Posts by "ក. សោភណ្ឌ"

ប្រភពពីកន្លែងកើតហេតុ បានឲ្យដឹងថា រថយន្តដែលបត់អត់ប្រើភ្លើងស៊ីញ៉ូ ធុន ហ្វត ពណ៍ខ្មៅ ស្លាកលេខ ភ្នំពេញ ២L-៧២៥៨ បើកបរដោយ​បុរសជនរបទេសម្នាក់ មិនស្គាល់អត្តសញ្ញាណ។ គ្រោះថ្នាក់នេះ បានកិន​ម៉ូតូ​ហុងដា​មួយគ្រឿង ដែលកំពុងបើកក្នុងទិសដៅស្របគ្នា ពីក្រោយ ស្លាកលេខភ្នំពេញ១BN-៦៤០២ ឲ្យនៅពី​ក្រោមឡានតែម្តង។

តាមសម្តីម្ចាស់ម៉ូតូឌ្រីម ឲ្យដឹងថា ករណីនេះ បានកើតឡើងនៅវេលាម៉ោង១០ និង៣០នាទីព្រឹកថ្ងៃទី៣០ ខែ​កញ្ញា ឆ្នាំ២០១៥ នៅតាមបណ្តោយផ្លូវព្រះស៊ីហនុ ទល់មុខ បណ្ណាគារ អន្តរជាតិ ខាងកើតស្តុបត្រសក់ផ្អែម ស្ថិត​ក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។ លោក ឈិន សុជាតិ វ័យ២៥ឆ្នាំ ជាម្ចាស់ម៉ូតូ​រង​គ្រោះ បាន​រៀបរាប់ឲ្យដឹងថា ឡានបង្កបើកបរ ដោយជនជាតិបរទេសនោះ បើកនៅពីមុខម៉ូតូលោក ក្នុង​ទិសដៅ​ស្រប​គ្នា។

លុះមកដល់ចំណុចកើតហេតុ ឡានខាងលើ មិនបានប្រើភ្លើងស៊ីញ៉ូអ្វីទាំងអស់ ភ្លាមៗនោះក៏បានបត់ទៅស្តាំ ទាំង​កម្រោល [...]

ការជួសជុលពង្រីកផ្លូវនានា នៅក្នុងរាជធានី ឬការសាងសង់ស្ពានអាកាសជាដើម នៅតែមិនអាចទប់ទល់ នឹង​ការកកស្ទះចរាចរណ៍បាន ហើយវាបានក្លាយជាបញ្ហាចោទ សឹងតែជានិច្ចជាកាលហើយ សម្រាប់ប្រជា​ពលរដ្ឋ អ្នករស់នៅក្នុងរាជធានី។ បញ្ហាកកស្ទះ ដែលធ្វើឲ្យពលរដ្ឋទ្រាំមិនបាន ហើយបានផ្ទុះការត្អូញត្អែរឡើង។

ប្រជាពលរដ្ឋដែលធ្វើដំណើរ តាមបណ្តោយផ្លូវម៉ៃដា ឬផ្លូវ ២០០៤ ដែលមានទីតាំង នៅសង្កាត់ទឹកថ្លា ខណ្ឌ​សែនសុខ រាជធានីភ្នំពេញនោះ បានត្អួញត្អែរថា មានការកកស្ទះខ្លាំងខុសធម្មតា ក្នុងមួយរយៈកាល​ចុង​ក្រោយ​នេះ។ អ្នកទាំងនោះ ប្រាប់ឲ្យដឹងថា មូលហេតុមួយ នៅក្នុងមូលហេតុច្រើនផ្សេងទៀត ដែលនាំអោយ​ផ្លូវ​ស្ទះ គឺ​មក​ពីគ្មានការសហការគ្នា រវាងអ្នកបច្ចេកទេសធ្វើផ្លូវ និងអ្នកបច្ចេកទេសធ្វើលូ។

ពលរដ្ឋទាំងនោះ បានបន្ថែមទៀតថា នៅពេលគម្រោងជួសជុលផ្លូវ គឺធ្វើតែផ្លូវ ហើយបានបង្កការកកស្ទះ មួយ​សារទៅ។ ដល់ពេលបច្ចុប្បន្ន ដែលធ្វើផ្លូវ ជិតរួចរាល់ជាស្ថារពរ [...]

អគ្គីភ័យនេះបានឆេះឡើង កាលពីវេលាម៉ោង៤ ទៀបភ្លឺថ្ងៃទី២៨ ខែកញ្ញា ឆ្នាំ២០១៥ ក្នុងផ្ទះលេខ៧E0 ផ្លូវ​២១៥ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ។ តាមសម្តីបុគ្គលិកម្នាក់ ដែលធ្វើការ នៅក្រុមហ៊ុន​ខាង​លើ បានប្រាប់ទស្សនាវដ្តីមនោរម្យ.អាំងហ្វូឲ្យដឹងថា អគ្គីភ័យនេះ ឆេះដោយសារភ្លើងធូបទាន ដែលអ្នក​នៅ​ជាន់​ផ្ទាល់​ដីដុត នៅថ្ងៃសែនព្រះខែ។

