លាយគ្រឿងក្នុង ចេញមកក្រៅ។

គណនីហ្វេសប៊ុកដដែល បានឲ្យដឹងទៀតថា រថយន្តធន់ធ្ង ដែលពាក់ស្លាកលេខ ភ្នំពេញ 3B 9590 នេះ បាន​បើកបរតាមបណ្តោយផ្លូវជាតិ ៤ រហូតមកកដល់ត្រង់ចំណុចផ្លូវកោង ក្នុងភូមិព្រៃនប់១ ទើបបានបុក​ជាមួយ​ម៉ូតូ។ បុរសម្ចាស់ម៉ូតូ ដែលជារងគ្រោះ ដាច់ជើង និងធ្លាយគ្រឿងក្នុងនោះ មានឈ្មោះ ស៊ុន ទ្រី មានអាយុ ៥៧ ឆ្នាំមានមុខរបរកម្មករ ស្នាក់នៅក្នុង ភូមិព្រៃនប់១ ឃុំព្រៃនប់ ស្រុកព្រៃនប់ ខេត្តព្រះសីហនុ។

បន្ទាប់ពីត្រូវបានសាកសួរ ដោយព្រះរាជអាជ្ញា លោក សៀង សុខ រួច យុវជន ផង់ សីហា ត្រូវបានបញ្ជូន ទៅ​ឃុំ​ខ្លួនជាបណ្តោះអាសន្ន នៅពន្ធនាគារព្រៃស តាមអំណាចក្រមព្រហ្មទណ្ឌ មាត្រា២៣៣ ដែលត្រូវផ្តន្ទាទោស ឲ្យ​ជាប់ពន្ធនាគារចន្លោះ ពី៦ខែ ដល់ ២ឆ្នាំ ពីបទ «គំរាមថានឹងសម្លាប់» លោក សុខ ទូច ប្រធានក្រុម​ការងារស្រាវ​ជ្រាវព្រំដែន នៃរាជបណ្ឌិតសភាកម្ពុជា តាមបណ្តាញសង្គម នាពេលកន្លងមក។

ចំណាត់ការយ៉ាងរហ័ស របស់សមត្ថកិច្ច ក្នុងការចាប់ខ្លួនយុវជនរូបនេះ ក៏ទទួលបានការគាំទ្រដែរ ពីបណ្តាមន្រ្តី នៃអង្គការសង្កមស៊ីវិលមួយចំនួន។ ប៉ុន្តែមន្រ្តីអង្គការសង្គមស៊ីវិលទាំងនោះ បានស្នើឲ្យសមត្ថកិច្ចជំនាញ​ទាំង​នោះ អនុវត្តដោយឈរលើគោរលការណ៍ច្បាប់ ឯករាជ្យ អព្យរាក្រិត្យ និងតម្លាភាព ក្នុងការបង្ហាញភស្តុតាង ចំពោះ​ការចោទប្រកាន់ ដែលស៊ីចង្វាក់។

មន្រ្តីអង្គការសង្គមស៊ីវិល ដែលធ្វើការពាក់ព័ន្ធនឹងច្បាប់ សិទ្ធិមនុស្ស បានស្នើឲ្យមានវិធានការដូចគ្នានេះ [...]

ហេតុការណ៍នេះ បានកើតឡើង កាលពីវេលាម៉ោង២ និង៣០នាទីយប់ ថ្ងៃទី០៧ ខែកញ្ញាឆ្នាំ២០១៥ នៅ​តាម​បណ្តោយ​ផ្លូវព្រះមុន្នីវង្ស ក្នុងសង្កាត់បឹងកេងកងទីបី ខណ្ឌចំការមន រាជធានីភ្នំពេញ។ គ្រោះថ្នាក់នេះ ត្រូវបាន​អ្នក​ឃើញហេតុការណ៍ អះអាងឱ្យដឹងថា ម្ចាស់រថយន្តទំនងជាស្រវឹង ព្រោះបើកឡានម៉ាកកូរ៉ូឡា ពណ៍ទឹក​ប្រាក់ ដែលមានស្លាកលេខ ភ្នំពេញ២I-៨៧៨៥នេះ បើកបរពីត្បួងទៅជើង ក្នុងល្បឿនលឿន។​ នៅពេលមក​ដល់ចំណុចកើតហេតុ ជិតស្តុបបូកគោ ស្រាប់តែបានរ៉េចង្កូត ទៅបុករនាំងចែកផ្លូវពេញទំហឹង រហូតដល់​ឡាន​ទៅមុខលែងរួច។

ក្រោយកើតហេតុ គេឃើញម្ចាស់ឡានគេចខ្លូន ពីកន្លែងគ្រោះថ្នាក់ ដោយទុករថយន្តខ្លួន នៅចោលនៅ​កណ្តាល​ផ្លូវ មិនទទួលខុសត្រូវ។ ប៉ុន្មាននាទីក្រោយ មកមានសមត្ថកិច្ចនគរបាល ចររាចរណ៍ក្រុង បានចុះមកដល់​កន្លែង​កើតហេតុ រួចធ្វើការពិនិត្យ និងរៀបចំផ្លូវ រួមទាំងស្ទួចយករថយន្ត ទៅកាន់ការិយាល័យចររាចរណ៍​ផ្លូវ​គោក រាជធានី​ភ្នំពេញ។ សមត្ថកិច្ចចរាចរណ៍ [...]