Posts in ‘អត្ថបទមានវីដេអូ’ Category

វីដេអូនេះ ត្រូវបានសារព័ត៌មានធំៗ នៅអ៊ឺរ៉ុបខាងលិចចាប់អារម្មណ៍ នៅក្នុងសប្ដាហ៍ចុងក្រោយនេះ និងបង្ហាញ​ឲ្យឃើញ ពីសត្វពីរក្បាល ពីងពាងពិស និងខ្យាដំរី ដែលត្រូវបានចាប់ ដាក់ចូលក្រឡមួយ ជាមួយគ្នា។ ពីងពាង​ពិសនោះ ជាប្រភេទ «Steatoda grossa» ដែលគេតែងឃើញរស់នៅ ក្នុងទ្វីបអ៊ឺរ៉ុប អាមេរិក និងនៅលើ​កោះ​អូស្ត្រាលី។ ដោយឡែកខ្យាដំរី ជាប្រភេទ «Buthidae» មកពីតំបន់ដែលក្ដៅជាងគេ នៅលើផែនដី ដូចយ៉ាង​សមុទ្រខ្យាច់ជាដើម។ មនុស្សដែលត្រូវបានសត្វទាំងពីរខាំ ឬទិច សុទ្ធតែរង នូវការចុចចាប់ខ្លាំង និងឈាន​ទៅ​មានដំបៅធំ នៅនឹងមុខរបួសនោះផង។

នៅក្នុងភាពជាសត្វតិរច្ឆាន សត្វមានពិសទាំងពីរ ជួបមុខគ្នា ត្រូវតែមានមួយស្លាប់ មួយរស់។ ដូច្នេះ វាចាំបាច់​ណាស់ ក្នុងការប្រយុទ្ធដើម្បីមានអាយុរស់រាន តទៅមុខទៀត។ បើមើលមួយភ្លែត គេច្បាស់ជាគិតថា ខ្យាដំរី មានប្រៀបជាងពីងពាង ដោយសារតែខ្យាដំរី មានដង្កៀបពីរ នៅខាងមុខ និងកន្ទុយពិសរបស់វា អាច​ត្រូវ​បាន​ប្រើ [...]

នៅក្នុងសម័យកំព្យូទ័រដ៏ទំនើបនេះ តើគេអាចមានលទ្ធភាពសាងសង់លំនៅដ្ឋាន ជាមួយនឹងតែបាតដៃទទេ បាន​ឬទេ? គ្មានពូថៅ គ្មានកាំបិត... គ្មានអ្វីទាំងអស់ មានតែធម្មជាតិនៅជុំវិញ តើអាចសាងសង់ ជម្រកមួយ​សមរម្យ សម្រាប់ស្នាក់អាស្រ័យបានឬទេ? យុវជនជាតិអូស្ត្រាលីម្នាក់នេះ បានបង្ហាញថាទោះ​ជាស្ថិត​ក្នុង​ស្ថានភាព​បែបណាក៏ដោយ ក៏មនុស្សនៅតែមានលទ្ធភាព អាចធ្វើការឆ្នៃប្រឌិត បង្កើតជាគេហដ្ឋានមួយ ដើម្បី​បញ្ជៀស​ខ្លួន ពីភាពហាលក្ដៅហាលភ្លៀង និងអាចមានកម្ដៅ ជួយបង្កើតភាពកក់ក្ដៅ នៅពេលធាតុអាកាស ចុះត្រជាក់​នោះទៀត។

នៅកណ្ដាលព្រៃ គ្វីនស្លេន (Queensland) នៃកោះអូស្ត្រាលី យុវជនម្នាក់នេះ បានសង់កូនផ្ទះនេះ​ឡើងជាថ្មី​ទៀត ដោយប្រើពេលជាង៣ខែ បន្ទាប់ពីខ្លួនបានសង់​កូនផ្ទះជាច្រើន លើកមុនៗ ដែលធ្វើឡើងត្រឹមតែ ពី​ស្លឹក​ឬពីចំបើងប៉ុណ្ណោះ។ ចេញពីបាតដៃទទេ យុវជនបានយកដុំថ្មមកធ្វើជាពូថៅ ហើយបានកាប់ឈើជាច្រើន​កំណាត់ ដើម្បីរៀបជាគ្រោងផ្ទះឡើង។ បន្ទាប់មក [...]

