Posts by "ប្រាថ្នា"

ម្ចាស់បទ «BaBy របស់បង ជាសង្សារចាស់របស់អូន» កញ្ញា ឃិត សុម៉ាលីស កំពុងរងនូវព្រនង់ នៃការរិះគន់យ៉ាង​ចាស់​ដៃ ពីសំណាក់មហាជនទាំងក្នុង និងក្រៅបណ្តាញសង្គម។ ការរិះគន់នេះ បន្ទាប់ពីកញ្ញា បានឡើងបកស្រាយ ចម្រៀង​មួយ​បទ ដែលមានចំណងថា «ផឹកកាហ្វេ» នៅលើស្ថានីយ៍ទូរទស្សន៍ អាស៊ីអាគ្នេយ៍ ក្នុងកម្មវិធី «Fun zone» ។

កញ្ញា ឃិត សំម៉ាលីស តារាចម្រៀងស្រីល្បី ខាងបញ្ចេញដើមទ្រូងដ៏ទ្រលុកទ្រលន់ ត្រូវបានទស្សនិករិះគន់ថា ច្រៀង​មិន​ពិរោះ ច្រៀងដូចអាន លឺសូវ៉ល់ៗ ស្តាប់មិនបាន ច្រៀងទៅ គ្មានក្បាលគ្មានកន្ទុយ មិនដឹងនិយាយពីអ្វី។ ចំណែក​ឯ​ក្បាច់​រាំវិញ ក៏មិនសូវស៊ីជាមួយសាច់ភ្លេង កញ្ញាល្បីឈ្មោះបានតែមួយគត់គឺ ខាងស៊ិចស៊ី លេចលើ បញ្ចេញក្រោម។

ការរិះគន់ពីមហាជន មិនត្រឹមតែបាញ់ឆ្ពោះ ទៅរកតារាចម្រៀងស្រីរូបនេះទេ តែសូម្បីតែអ្នកនិពន្ធបទចម្រៀង មួយ​បទ​នេះ ក៏នូវការរិះគន់ មិនតិចដែរ។ ក្រុមអ្នករិះគន់បានលើកឡើងថា បទនេះស្តាប់មិនបាន [...]

នេះជាឆ្នាំលើកទីពីរហើយ ដែលសហភាពសហព័ន្ធយុវជនកម្ពុជា រៀបចំឱ្យមានព្រឹត្តិការណ៍ អង្គរសង្រ្កាន។ ដើម្បី​អបអរ​​ព្រឹត្តិការណ៍ អង្គរសង្រ្កាន្ត ឆ្នាំចុងក្រោយនេះ សហភាពសហព័ន្ធយុវជនកម្ពុជា ដែលដឹកនាំដោយលោក ហ៊ុន ម៉ានី កូន​ប្រុសលោក ហ៊ុន សែន នាយករដ្ឋមន្ត្រីបីសតវត្ស របស់កម្ពុជា បានរៀបចំឱ្យមានកម្មវិធី យ៉ាងពិសេស ជា​ពិសេស​នោះ​គឺការធ្វើវត្ថុ ដែលមានទំហំធំដូច«យក្ស»ជាច្រើន បង្ហាញខ្លួននៅក្នុងកម្មវិធី។

ក្រៅពីនំអន្សមយក្ស ដែលធំជាងគេក្នុងពិភពលោក និងមិនធ្លាប់ពីមុនមក ក៏នៅមានមួកត្នោត អង្រុតយក្ស និងវត្ថុយក្ស​មួយចំនួនទៀត។ ក្នុងព្រឹត្តិការណ៍អង្គរសង្រ្កាន្តឆ្នាំនេះ នំអន្សមយក្ស ត្រូវបានគេធ្វើធំ ជាងឆ្នាំមុនទ្វេដង។ វាមាន​ទម្ងន់​ជាង៣តោន និងមានបណ្តោយរហូត៥ម៉ែត្រ។

សម្រាប់មួកត្នោត ដែលជាអត្តសញ្ញាណមួយ របស់ខ្មែរ ត្រូវបានធ្វើយ៉ាងសម្រិតសម្រាំង ដើម្បីដាក់តាំងបង្ហាញ ជាលើក​ដំបូងដើម្បីសា្វគមន៍ ភ្ញៀវទេសចរជាតិ [...]

អ្នកគ្រូ នាង ផល្លា ជាបេក្ខភាពមួយរូប ក្នុងចំណោម ១០នាក់ចុងក្រោយ សម្រាប់ទទួលពានរង្វាន់ គ្រូឆ្នើមពិភពលោក Global Teacher Prize ដែលមានទឹកប្រាក់ ១ លានដុល្លារសហរដ្ឋអាមេរិក។ លទ្ធផលចុងក្រោយ នៃពានរង្វាន់គ្រូឆ្នើម ពិភពលោក នឹងត្រូវប្រកាសនៅទីក្រុងឌូបៃ នាថ្ងៃទី១៥ ខែមីនា ឆ្នាំ២០១៥ខាងមុខនេះ។

