រ៉ូស្ស៊ី​បាញ់​កាំជ្រួច​ពី​នាវា​មុជ​ទឹក​ជា​លើក​ទី១ កំទេច​មូលដ្ឋាន ISIS

ការវាយប្រហារនេះ សំដៅកំទេចមូលដ្ឋានសំខាន់ៗ ចំនួនពីរកន្លែង នៅក្បែរនឹងក្រុង រ៉ាកា (Raqqa) ដែលជា​បញ្ជាការ​ដ្ឋាន​ធំ របស់​ក្រុម​រដ្ឋអ៊ីស្លាម ក្នុងប្រទេសស៊ីរី។
ការបាញ់កាំជ្រួចជាច្រើនគ្រាប់ ចេញពីនាវាជ្រមុជទឹក នៅកណ្ដាលសមុទ្រមេឌីទែរ៉ាណេ។
Loading...
  • ដោយ: សេក មនោរកុមារ អត្ថបទ និងយកការណ៍៖ សេក កុមារ ([email protected]) - បារីស ថ្ងៃទី០៨ ធ្នូ២០១៥
  • កែប្រែចុងក្រោយ: December 09, 2015
  • ប្រធានបទ: ភេរវកម្ម
  • អត្ថបទ: មានបញ្ហា?
  • មតិ-យោបល់

ប្រទេសរ៉ូស្ស៊ី បានពង្រឹងភាពមានប្រៀប នៃកងទ័ពរបស់ខ្លួនបន្ថែមទៀត នៅក្នុងសង្គ្រាមនៅប្រទេសស៊ីរី។ ហើយ​នេះ គឺជាលើកទីមួយហើយ ដែលប្រទេសរ៉ុស្ស៊ី បានធ្វើការវាយប្រហារ សំដៅមូលដ្ឋានសំខាន់​មួយ​ចំនួន របស់​ក្រុម​រដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​ហៅ EI ពាក្យកាត់អង់គ្លេសហៅ ISIS) ដោយ​បាញ់​​កាំជ្រួច​ជាច្រើនគ្រាប់ ចេញពីនាវាមុជទឹករបស់ខ្លួន ដែលកំពុងបោះមូលដ្ឋាន នៅក្នុង​សមុទ្រ​មេឌីទែរ៉ាណេ។

រដ្ឋមន្ត្រីការពារជាតិរ៉ូស្ស៊ី បានប្រកាសពីដំណឹងនេះ កាលពីថ្ងៃទី៨ ខែធ្នូ ដោយបានបញ្ជាក់ថា កងទ័ពរ៉ូស្ស៊ី បាន​ធ្វើការវាយប្រហារ ទៅលើ«ទីតាំងសំខានចំនួនពីរកន្លែង របស់កងកម្លាំងភេរវជន» នៅក្បែរក្រុងរ៉ាកា ដែល​ជា​បញ្ជាការដ្ឋានធំបំផុត របស់ក្រុមរដ្ឋអ៊ីស្លាម។ វីដេូខាងលើនេះ ត្រូវបានដាក់បង្ហោះនៅលើ យូធូប ដោយ​ក្រសួង​ការពារជាតិរ៉ូស្ស៊ី ដើម្បីបង្ហាញពីការបាញ់កាំជ្រួច ចេញពីនាវាមុជទឹក និងទីតាំងដែលកាំជ្រួចទាំងនោះ បាន​វាយ​​ប្រហារ។

លោករដ្ឋមន្ត្រីការពារជាតិរ៉ូស្ស៊ី បានអះអាងទៀតថា ប្រទេសអ៊ីស្ត្រាអែល និងសហរដ្ឋអាមេរិក ដែលកំពុង​ដឹកនាំ​យុទ្ធនាការ​ទម្លាក់​គ្រាប់​បែក នៅក្នុងប្រទេសស៊ីរី ត្រូវបានប្រកាសជូនដំណឹងជាមុន ពីការវាយ​ប្រហារ​នេះ។

កាំជ្រួចអាចបំពាក់ក្បាលគ្រាប់នុយក្លេអ៊ែរ

ប្រទេសរ៉ុស្ស៊ី បានធ្វើការប្រហារជាច្រើន តាមផ្លូវសមុទ្រ ទៅលើក្រុមរដ្ឋអ៊ីស្លាមរួចមកហើយ កាលពីពេល​កន្លង​មក។ នាវាដែលបានបាញ់កាំជ្រួចចេញទៅនោះ បានបោះទីតាំងរបស់ខ្លួន នៅក្នុងសមុទ្រកាស្ពែន ដែល​មានចំងាយប្រមាណជា ១៥០០គីឡូម៉ែត្រ ពីទិសដៅវាយប្រហារ។

លោកប្រធានាធិបតីរ៉ូស្ស៊ី វ្លាឌីមៀរ ពូទីន (Vladimir Poutine) បានលើកឡើង កាលពីថ្ងៃអង្គារថា កាំជ្រួចរ៉ូស្ស៊ី​ដែល​បាញ់​ចេញ ពីនាវាទាំងនោះ អាចនឹងត្រូវបំពាក់ ដោយក្បាលគ្រាប់នុយក្លេអ៊ែរ។ ប៉ុន្តែលោកថា ការ​ប្រើ​ប្រាស់​កម្លាំងនុយក្លេអ៊ែរ នឹងមិនចាំបាច់ឡើយ ក្នុងសង្គ្រាមប្រឆាំងភេរវកម្ម។

ដោយឡែក ចំពោះយន្ដហោះទម្លាក់គ្រាប់បែក របស់រ៉ូស្ស៊ីវិញ បានធ្វើការហោះចេញចំនួន៦០០លើក និង​កំទេច​បានទីតាំងសំខាន់ៗ និងខុសៗគ្នា ចំនួន៣០០កន្លែង នៅក្នុងរយៈពេល តែ៣ថ្ងៃចុងក្រោយនេះ​ប៉ុណ្ណោះ។ នេះ បើតាមក្រសួងការពារជាតិរ៉ុស្ស៊ី ដែលបានផ្សាយឲ្យដឹង នៅក្នុងសេចក្ដីប្រកាសព័ត៌មាន ជា​ផ្លូវការ​មួយ៕


» នាវាជ្រមុជទឹក របស់កងទ័ពរ៉ូស្ស៊ី៖


Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]fo
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...