ទៀង សោភា៖ កូនអ្នកស្រែដែលបានសម្រេចសុបិន្ដខ្លួន
ជីវិត - កញ្ញា ទៀង សោភា បានឆ្លៀតឱកាសដើម្បីចែករំលែកពីបទពិសោធន៏ នៃភាពជោគជ័យរបស់កញ្ញាថា ភាពជោគជ័យនេះអាស្រ័យលើកត្តាពីរយ៉ាង គឺខ្លួនកញ្ញាផ្ទាល់ និងគ្រួសាររបស់កញ្ញា។
កត្តាខ្លួនឯងនោះ គឺកញ្ញាបានខិតខំរៀនសូត្រ និងជាមនុស្សចូលចិត្តឆ្លៀងឱកាស ស្វែងរកអ្វីៗថ្មីៗដាក់ក្នុងខ្លួន។ទោះបីជាកញ្ញាជាកូន«អ្នកស្រែ»មកពីស្រុកបាភ្នំ ខេត្តព្រៃវែងក៏ដោយ ក៏ពាក្យ«អ្នកស្រែ»នេះ មិនបានធ្វើឲ្យកញ្ញាអស់សង្ឃឹមឡើយ។ ក្រៅពីរៀននៅសាកលវិទ្យាល័យ កញ្ញាឆ្លៀតពេលសិក្សាភាសាអង់គ្លេស បន្ថែមនៅមជ្ឃមណ្ឌលជីវិតថ្មី (សិក្សាឥតគិតថ្លៃ) បន្ថែម។ ពេលទំនេរកញ្ញា ព្យាយាមអានសៀវភៅច្រើន និងរៀនគ្រប់ពេលវេលា មិនថានៅមុខការផ្សាយ របស់ទូរទស្សន៏ក្តី។
ការជួយដល់ការងារសង្គម ក៏បានក្លាយជាប្រយោជន៏មួយ ជួយដល់កញ្ញាទាំងជីវភាព និងអ្នកដទៃទៀត។ កញ្ញាបានរៀបរាប់ថា កញ្ញាធ្លាប់ធ្វើការនៅអង្គការសម្ព័ន្ធសត្វព្រៃ ប្រចាំខេត្តកោះកុង រយៈពេលបួនឆ្នាំ [...]
