Posts in ‘គ្រប់អត្ថបទជាខេមរភាសា’ Category

យន្ដហោះយោធារបស់ចិន ដែលបានហោះពីលើតំបន់រុករក ដែលសង្ស័យថាជាទីកន្លែងធ្លាក់របស់យន្ដហោះ ប៊ូអីង ៧៧៧ នៃជើងហោះហើរ MH370 នោះ បានរកឃើញវត្ថុអណ្ដែតនៅលើទឹកសមុទ្រចំនួនបី ក្នុងនោះវត្ថុចំនួនពីរ មាន​ពណ៌ដូចទៅនឹងពណ៌យន្ដហោះដែលបានបាត់។ អាជ្ញាធរនៅមិនទាន់បញ្ជាក់អះអាងបានភ្លាមៗ ពីអត្តសញ្ញាណ​របស់វត្ថុដែលទើបនឹងមើលឃើញនេះ ថាអាចមានការជាប់ពាក់ព័ន្ធ នឹងការស៊ើបអង្កេតនោះនៅឡើយ។

វត្ថុអណ្ដែតនៅលើទឹក ដែលថតឃើញ និងតំបន់រុករកយន្ដហោះបាត់ខ្លួន។ (រូបថត Reuters)

បាត់យន្ដហោះ - ទីភ្នាក់ងារសារព័ត៌មានចិន ស៊ីនហួរ បានរាយការណ៍ឲ្យដឹងថា យន្ដហោះយោធាប្រភេទ Ilyushin IL-76 បានរកឃើញវត្ថុអណ្ដែតនៅលើផ្ទៃទឹកចំនួនបី បន្ថែមទៀត បន្ទាប់ពីយន្ដហោះ [...]

ការសាងសង់ស្ថានីប្រេងសាំងសូគីម៉ិចមួយស្ថិតក្នុងខេត្តបាត់ដំបង ដែលនៅមិនឆ្ងាយប៉ុន្មាន ពីរង្វង់មូលតាដំបង​ក្រញូង ត្រូវបានមន្រ្តីម្នាក់នៃការិយាល័យសុរិយោដីខេត្តបាត់ដំបង លើកឡើងថា ការសាងសង់នោះខុសច្បាប់ ព្រោះ​តែអ្នកជំនាញ(ក្រុង) មិនទាន់អនុញ្ញាតិឲ្យសាងសង់ទេ តែម្ចាស់ស្ថានីយ៍កំពុងបន្ដការសាងសង់របស់ខ្លួន។ មន្រ្តី​រូប​នេះ បានលើកជាការសន្និដ្ឋានរបស់ខ្លួនថា ប្រហែលជាមានការអន្តរាគមន៍ពីថ្នាក់ខេត្ត។

បង្គោលផ្លាកបង្ហាញរបស់ក្រុមហ៊ុនប្រេង ស៊ូគីម៉ិច។ (រូបថត MONOROOM.info/ D. KEO)

វិវាទ - ការបែកធ្លាយភាពមិនប្រក្រី ដែលអាចលើកជាបញ្ហាមកថាមានអំពើពុករលួយ កំពុង«លាក់»ខ្លួននៅក្នុងនោះ តាមរយៈភាពស្ងៀមស្ងាត់ [...]

បន្ទាប់ពីរងបណ្តឹងរបស់កម្មករ២៩នាក់កាលពីខែកុម្ភៈ លោកអាត់ធន់ និងអនុប្រធានពីរនាក់ ក៏ត្រូវរងបណ្តឹងបន្ថែម​ពីកម្មកររោងចក្រអ៊ីហ្គាមិន១១ផ្សេងទៀត។ ហើយនៅថ្ងៃទី០២ ខែមេសាខាងមុខនេះ លោកនឹងឡើងបំភ្លឺ​ទាក់ទងនឹង​បណ្តឹងរបស់កម្មករនេះ តាមការកោះហៅរបស់តុលាការ។

