Posts by "ក. សោភណ្ឌ"

ជនរងគ្រោះខាងលើ ត្រូវបានប្រភពនៅនឹងកន្លែងឲ្យដឹងថា ជាជនជាតិអាមេរិកម្នាក់ ឈ្មោះ «Harris Charles Frederick» អាយុ៦៦ឆ្នាំ បានចូលស្នាក់នៅសណ្ឋាគារខាងលើ កាលពីថ្ងៃទី ០៣ ខែតុលាឆ្នាំ ២០១៥ ក្នុង​បន្ទប់លេខ ៧២៨ ជាន់ទី២០។ ប្រភពពីកន្លែងកើតហេតុ បានបញ្ជាក់ថា ហេតុការណ៍​ភ្ញាក់ផ្អើល ដល់​អ្នក​ជិត​ខាងនេះ បានកើតឡើង កាលពីវេលាម៉ោង១០ ព្រឹក ថ្ងៃទី០៥ ខែតុលាឆ្នាំ២០១៥នេះ។

ក្រោយពីភ្ញៀវជនជាតិរបទេសខាងលើ បានធ្លាក់ពីលើសណ្ឋាគារស្លាប់ អ្នកគ្រប់គ្រងផ្នែកសន្តិសុខ នៅ​សណ្ឋាគារ​ខាងលើបាន បញ្ជាឲ្យបិតផ្លូវភ្លាមៗ រារាំងមិនឲ្យអ្នកសារព័ត៌មាន ប្រមាណ១០ស្ថាប័ន ចូល​ទៅ​កន្លែង​កើតហេតុនោះទេ។ បើតាមសម្តីប្រជាពលរដ្ឋ នៅជិតទីតាំងកើតហេតុ ក្នុងក្រុមទី៣ សង្កាត់​ជ្រោយ​ចង្វារ ខណ្ឌជ្រោយចង្វារ រាជធានីភ្នំពេញ តាមបណ្តោយផ្លូវទន្លេបានសាក់ ប្រាប់ទស្សនាវដ្តី​មនោរម្យ.អាំងហ្វូ​ឲ្យ​ដឹង​ថា សណ្ឋាគារខាងលើ ធ្លាប់មានមនុស្ស្សស្លាប់០៤នាក់ [...]

គ្រួសារមួយ ដែលកំពុងរស់នៅ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ បានថ្លែងត្អូញត្អែរ នៅ​ថ្ងៃ​ទី០៥ ខែតុលា ឆ្នាំ២០១៥ នៅមុខស្ថានទូតរុស្ស៊ី​ក្នុងទិវាសិទ្ធិលំនៅដ្ឋានពិភពលោក លើកទី៣០ថា សព្វថ្ងៃ​គ្រួសារលោក កំពុងរស់យ៉ាងវេទនា រកព្រឹកខ្វះល្ងាច រកល្ងាចខ្វះព្រឹក គ្មានអ្នកទីពឹងទេ។ មូលហេតុ នៃការ​វេទនា​របស់គ្រួសារលោក គឺដោយសារការអភិវឌ្ឍន៍ តំបន់បឹងកក់ ដែលបណ្តាលឲ្យគ្រួសារមួយ ដែលមាន​ជីវភាពល្មមសមរម្យ ក្លាយទៅជាគ្រួសារ ដែលគ្មានអ្វីៗទាំងអស់។

លោក ឃិន ចន្ថា មេគ្រួសារខាងលើ ដែលកំពុងរស់នៅផ្ទះតូច ក្បែរពំនួកខ្សាច់ជាច្រើន ក្នុងទឹកដីបឹងកក់ ដែល​គ្មានទឹកអ្វី មួយដំណក់នោះ បានថ្លែងទាំងទឹកមុខស្រពោនថា សព្វថ្ងៃលោក និងគ្រួសារគ្មានទឹកប្រើប្រាស់ទេ រស់ទាំងវេទនា។ លោកបន្តថាតាំងពី សាលារាជធានីភ្នំពេញ អនុញ្ញាតឲ្យខ្មែរឥស្លាម សង់ព្រះវិហារថ្មីមក លោក​នឹងគ្រួសារ ត្រូវបានគេផ្តាច់ទឹក លែងឲ្យប្រើប្រាស់ក្នុងនោះទៀត។

ក្នុងកម្មវិធី ទិវាសិទ្ធិលំនៅដ្ឋានអន្តរជាតិ នៅអតីតដីក្រហម ជិតស្ថានទូតរុស្ស៊ីនេះ មានការចូលរួម ពីប្រជា​ពលរដ្ឋ​ប្រមាណ ជាង១០០០នាក់ ដែលអញ្ជើញ មកពីសហគមន៍ និងអង្គការសង្គមស៊ីវិល ទាំង១១៥​ទូទាំង​ប្រទេស​កម្ពុជា ដែលធ្លាប់រងគ្រោះពីការអភិវឌ្ឍន៍ និងរងការបណ្តេញចេញ ដោយគ្មានសំណងត្រឹមត្រូវ ដូច​ជា​សហគមន៍​បឹងកក់, សហគមន៍បូរីកីឡា, សហគមន៍ខ្វា ជាដើម។ ក្រៅពីក្រុមប្រជាពលរដ្ឋទាំងនេះ ក៏​មាន​អង្គការ​សង្គម​ស៊ីវិល មួយចំនួនដូចជា អង្គការលីកាដូ, ក្រុមភ្នាក់ងារពិសេស សិទ្ធិលំនៅដ្ឋាន ព្រមទាំង​មជ្ឈ​មណ្ឌល​សិទ្ធិ​មនុស្សកម្ពុជា ផងដែរ។