បុគ្គលិខាងលើ បានរៀបរាប់ពីហេតុការណ៍មុនដំបូងថា នៅមុនពេលកើតហេតុ ឃើញមានផ្សែងហុយ ចេញពី​ជាន់ផ្ទាល់ដី ដែលជាកន្លែងសែន។ មួយសន្ទុះក្រោយមក ស្រាប់តែមានអណ្តាតភ្លើង បានឆាបឆេះចេញ ពី​ក្រុមហ៊ុន​ទាំងមូលតែម្តង។ សាក្សីរូបនេះបន្តទៀតថា មានរបស់របរជាច្រើន រងការខូចខាច ប៉ុន្តែអ្នកធ្វើការ នៅ​ក្នុង​ក្រុមហ៊ុនទាំងអស់ មិនមានគ្រោះនោះទេ។

ដោយឡែក ក្រោយពីការពន្លត់រួចរាល់ ដោយប្រើឡានទឹកអស់០៧គ្រឿង ទើបអាចគ្រប់គ្រងស្ថានការណ៍​បាន​នោះ អ្នកគ្រប់គ្រងផ្នែកពន្លត់អគ្គីភ័យ [...]

ក្នុងវ័យ១១ឆ្នាំ ការច្រៀងចម្រៀងគោក (អត់ភ្លេង) មួយបទ របស់កុមារី អ៊ុក សុវណ្ណារី ដែលមានចំណងជើងថា «ជំនោរ​ប៉ៃលិន» និងដែលជាសំនៀងដើម របស់អ្នកស្រី រស់ សិរីសុទ្ធា បានធ្វើឲ្យអ្នកទស្សនាជាច្រើន ទ្រាំ​សរសើរ​មិនបាន។ អ្នកបានស្តាប់សម្លេងមួយចំនួន ដែលមិនបានឃើញមុខ អ្នកច្រៀងតូចខាងលើ គិតថាជា​សម្លេង របស់ម្ចាស់ដើម ឬអាចជាមនុស្សតែមួយ។

កុមារីខាងលើ ធ្លាប់ត្រូវបាន​គ្រូចម្រៀងជើងចាស់ម្នាក់ គឺលោក នូ ស៊ឹប ដាក់រហ័ស្សនាមឲ្យនាងតូចថា ជា​អ្នកស្រី រស់ សិរីសុទ្ធា ទីពីរ។ កាលណោះ អ្នកឯកទេសខាងចាប់ថ្នាក់ ដាក់ពិន្ទុម្នាក់នេះ បានសរសើរ ចំពោះ​សម្លេង​កុមារីនេះថា ច្រៀងទៅមានទឹកដមល្អ មិនមានឃ្លាណាមួយ នៃបទអ្នកស្រី រស់ សិរីសុទ្ធា ដែល​កុមារី អ៊ុក សុវណ្ណារី ធ្វើមិនបាននោះទេ។ លោកគ្រូបានឲ្យយោបល់នេះ ស្របទៅនឹងអ្វី ដែលអ្នកទស្សនា លើក​ឡើង​នៅ​ពេល​បច្ចុប្បន្នថា កុមារីច្រៀងដូច ម្ចាស់សំនៀងដើមណាស់។

បច្ចុប្បន្ននេះ កុមារី អ៊ុក សុវណ្ណារី [...]

សាកសពបុរសអណ្ដែតទឹកនេះ ត្រូវបានពលរដ្ឋរកឃើញ ស្ថិតនៅក្នុងភូមិព្រែកជ្រៃ សង្កាត់ព្រែកថ្ម ខណ្ឌដង្កោ រាជធានីភ្នំពេញ។ ពលរដ្ឋអ្នកឃើញសាកសព បានប្រាប់ឲ្យដឹងថា គ្មានអ្នកណាម្នាក់ ស្គាល់អត្តសញ្ញាណ បុរស​ខាងលើទេ។ សភាពសាកសពអណ្តែតទឹក មានលក្ខណៈហើមស្អុយ ដែលទំនងជានៅក្នុងទឹក ប្រមាណពីរ​-បី​យប់ទៅហើយ។ អ្នកភូមិបានឲ្យដឹងថា បុរសខាងលើ មានអាយុប្រមាណជា១៩ ឆ្នាំ ស្លាប់ក្នុងកសណ្ឋាន ស្លៀក​ខោខៅប៊យជើងវែង ពណ៍ទឹកប៊ិច ពាក់អាវពណ៍ឈាមជ្រូក ក្រឡាការ៉ូ គ្មានស្បែកជើងទេ។

នៅម៉ោងប្រមាណ១១ថ្ងៃត្រង់ ថ្ងៃទី២២ ខែកញ្ញាដដែលនោះ ប្រជាពលរដ្ឋបានផ្តល់ដំណឹងនេះ ទៅក្រុមសមត្ថកិច្ច ដើម្បីចុះធ្វើអន្តរាគមន៍ នៅកន្លែងរកឃើញសាកសព។ បន្ទាប់ធ្វើកោសល្យវិច័យរួច មន្រ្តីសមត្ថកិច្ច បានសន្និដ្ឋាន​ជាបឋមថា សាកសពបុរសខាងលើ អាចជាករណីស្លាប់ ដោយសារលង់ទឹកម្នាក់ឯង។ រហូតមកដល់ពេលនេះ មន្រ្តីមូលដ្ឋាន មិនទាន់ទទួលបាន អត្តសញ្ញាណ នៃសាកសពខាងលើនៅឡើយ។ [...]