Posts in ‘អត្ថបទមានវីដេអូ’ Category

រថភ្លើងដឹក​សារជាតិ​​គីមី​មួយខ្សែ បានបោលទៅបុករទេះដឹកសម្រាម មុននឹងជៀសចេញពីផ្លូវ កាលពីថ្ងៃអង្គារនេះ នៅជាយ​ក្រុង​បាទីម័រ (Baltimore) នៃរដ្ឋម៉ារីឡេន (Maryland) សហរដ្ឋអាមេរិក។ គ្រោះថ្នាក់នេះបង្កឲ្យមានការផ្ទុះមួយដ៏ខ្លាំង ធ្វើឲ្យ​លំនៅដ្ឋាននៅជុំវិញមួយគីឡូម៉ែត្រ កក្រើករង្គើឡើង។ នេះជាការថ្លែងឲ្យដឹងរបស់អ្នកទទួលខុសត្រូវប្រចាំតំបន់ និងសាក្សី​នៅផ្ទាល់កន្លែងជាច្រើននាក់។

រូបភាពពីលើអាកាស នៃព្រឹត្តិការណ៍ផ្ទុះរថភ្លើងនេះ។ (រូបភាពថតពីអេក្រង់វីដេអូ)

រថភ្លើងបានបើកចេញខុសផ្លូវ នៅម៉ោងប្រមាណជា២រសៀល ក្នុងតំបន់រ៉ូសេដាល់ ផ្នែកខាងកើតនៅក្រុងបាទីម័រ។

បណ្ដុំផ្សែងខ្មួលខ្មាញ់ខ្មៅងងឹត បានបង្ហាញរូបរាងធ្វើឲ្យឃើញនៅលើផ្ទៃមេឃ ពីរាប់សិបគីឡូម៉ែត្រជុំវិញ។ បន្ទាប់មក​ផ្សែង​ខ្មៅនេះ [...]

ក្រុមអ្នកជួយសង្គ្រោះបានកាត់ កែងបំពង់លូ ទីកន្លែងដែលទារកនេះជាប់ ដើម្បីសង្គ្រោះទារកដ៏កំសត់។ អ្នក​ដែល​បាន​សង្ស័យដឹងរឿងដ៏រន្ធត់នេះមុនគេ ជាអ្នកជួលផ្ទះម្នាក់នៅក្នុងអាគារស្នាក់នៅនេះ ដែលបានជូន​ដំណឹង​ភ្លាមទៅអាជ្ញាធរ នៅក្រោយពេលដែលគាត់បានលឺសម្លេងក្មេងយំ យ៉ាងចម្លែងចេញពីក្នុងបំពង់លូ។

រូបភាពជួយសង្គ្រោះជាង២ម៉ោងជាវីដេអូ  ត្រូវបានផ្សព្វផ្សាយយ៉ាងច្រើន នៅតាមបណ្ដាញទូរទស្សន៍ និង​តាម​អាំងធើណែត ជាពិសេសនៅក្នុងខេត្តជេជៀន (Zhejiang) ផ្នែកខាងកើតនៃប្រទេសចិន កាលពី​ថ្ងៃច័ន្ទ​និង​ថ្ងៃ​អង្គារ។

ទារកដែលទើបនឹងកើតតូចនេះ ត្រូវបានបញ្ជូនជាបន្ទាន់ទៅកាន់មន្ទីរពេទ្យ ខណៈដែលសុខភាពរបស់ទារក បានចុះខ្សោយ​ខ្លាំង តែនៅមានសង្ឃឹមនៅឡើយ។ ទារកមានទម្ងន់២,៨គីឡូក្រាម មានស្នាមរលាត់បន្តិចបន្តួច និងមានដំណើរបេះដូង​បាន​ចុះខ្សោយខ្លាំង តែគេហទំព័រផ្លូវការនៃខេត្តជេជៀន បានអះអាងថា ស្ថានភាព​របស់​ទារកនៅអាចសង្គ្រោះបាន។

បង្កួយយក្សមួយ ដែលមានបណ្ដោយប្រមាណជា២ម៉ែត្រ ត្រូវបានគេចាប់បញ្ជូនចេញ ពីកន្លែងដែលវាបានលាក់ខ្លួន គួរ​ឲ្យ​ភ្ញាក់ផ្អើល នោះគឺនៅក្នុងពិតាននៃបន្ទប់មួយ ក្នុងអាគាររដ្ឋសភារបស់ប្រទេសថៃ។

សត្វបង្កួយយក្ស។ (រូបជំនួស)