ការប្តឹងផ្តល់ -មេដឹកនាំសម្ព័នសហជីពប្រជាធិបតេយ្យកម្មករកាត់ដេរកម្ពុជា ដែលហៅកាត់ថា ស៊ីខាវឌូ បីរូប រួម​មាន​លោកអាត់ ធន់ លោក គង់ អាទិត្យ និងលោកឯក សុភក្តី ត្រូវបានរងការប្តឹងពីកម្មករ ចំនួនបីបណ្តឹង។ បណ្តឹងលើក​ទីមួយ មានកម្មករ២៩នាក់ ប្តឹងពីបទគៃបំបាត់ប្រាក់រំលឹករបស់កម្មករជា៩ម៉ឺនដុល្លា [...]

ទូរទស្សន៍រដ្ឋរបស់ប្រទេសលីប៊ី បានផ្សាយរូបភាពកូនប្រុសមួយរូប របស់អតីតមេដឹកនាំផ្ដាច់ការ លោក មូអាម៉ា កាដាហ្វី (Mouammar Kadhafi) ដែលកំពុងជាប់ឃុំឃាំង នៅក្នុងពន្ធនាគារនៃរដ្ឋធានីទ្រីប៉ូលី។ កូនប្រុសរបស់អតីត​បុរសខ្លាំង បានបង្ហាញនូវការសុំទោស និងសុំឲ្យមានការអភ័យទោស ពីសំណាក់ជនរួមជាតិខ្លួន។

លោក សាអាឌី កាដាហ្វី កូនប្រុស លោក មូអាម៉ា កាដាហ្វី។ (រូបថតផ្ដិតពីទូរទស្សន៍)

អវសាន្ដនៃរបបផ្ដាច់ការ - លោក សាអាឌី កាដាហ្វី (Saadi Kadhafi) ដែលត្រូវបានតុលាការប្រទេសលីប៊ី ចាប់​ទោសកំហុស ពីបទថាបានប្រព្រឹត្តិឧក្រិដ្ឋកម្ម ដើម្បីរក្សាអំណាចឲ្យឪពុករបស់ខ្លួននោះ ត្រូវបានធ្វើបត្យាប័ន​មក​កាន់រដ្ឋធានី ទ្រីប៉ូលី កាលពីថ្ងៃទី៦ [...]

ភ្ជាប់ជាមួយលិខិតរបស់តុលាការបារាំងមួយច្បាប់ផងនោះ ទំព័រហ្វេប៊ុកផ្លូវការរបស់ លោក សម រង្ស៊ី បានបញ្ជាក់ថា៖ «អាជ្ញាធរបារាំង ទើបតែបានចាត់ចៅក្រមថ្មីម្នាក់ប្រចាំតុលាការទីក្រុង ប៉ារីស ដើម្បីពន្លឿនការ ស៊ើប​អង្កេតទៅលើការគប់គ្រាប់បែក នៅទីក្រុងភ្នំពេញ កាលពីថ្ងៃ ៣០ មីនា ១៩៩៧។ នេះជាកាតព្វកិច្ច នៃអាជ្ញាធរ បារាំង ពីព្រោះមានជនរងគ្រោះ ឬជនដែលគេប៉ុនប៉ងសម្លាប់ មួយចំនួននៅពេលនោះ ដែលមានសញ្ជាតិបារាំង ទន្ទឹមនឹង​សញ្ជាតិខ្មែរ។»

ការិយាល័យនិពន្ធរបស់ទស្សនាវដ្ដីមនោរម្យ.អាំងហ្វូ ប្រចាំរដ្ឋធានីប៉ារីស មិនអាចស្វែងរកការបញ្ជាក់ពី ចៅក្រមស៊ើប​អង្កេតថ្មីនោះ ជុំវិញករណីដ៏រសើបនេះបានទេ។ ប៉ុន្តែ​ដោយឡែក សម្រាប់នៅក្នុងប្រទេសកម្ពុជាវិញ សំនុំរឿងនេះ ហាក់ដូចជាមិនបានកម្រើកសោះឡើយ នៅក្នុង​រយៈ​ពេលជាច្រើនឆ្នាំកន្លងមកនេះ។

[...]