ក្នុងឱកាសទិវាលំនៅដ្ឋានអន្តរជាតិ លើកទី៣០នេះ ក្រុមប្រជាពលរដ្ឋទាំងអស់ បាននាំគ្នា ដង្ហែរផ្ទះ តំណាង​ផ្សេងៗពីសហគមន៍របស់ខ្លូន មានទាំងតូចទាំងធំ ធ្វើដំណើរទៅកាន់រដ្ឋសភាជាតិ និងស្ថាប័នពាក់ព័ន្ធ នៃ​រដ្ឋាភិបាល​កម្ពុជា សុំឲ្យទទួលស្គាល់ និងអនុវត្តន៍ឲ្យបាន នូវសិទ្ធិទទួលបានលំនៅដ្ឋា ទាំងនៅជនបទ [...]

នៅរដូវកាលភ្ជុំបិណ្ឌឆ្នាំនេះ ចាប់ពីថ្ងៃបិណ្ឌទីមួយ ត្រូវថ្ងៃទី២៨ ខែកញ្ញា ឆ្នាំ២០២៥ រហូតមកដល់ថ្ងៃ ទី០៣ ខែ​តុលានេះ ត្រូវនឹងបិណ្ឌ០៧ នៃពិធីបុណ្យភ្ជុំបិណ្ឌ ទាំង១៥វេន។ តែនៅព្រឹកថ្ងៃបិណ្ឌ០៦ ត្រូវនឹថ្ងៃទី០២ ខែ​តុលា​នេះ ស្រាប់មានហេតុការណ៍ ដ៏ភ្ញាក់ផ្អើលមួយ នៅក្នុងវត្ត«នន្ទមុនី» ខណ្ឌមានជ័យ ដោយបុរសម្នាក់ ចូល​ក្នុង​វត្តមិនធ្វើបុណ្យ បែរជាចូលទៅខ្ចីកាំបិត ពីយាយជី ដើម្បីយកមកអាក សម្លាប់ខ្លូនទៅវិញ។

អ្នកនៅក្នុងហេតុការណ៍ បានឲ្យដឹងថា បុរសម្នាក់ វ័យប្រមាណជា៤០ឆ្នាំ មិនស្គាល់អត្តសញ្ញាណ មិនដឹង​ជាមានបញ្ហាអ្វី បានដើរចូលក្នុងវត្ត​«នន្ទមុនី» នៅភូមិដំណាក់ធំទីមួយ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ រួចចូលទៅថ្វាយបង្គុំ គ្រូចៅអធិការវត្ត។ បន្ទាប់មក បានចុះទៅខ្ចីកាំបិតប៉័ងតោមួយ ពី​យាយ​ជី ដោយនិយាយថា យកទៅចិតផ្លៃឈើ... តែដឹងអី ស្រាប់តែបុរសរូបនេះ បានយកកាំបិតប៉័ងតោនេះ ទៅអាក​ខ្លូនឯង [...]

រថយន្តដែលបើកបរ ដោយស្ត្រីស្រវឹងម្នាក់នេះ មានពណ៍ស មិនស្គាល់ម៉ាក ស្លាកលេខ ភ្នំពេញ ២AF-០៨៣០ និងបានបើកបរក្នុងល្បឿនលឿន ទិសដៅពីត្បូងទៅជើង តាមបណ្តោយផ្លូវព្រះមុន្នីវង្ស។ លុះដល់ម្តុំ​ស្តុប​មេ​ភ្លើង បានជ្រុលចង្កូត ទៅបុកម៉ូតូមួយគ្រឿង ធន់MSX ស្លាកលេខ ភ្នំពេញ ១BT-៧៧៣៩ ខណៈម៉ូតូនេះ ធ្វើ​ដំណើរ​គ្នាពីរនាក់ ស្របនឹងផ្លូវខាងលើ។ នេះបើតាមការអះអាង របស់ប្រភពពីកន្លែងកើតហេតុ។

អ្នកឃើញហេតុការណ៍ បានបន្តថា ឡានបង្កបុកអូសម៉ូតូរងគ្រោះ ប្រមាណជា២ម៉ែត្រ បណ្តាលឲ្យបុរស​ម្នាក់ ក្នុងចំណោមគ្នាពីរនាក់ សន្លប់ស្តូកស្តឹងនៅលើផ្លូវ។ ក្រោយពីគ្រោះថ្នាក់ភ្លាមៗ ស្រ្តីម្ចាស់ឡានបង្ក បាន​ព្យាយាម​បើកឡានគេច មិនទទួលខុសត្រូវ។

រហូតមកដល់ម៉ោងប្រមាណ២១ និង៤០នាទីយប់ ថ្ងៃទី០១ ខែតុលា មន្ត្រីសមត្ថកិច្ចមួយក្រុម បានមកដល់​កន្លែងកើតហេតុ និងបានពង្រាយគ្នា តាមឃាត់ខ្លូនស្រ្តីម្ចាស់ឡាន ដែលបើកបរទាំងស្រវឹងបង្កគ្រោះថ្នាក់ ដើម្បីឲ្យមកទទួលខុសត្រូវ [...]