ជាការរកឃើញមួយយ៉ាងអស្ចារ្យ និងថែមទាំងរន្ធត់ថែមទៀត នៅពេលដែលគេបានស្ដាប់លឺសម្លេង​ស្រែករបស់​អ្នកបាន​ឃើញផ្ទាល់ភ្នែក។ នៅថ្ងៃព្រហស្បត្តិ៍ទី២៣ខែឧសភានេះ បង្កួយយក្សដែលមានបណ្ដោយប្រមាណជា២ម៉ែត្រមួយក្បាល ត្រូវបាន​គេដឹងថាវាកំពុងលាក់ខ្លួននៅក្នុងពិតាននៃរដ្ឋសភាថៃ កណ្ដាលទីក្រុងបាងកក។

បន្ទាប់ពីបានដឹងពីព្រឹកនោះមក ក្រុមគ្រូពេទ្យសត្វបានចំណាយជាច្រើនម៉ោង ដើម្បីចាប់បង្កួយនេះ ចេញពីកន្លែងដែលវា​លាក់ខ្លួន ដែលមានពោរពេញទៅដោយខ្សែកាបនោះ។

វីដេអូខាងក្រោមនេះត្រូវបានថតដោយទីភ្នាក់ងាររ៉យទ័រ [...]

ជនជាតិជប៉ុនមួយរូប​អាយុ៨០ឆ្នាំ និងថែមទាំងធ្លាប់វះកាត់ជម្ងឺបេះដូងមិនតិចជាងបួនលើកផងនេះ បានក្លាយជាជន​មាន​វ័យចំណាស់ជាងគេបំផុត ក្នុងពិភពលោក ដែលបានឡើងទៅដល់កំពូលភ្នំអេវើរេស កាលពីថ្ងៃព្រហស្បត្តិ៍ទី២៣​ខែ​ឧសភា​កន្លងមក។

លោកតា យូអ៊ីឈីរ៉ូ មៀយូរ៉ា ពាក់អាវពណ៌ក្រហម អង្គុយជាមួយកូនរបស់គាត់ (រូបខាងឆ្វេង)។

លោកតា យូអ៊ីឈីរ៉ូ មៀយូរ៉ា (Yuichiro Miura) អតីតកីឡាករអ្នកលេងស្គីដ៏កំពូលមួយរូប ដែលធ្លាប់បានធ្វើដំណើរឡើងភ្នំ​កំពស់៨៨៥០ម៉ែត្រនេះ ចំនួនពីរដង​រួចមកហើយនៅ នៅពេលលោកតាមានអាយុ៧០ឆ្នាំ និងម្ដងទៀតនៅអាយុ៧៥ឆ្នាំ។ អ្នកទទួលខុសត្រូវប្រចាំតំបន់​នៃប្រទេសណេប៉ាល់ និងក្រុមអ្នកគាំទ្រលោកតានៅជប៉ុន បាននិយាយឲ្យដឹងថា លោកតា​បានឡើងដល់កំពូលភ្នំ កាលពីថ្ងៃព្រហស្សត្ត៍៍នេះ [...]

ផ្នែកជួយសង្គ្រោះបាននឹងកំពុងជីកកកាយ នៅថ្ងៃអង្គារ និងនៅថ្ងៃនេះ គំនរបែកបាក់នៃជាយក្រុងអូក្លាហូម៉ា (Oklahoma) ដើម្បស្វែងរកអ្នករស់រានមានជីវិត ក្រោយពីព្រឹត្តិការណ៍មហាខ្យល់គួចកំបុតត្បូង ដែលបានកើតឡើងកាលពីថ្ងៃច័ន្ទ ទី២០​ខែមេសានេះ។ អាគារផ្ទះសម្បែង និងអាគារសាធារណៈជាច្រើន ត្រូវបានបំផ្លាញ។

ទិដ្ឋភាពមហន្តរាយ នៅក្រោយដំណើរឆ្លងកាត់របស់មហាខ្យល់គួចកំបុតត្បូង នៅជាយក្រុងអូក្លាហូម៉ា។

អាជ្ញាធរបានត្រឡប់មកបង្ហាញតួលេខបណ្ដោះអាសន្នវិញ ថាមានមនុស្ស២៤នាក់បានស្លាប់ ក្រោយពេលដែលបាន​ប្រកាសមុននេះថា មានមនុស្សបាត់បង់ជីវិតដល់ទៅ៥១នាក់។ តែទោះជាយ៉ាងណាក៏ដោយ ក៏គេនៅតែបញ្ជាក់ថាតួលេខ នៃតុល្យភាពរបស់ជនរងគ្រោះ នឹងអាចកើនឡើង។

សូមទស្សនាវីដេអូ ដែលបានថតនៅពេល មហាខ្យល់គួចកំបុតត្បូងធ្វើសកម្មភាព៖