ក្នុងការបោះឆ្នោត តាមរយៈបណ្តាញអ៊ីនធើណេត អ្នកគ្រូបានវ៉ាដាច់បេក្ខជនឆ្នើមដទៃទៀត។ អ្នកគ្រូទទួលបាន​សម្លេង​គាំទ្រ រហូតដល់ជាង៤២ពាន់នាក់ លើបេក្ខជនទាំង៩រូបទៀត ដូចជា លោក Azizullah Royesh មកពីប្រទេស អាហ្វហ្កា​នីស្ថាន លោកស្រី Kiran Bir Sethi មកពីប្រទេស ឥណ្ឌា លោក Guy Etienne មកពីប្រទេស ហៃទី លោកស្រី Jacqueline Jumbe Kahura មកពីប្រទេស កេនយ៉ា លោកស្រី Nancie Atwell មកពីសហរដ្ឋអាមេរិក លោក Richard Spencer មក​ពី​ចក្រភព អង់គ្លេស លោក Stephen Ritz មកពីសហរដ្ឋអាមេរិក លោកស្រី Naomi Volain មកពីសហរដ្ឋ​អាមេរិក និង លោក Madenjit Singh [...]

យោងតាមព្រះរាជក្រឹត្យ លេខនស/រកត/០២១៥/១៣៩ ចុះថ្ងៃទី១៩ ខែកុម្ភៈ ឆ្នាំ២០១៥ លោក កឹម សុខុន ដែលជា​នាយ​នគរបាលជាតិ ជាន់ខ្ពស់ក្រសួងមហាផ្ទៃ អត្តលេខ១២៦៤៧ មានឋានន្តរស័ក្តិ ឧត្តមសេនីយ៍ទោ ផ្កាយ២ ត្រូវបាន​ដំឡើងឋានន្តរស័ក្តិ ថ្នាក់ឧត្តមសេនីយ៍ឯក មានផ្កាយ៣ពាក់លើស្មា។

បន្ទាប់ពីចុះចូល ជាមួយគណបក្សប្រជាជនកម្ពុជា លោក កឹម សុខុន ដែលជំនាញខាងរិះគន់ និងបកអាក្រាតកេរ្តិ៍ របស់​បងប្រុសបង្កើតរបស់ខ្លួន គឺលោក កឹម សុខា នោះ ត្រូវបានរដ្ឋាភិបាលកម្ពុជា តម្លើងតំណែងឱ្យជាលំដាប់។ លោក កឹម សុខុន ធ្លាប់ត្រូវបានតែងតាំង ជាអនុប្រធាន នាយកដ្ឋានកណ្តាលសន្តិសុខ ក្រសួងមហាផ្ទៃ តាមអនុក្រឹត្យរបស់​រដ្ឋាភិបាល ចុះថ្ងៃទី២២ ខែឧសភា ឆ្នាំ២០១៣ និងត្រូវបានតែងតាំង ជាទីប្រឹក្សារាជរដ្ឋាភិបាលនីតិកាល ទី៥នៃរដ្ឋសភា មាន​ឋានៈ​ស្មើរដ្ឋមន្ត្រី បន្ថែមលើមុខងារបច្ចុប្បន្ន ដោយព្រះរាជក្រឹត្យលេខ នស/រកត/១១១៣/១៣០៣ ចុះថ្ងៃទី២៦ ខែ​វិច្ឆិកា ឆ្នាំ២០១៣ ។ ក្រោយមកទៀត [...]

ម្ចាស់មេគោមួយក្បាល ដែលមានឈ្មោះថា រូស្ទីកូ សាណូ (Rustico Sarno) បានចេញមុខអះអាងថា មេគោរបស់​ខ្លួន​បាន​មានផ្ទៃពោះ ក្រោយពីត្រូវបានបុរសម្នាក់ ដែលទំនងជាអ្នកញៀនថ្នាំ ចាប់រំលោភ។ ម្ចាស់គោ បាននិយាយ​អះអាង​ទៀតថា មេគោរបស់លោកមួយនេះ មិនធ្លាប់បានពាក់ព័ន្ធ ជាមួយគោឈ្មោល ដ៏ទៃទៀតឡើយ។

មិនមែនតែគោ ដែលកំពុងមានផ្ទៃពោះ មួយក្បាលនេះទេ ដែលត្រូវបានបុរសវ័យកណ្តាល រូបនោះរំលោភ សូម្បី​តែ​សត្វ​ជាច្រើនទៀត ដូចជា សេះ ក្របីជាដើម ក៏ត្រូវបានបុរសរូបនោះ រំលោភផងដែរ។

ក្រោយ ពីបានធ្វើសកម្មភាពរំលោភ ទៅលើមេគោមួយនោះ រួមជាមួយសត្វជាច្រើនក្បាលទៀត បុរសវ័យ៤៦ឆ្នាំរូបនោះ ត្រូវប៉ូលិសចាប់ខ្លួន។ ជនល្មើស ដែលបានប្រព្រឹត្តិទង្វើ មិនគួរគប្បី ទៅសត្វជាច្រើនក្បាល នៅក្នុងភូមិមួយ នៃប្រទេស​ហ្វីលីពិន ម្នាក់នេះ មានឈ្មោះថា អ៊ែនឌី ឡូយ៉ូឡា (Andy Loyola)។

អ៊ែនឌី ត្រូវបានសង្ស័យថា មូលហេតុដែលនាំឱ្យគេ ប្រព្រឹត្តិទង្វើបែបនេះ [...]