តើផលិតកម្មចម្រៀង ឲ្យហាងខារាអូខេបង់លុយ ត្រឹមត្រូវឬទេ?
រស់នៅក្នុងនិតិរដ្ឋដ៏ថ្លៃថ្នូរ ចាំបាច់ត្រូវដើរ ក្នុងគន្លងច្បាប់ ទោះអ្នកនោះ ជាអ្វីក៏ដោយ។ ដូច្នេះបើសិនជាផលិតកម្ម សាន់ដេ ដែលជំនាញ ខាងការផលិតចម្រៀង ឬការកំសាន្ដផ្សេងៗ ដ៏ល្បីឈ្មោះនៅកម្ពុជា បានស្នើសុំឲ្យមេធាវីរបស់ខ្លួន ធ្វើចំណាត់ការ ទៅលើម្ចាស់ហាងខារ៉ាអូខេ ជាច្រើន ដែលបានយកចម្រៀងរបស់ខ្លួន មកធ្វើអាជីវកម្មបន្ត ដោយមិនបានសុំសិទ្ធិជាមុននោះ មិនមែនជាការធ្វើឡើង ដោយគ្មានអំណះអំណាង ត្រឹមត្រូវនោះឡើយ។
ចំពោះករណីនេះ ទស្សនាវដ្ដីមនោរម្យ.អាំងហ្វូ តាមរយៈអ្នកស្រាវជ្រាវ ខាងច្បាប់របស់ខ្លួន សូមបំភ្លឺជូនប្រិយមិត្តអ្នកអាន នៅក្នុងអត្ថបទនេះ ជាសំនួរនិងចម្លើយ នូវករណីមួយចំនួន ដែលនៅជាប់ជាមន្ទិលនៅឡើយ។
១) ខ្ញុំរកសុី បើកហាងខារាអូខេ មកជាងម្ភៃឆ្នាំមកហើយ ខ្ញុំមិនបានដឹងសោះថា ខ្លួនរកសុីខុសច្បាប់ (ករណីយកចម្រៀង មកធ្វើអាជីវកម្ម គ្មានការអនុញ្ញាត)?
[...]