Posts in ‘ពីនេះពីនោះ’ Category

ដើម្បីជាកិច្ចចាប់ផ្ដើម យុវជន ជេមី រ៉ាវេន បានបើកកម្មវិធីរបស់ខ្លួន ជាមួយនឹងការបំប្លែងក្រដាសប្រាក់ ២០ផោន ឲ្យក្លាយ​ទៅ​ជា ក្រដាសប្រាក់ ៥០ផោន នៅនឹងមុខចៅក្រមទាំងបួន។ ការបំប្លែងនេះ មិនមែនជារឿងថ្មីទេ តែវានៅជាជំនក់ចិត្ត សម្រាប់​ទស្សនិកជនដូច្នេះដដែល។ ប៉ុន្តែយុវជនអ្នកឆ្ពិនភ្នែក បានទុករឿង ដែលពិសេស នៅក្នុងរគ្គបន្ទាប់មក (សូមទស្សនាវីដេអូ)។

យុវជន រ៉ាវេន បានធ្វើឲ្យចៅក្រមទីបួន លោក ស៊ីមុន ខូវែល (Simon Cowell) ភ្ញាក់ផ្អើលមិនតិចទេ។ លោក ខូវែល បាន​លាន់​មាត់ថា៖ «មានមនុស្សច្រើនណាស់ ដែលសម្ដែងរឿងប្លែកៗ នៅលើឆាក ប៉ុន្តែមិនមានមនុស្សច្រើនទេ ដែលអាចធ្វើ​នូវ​ការ​ឆ្ពិន​ភ្នែក ដ៏ពិតៗដូច្នេះ។ ខ្ញុំគិតថា នេះជាអ្វីដែលយើងទើបនឹបានឃើញ។»

ដោយសារតែទេពកោសល្យ ដ៏ពិសេសបែបនេះហើយ ទើបយុវជនអាយុ៣១ឆ្នាំ  ត្រូវបានជាប់ ហើយឡើងទៅដល់ វគ្គពាក់​កណ្ដាល​ផ្ដាច់ព្រ័ត្រ នៃកម្មវិធី៕

នៅវេលាម៉ោង ១០ព្រឹក ថ្ងៃចន្ទកន្លងមកនេះ អ្នកជ្រមុជទឹកម្នាក់ បានទាក់ទង មកស្នងការនគរបាលតំបន់ ដើម្បី​រាយការណ៍​ថា ខ្លួនបានរកឃើញ សាកសពដែលនៅសល់តែជាឆ្អឹងខ្មោច នៅបាតស្ទឹង។ ក្រុមអាជ្ញាធរ បានបញ្ជូនកាណូតមួយ ទៅ​កាន់​ទីនោះ ដែលត្រូវបានគេស្គាល់ថា ស្ថិតក្នុងតំបន់ «Cienega Springs»។ សមាជិកអ្នកជួយសង្គ្រោះម្នាក់ ដែល​មាន​ជំនាញ​ខាង​ជ្រមុជទឹក បានចុះទៅកាន់ទីកន្លែង ដែលមានគ្រោងឆ្អឹងនោះ និងបានថតជាវីដេអូ មកបង្ហាញផង។

ប៉ុន្តែនៅទីបំផុត ការិយាល័យនគរបាលតំបន់ បានសរសេរអះអាង នៅតាមបណ្ដាញសង្គមថា៖ «អ្នកជួយសង្គ្រោះ បានចុះ​ទៅ​ដល់ កន្លែងដែលមានគ្រោងឆ្អឹងនោះ ស្ថិតនៅ។ ប៉ុន្តែតាមពិត វាគ្រាន់តែជាគ្រោងឆ្អឹង សិប្បនិមិត្តចំនួនពីរ ដែលត្រូវ​បាន​ដាក់​ឲ្យ​អង្គុយ នៅលើកៅអីសម្រាកកាយប៉ុណ្ណោះ។»

គ្រោងឆ្អឹងមួយ មានពាក់វែនតាខ្មៅ រីឯគ្រោងឆ្អឺងមួយទៀត មានកាន់ផ្លាកមួយ ដែលសរសេរអក្សរ នូវឃ្លានេះ៖ «ប៊ែរនី សុបិន្ត​បានរស់នៅ ក្នុងស្ទឹង [...]