Posts in ‘អត្ថបទមានវីដេអូ’ Category

ព្រះអង្គម្ចាស់ ដួងសុវណ្ណរដ្ឋ ដែលពលរដ្ឋក្នុង ភូមិ​ព្រែក​តាមាក់ ឃុំព្រែក​តាមាក់ ស្រុក​ខ្សាច់​កណ្ដាល ខេត្ត​កណ្ដាល ស្គាល់លោក​ជា​«តាប៉ក់» និងឈ្មោះក្នុង «បូណា» ទើបនឹងបានបង្ក ឲ្យមានភាពភ្ញាក់ផ្អើលយ៉ាងខ្លាំង នៅ​ប្រមាណជា៤ខែមុននេះ ទៅដល់បណ្ដា​ប្រជា​នុរាស្ត្រ និងរាជរង្សខ្មែរ ជុំវិញជីវិត​លាក់​ព្រះ​កាយ​​របស់ទ្រង់ រាប់ចាប់តាំងពីឆ្នាំ១៩៧៦មក។ តែនៅវេលានេះ ព្រះអង្គបាន​ទទួល​មរណភាព​ទៅ​ហើយ កាលពី​រសៀល​ម៉ោ​ង ២ និង១០នាទី ថ្ងៃទី២៣ ខែកុម្ភៈ ឆ្នាំ២០១៧។

នៅក្នុងវីដេអូជាច្រើន ដែលទើបនឹងត្រូវបានយកមកបង្ហោះ នៅប៉ុន្មានម៉ោងមុននេះ គេឃើញមឈូស ដែល​មាន​ដាក់​សព​របស់​ព្រះអង្គ​ម្ចាស់ ត្រូវបាន​រៀបចំ​លំអ​ពីលើ ដោយផ្កាពណ៌ចម្រុះ នៅក្នុងគេហដ្ឋាន​ឈើ​របស់​ទ្រង់ តាម​បែបជារាស្ត្រសាមញ្ញ នៅតាមតំបន់ស្រុក​ស្រែ​ចំការ។ វីដេអូ​ទាំងនេះ បានបន្ថែម​ពីលើរូបភាព​មួយ​ចំនួន​​ទៀត​ កាលពីថ្ងៃម្សិលម៉ិញ ដែលបង្ហាញឲ្យឃើញថា [...]

ឈុតបង្ហាញពីតារា ដួង ម៉ានិច កំពុងងូតទឹកនេះ ត្រូវបានទំព័រហ្វេសប៊ុកមួយ យកមកបង្ហោះ និង​មាន​ការ​ចែក​រំលែក​តៗ​គ្នា​យ៉ាងច្រើន នៅព្រឹកថ្ងៃសុក្រ ទី២៤ ខែកុម្ភៈនេះ។ តែគេមិនដឹងថា តើជាឈុតងូតទឹក ជា​លក្ខណៈ​ឯកជន ឬ​ជា​ឈុត​ឆាក​សម្ដែង ដែលអ្នកដឹកនាំរឿង តម្រូវឲ្យតារាសម្ដែង កញ្ញា ដួង ម៉ានិច ងូតទឹក​នៅ​«ហាល​មេឃ» និង​យក​ដៃ​លូក​ដុស​ខាត់ នៅគ្រប់ទីកន្លុក​កន្លៀត យ៉ាងដូច្នេះទេ។

ក្រុមអ្នកប្រើប្រាស់បណ្ដាញសង្គម បានយកកាយវិការនេះ របស់តារាសំដែង មក​រិះគន់​ថា ហាក់​បាន​ដើរ​ហួស ពី​អ្វី​ដែល​ជា​ភាព​ស្រគត់​ស្រគំ និង​ភាព​អៀនខ្មាស របស់​ស្ត្រីខ្មែរ។ ប្រិយមិត្ត​ជា​ស្ត្រីខ្លះ បាន​លើក​ឡើងថា៖ «ជា​លើក​ទី​មួយ (ហើយ ដែល) ឃើញស្រីគ្នា​ឯងងូតទឹក ដុសសាហាវ​ដល់ថ្នាក់ហ្នឹង ហាហាហា អាណាដុសអី ដុសដល់ថ្នាក់នឹង?»។

អ្នកប្រើប្រាស់បណ្ដាញសង្គមខ្លះ ដែលទំនងជាយល់ ដល់អត្ថន័យនៃភាពយន្ដ និងការដឹកនាំរឿងនោះ បានចាត់ទុកថា ការសំដែងរបៀបនេះ [...]

គ្រាប់បាល់រកបាន ដូចក្បង់គ្រាប់ភ្លៀង ដែលកំពុងធ្លាក់ ដែលជាសរុប មានទាំងអស់៨គ្រាប់ នៅ​ក្នុង​ការ​ប្រកួត វគ្គ១​ភាគ៨ នៃ​ក្របខណ្ឌ​ប្រកួតជើង​ឯក​អ៊ឺរ៉ុប (Champions League) ក្នុងយប់​ថ្ងៃអង្គារ​នេះ រវាង​ក្រុម​បាល់​ទាត់ ម៉ូណាកូ (AS Monaco) របស់​បារាំង និងក្រុម​មេនឆេស្ទ័រ ស៊ីធី (Manchester City) របស់​អង់គ្លេស។ ក្រុម​ មេនស៊ីធី រក​បាន​គ្រាប់បាល់​មុនក្រុម ម៉ូណាកូ មែន តែគ្រាប់​បន្តបន្ទាប់​មក គឺ​ក្រុម ម៉ូណាកូ ជាអ្នកនាំមុខ​ក្រុម​បាល់ទាត់​អង់គ្លេស (៣-២) នៅក្នុងកីឡាដ្ឋាន «City of Manchester Stadium (ផ្​ទះរបស់​ក្រុម មេនស៊ីធី)» រហូត​ដល់​៧០នាទី​ដំបូង នៃ​ការ​ប្រកួត។

