ហេតុការណ៍នេះ បានកើតឡើង កាលពីវេលាម៉ោង២ និង៣០នាទីយប់ ថ្ងៃទី០៧ ខែកញ្ញាឆ្នាំ២០១៥ នៅ​តាម​បណ្តោយ​ផ្លូវព្រះមុន្នីវង្ស ក្នុងសង្កាត់បឹងកេងកងទីបី ខណ្ឌចំការមន រាជធានីភ្នំពេញ។ គ្រោះថ្នាក់នេះ ត្រូវបាន​អ្នក​ឃើញហេតុការណ៍ អះអាងឱ្យដឹងថា ម្ចាស់រថយន្តទំនងជាស្រវឹង ព្រោះបើកឡានម៉ាកកូរ៉ូឡា ពណ៍ទឹក​ប្រាក់ ដែលមានស្លាកលេខ ភ្នំពេញ២I-៨៧៨៥នេះ បើកបរពីត្បួងទៅជើង ក្នុងល្បឿនលឿន។​ នៅពេលមក​ដល់ចំណុចកើតហេតុ ជិតស្តុបបូកគោ ស្រាប់តែបានរ៉េចង្កូត ទៅបុករនាំងចែកផ្លូវពេញទំហឹង រហូតដល់​ឡាន​ទៅមុខលែងរួច។

ក្រោយកើតហេតុ គេឃើញម្ចាស់ឡានគេចខ្លូន ពីកន្លែងគ្រោះថ្នាក់ ដោយទុករថយន្តខ្លួន នៅចោលនៅ​កណ្តាល​ផ្លូវ មិនទទួលខុសត្រូវ។ ប៉ុន្មាននាទីក្រោយ មកមានសមត្ថកិច្ចនគរបាល ចររាចរណ៍ក្រុង បានចុះមកដល់​កន្លែង​កើតហេតុ រួចធ្វើការពិនិត្យ និងរៀបចំផ្លូវ រួមទាំងស្ទួចយករថយន្ត ទៅកាន់ការិយាល័យចររាចរណ៍​ផ្លូវ​គោក រាជធានី​ភ្នំពេញ។ សមត្ថកិច្ចចរាចរណ៍ បានបញ្ជាក់ចុងក្រោយថា ករណីនេះ មិនបង្កឱ្យអ្នកដំណើរ​ផ្សេងទៀត​រង​គ្រោះនោះទេ គឹឡាននេះបង្កគ្រោះថ្នាក់ខ្លូនឯង ព្រោះតែបើកបរនៅពេលស្រវឹង៕