Posts in ‘សម្រាំងជាខេមរភាសា’ Category

«មិនមែនត្រឹមតែរកប្រាក់ ឬចង់បាននៅព័ត៌មាន ដែលជាទីចាប់អារម្មណ៍ ហើយក៏សរសេរបំផ្លើស ដោយមិន​បានសំភាសន៍ខ្ញុំ ហើយក៏ចេះតែសរសេរអត្ថបទពាសវាលពាសកាល បំផ្លាញកិត្តិយសខ្ញុំ» នេះជាប្រតិកម្ម​របស់ពីធីការិនីដ៏មានប្រជាប្រិយភាព អ្នកនាង សុខ សោម៉ាវត្តី នៅលើទំព័រហ្វេសប៊ុករបស់នាង ដើម្បីវាយ​បកទៅនឹងការផ្សាយទាំងឡាយ របស់សារព័ត៌មានក្នុងស្រុក ដែលបានធ្វើសេចក្ដីរាយការណ៍ ពីគ្រោះថ្នាក់​ចរាចរណ៍ កាលពីវេលាម៉ោង ១០និង៥០នាទីយប់ ថ្ងៃទី១៧ កញ្ញា ឆ្នាំ២០១៤។

ហេតុការណ៍គ្រោះថ្នាក់ចរាចរណ៍នោះ បានកើតឡើង លើកំណាត់ ផ្លូវជាតិលេខ៤ មុខវត្តជម្ពូរវន្ត ភូមិជម្ពូរវន្ត សង្កាត់ចោមចៅ ខណ្ឌពោធិ៍សែនជ័យ ដោយរថយន្តមួយគ្រឿង ម៉ាកអេស្កាឡែត ពណ៌ស ពាក់ស្លាក លេខ ភ្នំពេញ 2AB-2112 ដែលបើកបរដោយ អ្នកនាង សុខ សោម៉ាវត្តី ខ្លួនឯង បានប៉ះគ្នាជាមួយម៉ូតូ ស្មាសវី​ពណ៌​ខ្មៅ ពាក់ស្លាកលេខ ភ្នំពេញ 1BL-6785 ជិះគ្នា២នាក់ មានសណ្តោង រ៉ឺម៉កពីក្រោយ។

ថ្មីៗនេះ នៅលើបណ្តាញសង្គមហ្វេសប៊ុក មានព័ត៌មានព្រោងព្រាត បានរិះគន់ទៅអាជ្ញាធរអប្សរា ដែល​មិន​យក​ចិត្តទុកដាក់ចំពោះភ្ញៀវបរទេស ដែលបានឆ្លាក់អក្សរ ជប៉ុន ថៃ ចិន និងវៀតណាមជាដើម នៅលើផ្ទាំង​ចំលាក់​នៃជញ្ជាំងប្រាសាទអង្គរវត្ត។ ក្រុមអ្នករិះគន់ ដែលថតទាំងរូបភាព បង្ហោះនៅបណ្តាញ​ហ្វេសប៊ុក​ផង​នោះ បាន​លើកឡើងថា ភាសារបរទេសដែលសរសេរ និងចារនៅលើប្រសាទអង្គរវត្ត បានធ្វើឱ្យខូច​សោភ័ណភាព ជាពិសេសរូបចំលាក់ដែលនៅជញ្ជាំងប្រសាទមួយនេះ។

ឆ្លើយនឹងការរិះគន់នេះ អាជ្ញាធរអប្សរា បានចេញលិខិតបំភ្លឺមួយនៅថ្ងៃទី១៧ ខែកញ្ញា ដោយបកស្រាយថា អក្សរបរទេស ដែលមានចារនៅលើជញ្ជាំង នៃប្រាសាទអង្គវត្តនោះ ត្រូវបានក្រុមអ្នកសិក្សាស្រាវជ្រាវ នៃ​អាជ្ញាធរអប្សរាបានចុះបញ្ជី និងសិក្សាតាំងពីឆ្នាំ២០០២មកម្លេះ ហើយអក្សរប្រភេទនេះ ត្រូវបានអ្នក​ស្រាវជ្រាវ​ចាត់ទុកថា Graffiti តាមនិយាមអន្តរជាតិ ដែលមិនមែនជាប្រភេទសិលាចរិក គំនូរឬចម្លាក់​នោះទេ។

លោក យ៉ែម បុញ្ញាឬទ្ធិ ប្រធានគណៈកម្មការទី៧នៃរដ្ឋសភា នាល្ងាចថ្ងៃទី១៧ ខែកញ្ញា ម្សិលម៉ិញនេះ បាន​ថ្លែងប្រាប់អ្នកសារព័ត៌មាន ក្រោយបញ្ចប់កិច្ចសួរដេញដោលជាមួយ លោក ហង់ ជួនណារ៉ុន រដ្ឋមន្ត្រីក្រសួង​អបរំ នៅវិមានរដ្ឋសភា ថា លោកគាំទ្រនូវកំណែទម្រង់របស់រាជរដ្ឋាភិបាល ដែលកំពុងតែអនុវត្តនេះ។ តែ​ទោះយ៉ាងណាក៏ដោយ លោកក៏ស្នើសុំឲ្យមានការបញ្ចូល នូវកំណែទម្រង់លើ «គុណភាព» ប្រាំយ៉ាង ដែល​រួម​មាន គុណភាពសិស្ស, គុណភាពគ្រូបង្រៀន, គុណភាពមធ្យោបាយ, គុណភាពកម្មវិធីសិក្សា និង​គុណភាព​សង្គម។

លក្ខខណ្ឌមួយចំនួន ដែលលោកត្រូវស្នើ ក្នុងគោលបំណងឲ្យមានការពង្រឹងការសិក្សារបស់សិស្ស ពង្រឹង​សមត្ថភាពរបស់គ្រូ ពិសេសជាងនេះនោះគឺការគិតតម្លើងប្រាក់បៀរវត្សគ្រូ។ លោកបានបញ្ជាក់ដូច្នេះថា៖ «យើងត្រូវលម្អិតបន្ថែម។ អ្វីដែលខ្ញុំបានស្នើឲ្យ លោករដ្ឋមន្ត្រីជួយផ្តល់ថវិកា ពិសេសប្រាក់ខែលោកគ្រូ អ្នកគ្រូ ដើម្បីឲ្យពួកគាត់មានការរស់នៅសមរម្យ និងជួយពង្រឹង [...]