ប៉ុន្តែ ចាប់ពីនាទីទី៧០ នោះមក ការប្រកួតបានក្រឡាប់ចាក់។ ក្រុមម៉ូណាកូ បានបាក់​កម្លាំង ធ្លាក់​ជើង បែក​ការគ្រប់​គ្រង ទៅ​លើ​បាល់ បើសូម្បីតែទាត់​បញ្ជូន ឲ្យកីឡាករ​គ្នាឯង​ក៏ដោយ។ ដោយ​ហេតុនេះ​ហើយ ទើប​​ក្រុម មេន​ស៊ីធី បាន​ឆ្លៀត​ឱកាស​នេះ [...]

រូបភាព ដែលទទួលបាន ពីកាម៉េរ៉ាសុវត្ថិភាព នៅក្នុងព្រលានយន្ដហោះអន្តរជាតិ កូឡាឡំពួរ អនុញ្ញាត​ឲ្យ​គេ​យល់ ពី​សកម្មភាព​ដែល​បាន​កើត​ឡើង នៅពេលកើតហេតុ និងនៅពេល​បន្ទាប់មក។ ដំបូងឡើយ គេ​ឃើញ​លោក គឹម ជុង-អ៊ុន (Kim Jong-nam) បងប្រុសម្ដាយដទៃ របស់លោក គឹម ជុង-អ៊ុន (Kim Jong-un) មេ​ដឹកនាំកូរ៉េ​កុម្មុយនីស​​សព្វថ្ងៃ ដើរចូល​ទៅក្នុង​បន្ទប់​ធំ​កណ្ដាល សម្រាប់ការ​ធ្វើដំណើរ​ចាកចេញ នៃ​ព្រលាន​យន្ដហោះ​ ជា​មួយ​នឹង​កាបូប​ស្ពាយ​​នៅលើខ្នង។ លោកបានបានចូលទៅមើល ប្រអប់ជូនដំណឹង ពីជើង​​ហោះ​ហើរ​ទាំង​ឡាយ ហើយ​បន្ទាប់​មក លោក​បានដើរចេញពីទីនោះ ស្របពេលនឹងស្ត្រីពីរនាក់ បានដើរសំដៅ​មករកលោក។

រំពេចនោះ ស្ត្រីម្នាក់ ពីក្នុងចំណោមស្ត្រីទាំងពីរ បានដើរមកបុកលោក ចំពីមុខ ខណៈស្ត្រីម្នាក់ទៀត បាន​ចាប់​លោក​ពី​ក្រោយ និងដាក់«អ្វីមួយ» នៅលើមុខរបស់លោក។ ក្រោយពីធ្វើសកម្មភាពរួច ស្ត្រីទាំងពីរ​បាន​ដើរ​គេច​ខ្លួន​ភ្លាមៗ ទៅ​តាម​ទិសដៅ​ផ្សេង​គ្នា [...]

នៅក្នុងកម្មវិធី ចាក់បញ្ចាំងដំបូង នៃភាពយន្ដរឿង «មុន​ដំបូង ខ្មែរ​ក្រហម​សម្លាប់​ប៉ា​ខ្ញុំ (ជាភាសា​​អង់គ្លេស First They Killed My Father/ ជាភាសាបារាំង D'abord ils ont tué mon père)» នឹងត្រូវចាប់ផ្ដើម​ធ្វើ នៅ​ថ្ងៃ​សៅរ៍​ទី១៨ ខែ​កុម្ភៈ​នេះ​ហើយ ចាប់ពីម៉ោង ៦ល្ងាចទៅ នៅលើលានជល់ដំរី ក្នុងបរិវេណ​ប្រាសាទ​អង្គរធំ។

ដំណឹងដែលទស្សនាវដ្ដីមនោរម្យ.អាំងហ្វូ ទទួលបានពីខេត្តសៀមរាប នៅមុននេះបន្តិច បាន​អះអាង​ថា នៅ​ខណៈ​នេះ កំពូលតារាហូលីវូដ ដែលបានក្លាយជា​អ្នកដឹកនាំរឿង នាង អេនជឺលីណា ជូលី (Angelina Jolie) កូន​ប្រុស​ស្រី​របស់​អ្នកស្រី រួមនឹងក្រុមការងារផង បានបង្ហាញខ្លួន​ នៅខាងមុខ​ព្រះរាជ​ដំណាក់ ក្នុងខេត្ត​សៀម​រាប។ ការ​បង្ហាញ​វត្តមាន ដែលគេជឿថា អ្នកស្រីទំនងជា​មាន​ជំនួប​ផ្លូវការ​អ្វីមួយនៅទីនោះ មុននឹង​អ្នកស្រី ធ្វើ​សន្និសីទ​សារព័ត៌មាន នៅ​វេលា​ម៉ោង ១២ (ក្នុងថ្ងៃដដែលនេះ) ​នៅ​សណ្ឋាគារ «Raffles Grand Hotel [...]