Posts in ‘គ្រប់អត្ថបទជាខេមរភាសា’ Category

បើគេជឿថា បាល់ទាត់ជាកីឡារ ដែលមានភាពយុត្តិធម៌ច្រើនបំផុតនោះ គឺពិតជាខុសហើយ។ ជាក់ស្ដែង​ណាស់ ដូចករណីកីឡាករចាំទី «Marwin Hitz» របស់ក្រុម «FC Augsbourg» ក្នុងប្រទេសអាល្លឺម៉ង់ នេះ​ជា​ដើម។ កាល​ពីរសៀលថ្ងៃី៥ ខែធ្នូ ឆ្នាំ២០១៥ ជំនួបរវាងក្រុម «FC Cologne» និងក្រុម «FC Augsbourg»  បាន​ឈាន​មកដល់ដំណាក់កាល ទាត់បាល់ពិន័យ១១ម៉ែត្រមួយគ្រាប់ ដោយសារអាជ្ញាកណ្ដាល មើលពីកំហុស របស់​កីឡាករ​ក្រុម «FC Augsbourg»។

ប៉ុន្តែកីឡាករចាំទី មិនបានទុកឲ្យការទាត់បាល់ពិន័យនោះ អាចប្រព្រឹត្តិទៅធម្មតា ដូចការប្រកួតផ្សេងៗ នៅ​ក្នុង​ពិភពបាល់ទាត់នោះទេ។ កីឡាករ «Marwin Hitz» បានយកជើង ជាមួយនឹងស្បែកជើង​ដែលមានបន្លា​របស់​ខ្លួន ទៅ​ឈ្លីខួង​ដីកន្លែងដាក់បាល់ពិន័យ បង្កឲ្យស្មៅនៅត្រង់ផ្ដុំនោះ របើកខ្ទេចខ្ទីអស់។ ជាលទ្ធផល ដែល​ដូច​ការ​ចង់​បាន របស់កីឡាករ «Marwin Hitz» ដែលលេងខូចនេះមែន គឺកីឡាករ «Anthony Modeste» របស់​ក្រុម «FC Cologne» [...]

ប្រទេសរ៉ូស្ស៊ី បានពង្រឹងភាពមានប្រៀប នៃកងទ័ពរបស់ខ្លួនបន្ថែមទៀត នៅក្នុងសង្គ្រាមនៅប្រទេសស៊ីរី។ ហើយ​នេះ គឺជាលើកទីមួយហើយ ដែលប្រទេសរ៉ុស្ស៊ី បានធ្វើការវាយប្រហារ សំដៅមូលដ្ឋានសំខាន់​មួយ​ចំនួន របស់​ក្រុម​រដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​ហៅ EI ពាក្យកាត់អង់គ្លេសហៅ ISIS) ដោយ​បាញ់​​កាំជ្រួច​ជាច្រើនគ្រាប់ ចេញពីនាវាមុជទឹករបស់ខ្លួន ដែលកំពុងបោះមូលដ្ឋាន នៅក្នុង​សមុទ្រ​មេឌីទែរ៉ាណេ។

រដ្ឋមន្ត្រីការពារជាតិរ៉ូស្ស៊ី បានប្រកាសពីដំណឹងនេះ កាលពីថ្ងៃទី៨ ខែធ្នូ ដោយបានបញ្ជាក់ថា កងទ័ពរ៉ូស្ស៊ី បាន​ធ្វើការវាយប្រហារ ទៅលើ«ទីតាំងសំខានចំនួនពីរកន្លែង របស់កងកម្លាំងភេរវជន» នៅក្បែរក្រុងរ៉ាកា ដែល​ជា​បញ្ជាការដ្ឋានធំបំផុត របស់ក្រុមរដ្ឋអ៊ីស្លាម។ វីដេូខាងលើនេះ ត្រូវបានដាក់បង្ហោះនៅលើ យូធូប ដោយ​ក្រសួង​ការពារជាតិរ៉ូស្ស៊ី ដើម្បីបង្ហាញពីការបាញ់កាំជ្រួច ចេញពីនាវាមុជទឹក និងទីតាំងដែលកាំជ្រួចទាំងនោះ [...]

នៅពេលដែលបេក្ខជនមួយគូ កញ្ញា សេស៊ីល (Cécile) និងយុវជន រ៉ូម៉ង់ (Roman) នេះ បានសម្ដែងចប់ នូវ​សមត្ថភាព​របស់ពួកគេ នៅមុខគណកម្មការ (មេប្រយោគ) ក្នុងវគ្គផ្ដាច់ព្រ័ត្រ នៃកម្មវិធី «បារាំងរកបាន​អ្នក​មាន​ទេពកោសល្យ» កាលពីយប់ថ្ងៃអង្គារទី៨ ខែធ្នូកន្លងមក បញ្ហាបច្ចេកទេសមួយបានកើតឡើង៖ ម៉ាស៊ីនទាញ និង​ពន្លាខ្សែ ដែលបក្ខជនទាំងពីរបានថ្ពក់ខ្លួន បានខូចលែងមានដំណើរការ ដោយទុកឲ្យអ្នកទាំងពីរ​នៅ​បន្ដោក​ខ្លួន​នៅ​ខាងលើនោះ រហូតមានការធ្វើអន្តរាគមន៍ ពីអ្នកជួយសង្គ្រោះ។

កញ្ញា សេស៊ីល ត្រូវបានជួយសង្គ្រោះ ភ្លាមៗដោយសមាជិកគណៈកម្មាការ ដោយសារនាងបានតោងជើងរ៉ូម៉ង់ ទម្លាក់ខ្លួននៅទាប ជាងយុវជនជាដៃគូរបស់នាង។ ចំណែកឯយុវជន រ៉ូម៉ង់ វិញ ត្រូងបន្តថ្ពក់ខ្លួនប៉ុន្មាននាទីទៀត ជា​មួយ​នឹងខ្សែ មុននឹងត្រូវបានជួយសង្គ្រោះ ដោយជណ្ដើរយន្ដ របស់សាលមហោស្រព នៃកម្មវិធី។

ករណីនេះ បានបង្កការភ័យភិតមិនតិចទេ ដល់បេក្ខជនទាំងពីរ ក៏ដូចជាទស្សនិកជនបារាំង [...]