ពេលម្ចាស់មិននៅ ឆ្កែឡើងរាជ្យ? មិនមែនទេ... ពេលម្ចាស់ទុក ឲ្យនៅចាំផ្ទះតែម្នាក់ឯង ឆ្កែមួយក្បាលនេះ បាន​តាំងខ្លួនជាអ្នកចម្រៀង និងជាអ្នកតន្ត្រីករ។ វាបានឡើងមកលើកៅអី ដែលម្ចាស់វាអង្គុយរាល់ដង ដើម្បី​ដេញ​ព្យ៉ាណូនោះ ហើយបានយកដៃទាំងគូរបស់វា មកចុចនៅលើក្ដាព្យាណូ និងបានស្រែកច្រៀងឡើង។

ម្ចាស់របស់វា បានរកឃើញវីដេអូនេះ ដោយចៃដន្យ នៅពេលដែលខ្លួនត្រឡប់មកផ្ទះវិញ ហើយបានភ្ញាក់ខ្លួន​យ៉ាង​ខ្លាំង។ ម្ចាស់សុនខ មិនបានដឹងទាល់តែសោះថា តើឆ្កែតូចមួយក្បាលនេះ បានសង្កេតតាមដានខ្លួនជា​ម្ចាស់ តាំង​ពី​ពេល​ណាមកនោះទេ រហូតមកទល់នឹងពេល ដែលវាសម្រេចចិត្ត ចេញសម្ដែងដោយខ្លួនឯង យ៉ាងដូច្នេះ៕

អ្នកសារព័ត៌មានជាតិហុងគ្រី អ្នកស្រី Petra Laslzo របស់ស្ថានីយទូរទស្សន៍ N1TV ត្រូវបានបណ្ដេញ​ចេញពី​ការងារ កាលពីថ្ងៃអង្គារមុននេះ បន្ទាប់ពីអ្នកស្រី បានប្រព្រឹត្តិទង្វើខុសប្រក្រតី ទៅលើជនភៀសខ្លួនច្រើននាក់ ខណៈអ្នកស្រីបានចុះ ទៅយកព័ត៌មាននៅទីនោះ។ បើតាមស្ថានីយ៍ទូរទស្សន៍ ដែលគេស្គាល់ថា មាននិន្នាការ​ស្និតនឹងក្រុមស្ដាំនិយមជ្រុល របស់ប្រទេសហុងគ្រី បានអះអាងថា កាយវិការរបស់អ្នកស្រី ជារឿងមួយ មិនអាច​ទទួលយកបាន ហើយស្ថានីយទូរទស្សន៍ បានបណ្ដេញអ្នកស្រីចេញពីការងារ ចាប់ពីពេលជូនដំណឹង​នេះ​ភ្លាម។

ហេតុការណ៍បានកើតឡើង នៅក្រុង «Rozske» ជាប់ព្រំដែនភាគខាងត្បូង នៃប្រទេសហុងគ្រី កាលពីថ្ងៃអង្គារ ដើមសប្ដាហ៍នេះ។ នៅក្នុងរូបភាពដែលថតជាប់ ដោយអ្នកសារព័ត៌មានផ្សេងទៀត បានបង្ហាញឲ្យឃើញថា អ្នកស្រីបានយកជើង ទាក់ឲ្យបុរសម្នាក់ អាយុប្រមាណជា៣០ឆ្នាំ ដែលមានពរកុមារម្នាក់ផង ឲ្យដួលទៅលើដី។ បន្ទាប់ពីនោះមក ក្នុងរូបភាពដដែល គេឃើញអ្នកស្រី [...]