ម្ចាស់បទ «BaBy របស់បង ជាសង្សារចាស់របស់អូន» កញ្ញា ឃិត សុម៉ាលីស កំពុងរងនូវព្រនង់ នៃការរិះគន់យ៉ាង​ចាស់​ដៃ ពីសំណាក់មហាជនទាំងក្នុង និងក្រៅបណ្តាញសង្គម។ ការរិះគន់នេះ បន្ទាប់ពីកញ្ញា បានឡើងបកស្រាយ ចម្រៀង​មួយ​បទ ដែលមានចំណងថា «ផឹកកាហ្វេ» នៅលើស្ថានីយ៍ទូរទស្សន៍ អាស៊ីអាគ្នេយ៍ ក្នុងកម្មវិធី «Fun zone» ។

កញ្ញា ឃិត សំម៉ាលីស តារាចម្រៀងស្រីល្បី ខាងបញ្ចេញដើមទ្រូងដ៏ទ្រលុកទ្រលន់ ត្រូវបានទស្សនិករិះគន់ថា ច្រៀង​មិន​ពិរោះ ច្រៀងដូចអាន លឺសូវ៉ល់ៗ ស្តាប់មិនបាន ច្រៀងទៅ គ្មានក្បាលគ្មានកន្ទុយ មិនដឹងនិយាយពីអ្វី។ ចំណែក​ឯ​ក្បាច់​រាំវិញ ក៏មិនសូវស៊ីជាមួយសាច់ភ្លេង កញ្ញាល្បីឈ្មោះបានតែមួយគត់គឺ ខាងស៊ិចស៊ី លេចលើ បញ្ចេញក្រោម។

ការរិះគន់ពីមហាជន មិនត្រឹមតែបាញ់ឆ្ពោះ ទៅរកតារាចម្រៀងស្រីរូបនេះទេ តែសូម្បីតែអ្នកនិពន្ធបទចម្រៀង មួយ​បទ​នេះ ក៏នូវការរិះគន់ មិនតិចដែរ។ ក្រុមអ្នករិះគន់បានលើកឡើងថា បទនេះស្តាប់មិនបាន គ្មានអត្ថន័យ ឮតែផឹក​កាហ្វេៗ។ បទចម្រៀង«ផឹកកាហ្វេ» គឺជាបទថ្មី របស់ផលិតកម្ម ដាយមិនម្ញូសិក ដែលនិពន្ធដោយ លោក មុំ មុនីរិទ្ធ។

ទស្សនិកជនម្នាក់ បានធ្វើការរិះគន់ថា៖ «ច្រៀងមិនកើតស្ដាប់មិនបាន ប៉ារ៉ូលបទចម្រៀងសរសេរដូចឆ្កួត ខ្ញុំគិតថា បទ​អាប៉ូឡូច ឡូយជាងផង។ ច្រៀងហើយ មានដែលស្ដាប់បទខ្លួនឯងទេ សុំសួរតិច។គិតថាវាពិរោះណាស់មែនទេ គ្រាន់​តែឮ ស្អប់​ដល់​អ្នកនិពន្ធទៀត។ ច្រៀងអោយគេស្ដាប់ កុំច្រៀងស្ដាប់ខ្លួនឯង។ (...) សង្ឃឹមថា បទក្រោយនឹងល្អជាងនេះ រិះគន់​ដើម្បី​ស្ថាបនា»។

ចំណែកប្រិយមិត្តមួយរូបទៀត បានធ្វើការរិះក្នុងន័យស្ថាបនាដែរថា៖ «សុំទោស ខ្ញុំធ្លាប់ស្តាប់ ហើយក៏បានមើល។ តែខ្ញុំ​សុំនិយាយបន្តិច (...) បទនេះវាដូចជាសាំញុំច្រើន ពាក្យខ្លះ គឺមានគេប្រើច្រើនហើយ ដូចជា (អេកូននេះ) វាមានហើយ បទស្នេហ៍អាថ៍កំបាំង បទភ្លេងលេង មិនរលូនមិនចាប់ជួន ទោះចង្វាក់ល្អក៏ដោយ ក្បាច់រាំមិនសូវប្លែកដដែល អ្នក​ចំរៀង​គាត់ ហាក់លេងខ្លួនខ្លាំងពេក ចំពោះការផ្សាយផ្ទាល់ វាមិនមែនជាក្លឹបរាត្រីឡើយ។ តែខ្ញុំមើលអញ្ចឹង ហើយវា ក៏មាន​ចំនុច​ពិសេសមកវិញដែរ គឺនេះជាបទថ្មី មិនចំលងពីគេ សង្ឃឹមថា លោកមិនបាក់ទឹកចិត្ត ចំពោះការនិពន្ធបទចំរៀង ដែល​មិនមែនជាបទ Copy។»។

បើទោះជារងការរិះគន់ ថាច្រៀងមិនពិរោះ ប៉ុន្តែយ៉ាងហោចណាស់ កញ្ញា ឃិត សុម៉ាលីស ទទួលចំណាត់ថ្នាក់ ខាង​ភាព​ស៊ិចស៊ី​របស់នាង ជាពិសេសសេចក្ដីក្លាហាន ដែលបញ្ចេញគល់សុដន់ ដ៏មូលក្លំរបស់នាង យ៉ាងសម្បើមដៃ (ដូចរូបខាង​លើ)៕