Posts by "កេសរ កូល"

ថ្លែងតាមប្រព័ន្ធផ្សព្វផ្សាយ ក្នុងពេលចុងក្រោយនេះ គណបក្សសង្គ្រោះជាតិ ដែលជាគណបក្សប្រឆាំងធំជាងគេ នៅក្នុង​ប្រទេសកម្ពុជា បានអះអាងឡើងវិញ ពីជ័យជំនះរបស់ខ្លួន លើគណបក្សប្រជាជនកម្ពុជា របស់នាយករដ្ឋមន្ត្រីចាំផ្ទះលោក ហ៊ុន សែន ក្នុងការបោះឆ្នោតជ្រើសរើសតំណាងរាស្ត្រ និតិកាលទី៥ឆ្នាំ២០១៣នេះ។

លោក សម រង្ស៊ី និងកឹម សុខា ធ្វើសន្និសិទរួមគ្នា នៅទីស្នាក់ការកណ្ដាលគណបក្ស។ (រូបថត MONOROOM.info/ O.Vary)

ប្រធានគណបក្សលោក សម រង្សី បានប្រកាសថា គណបក្សសង្គ្រោះជាតិរបស់លោក បានឈ្នះយ៉ាងហោចណាស់ ៦៣​កៅអី ពីក្នុងចំណោមអសនៈទាំង១២៣កៅអី នៅក្នុងរដ្ឋសភា ហើយថាលោក និងគណបក្សរបស់លោក កំពុងត្រៀម​ខ្លួន​ដឹកនាំរដ្ឋាភិបាលថ្មី ដែលមានរូបលោកជានាយករដ្ឋមន្ត្រី។ លោកថែមទាំងនិយាយថា អ្វីដែលលោកបាននិយាយក្នុងពេល​នេះ [...]

នៅនឹងចំណងជើងខាងលើនេះ ជាការលើកឡើងរបស់ កញ្ញាកឹម មនោវិទ្យា កូនស្រីអនុប្រធានគណបក្សសង្គ្រោះជាតិ លោក កឹម សុខា នៅពេលដែលកញ្ញាបានឆ្លើយតប នឹងការផ្ដល់យោបល់រិះគន់ របស់ប្រិយមិត្តមួយចំនួន ក្នុងទំព័រផ្លូវការ​របស់កញ្ញា លើបណ្ដាញសង្គមហ្វេសប៊ុក។

រូបចម្លងពីអេក្រង់ទំព័រហ្វេសប៊ុក របស់កញ្ញា កឹម មនោវិទ្យា។

ការជជែកផ្ដល់យោបល់ និងការរិះគន់នោះត្រូវបានធ្វើឡើង នៅពេលកញ្ញាបានបង្ហោះរូបថតមួយសន្លឹក កាលពីថ្ងៃអាទិត្យ​ទី២១ខែកក្កដា ដែលកញ្ញាបានថតពេលទទួលទានអាហារថ្ងៃត្រង់ នៅក្នុងភោជនីយដ្ឋានមួយ ដែលត្រូវបានគេមើលឃើញ ទំនងជាភោជនីយដ្ឋានដ៏ល្អ ប្រកបដោយផាលសុភាពនិងប្រណិតនោះ។

ប្រិយមិត្តជាច្រើនរបស់កញ្ញា ដែលសុទ្ធសឹងជាអ្នក​គាំទ្រ​គណបក្សសង្គ្រោះជាតិ បានដាក់វាចានិងយោបល់ជាបន្តបន្ទាប់ សរសើរជូនពរ [...]

អ្នកបូរាណវិទូ បានរកឃើញកាលពីពេលថ្មីៗនេះ នៅក្នុងប្រទេសប៉ូឡូញ គ្រោងឆ្អឺងដាក់ក្បាលជាច្រើន ដែលមានឆ្អឹងក្បាល​ដាក់នៅពីលើជើង។ ការរៀបបញ្ចុះសាកសពរបៀបនេះ អាចជាសាកសពរបស់មនុស្ស ដែលត្រូវបានគេចោទប្រកាន់ថា​ជា​«ខ្មោចជញ្ជក់ឈាម»។

រូបលាលាដ៍ក្បាលដែលមានដុំឥដ្ឋញ៉ាត់ក្នុងមាត់ ដើម្បីបង្ក្រាបខ្មោចជញ្ជក់ឈាម ត្រូវបានរកឃើញ នៅជិតទិក្រុងវើនីស​ប្រទេសអ៊ីតាលី។

កាសែតរបស់អង់គ្លេស ឌឺតេលេហ្គ្រាហ្វ (The Telegraph) បានរាយការណ៍ថា គ្រោងឆ្អឺងទាំងនោះ ត្រូវបានក្រុមអ្នក​វិទ្យាសាស្ត្ររកឃើញ នៅក្នុងតំបន់កំណាយបូរាណវត្ថុមួយ ដែលជាផ្លូវធ្វើដំណើរនៅក្បែរទីក្រុងតូចមួយ ឈ្មោះគ្លីវីស (Gliwice) ផ្នែកខាងត្បូងនៃប្រទេសប៉ូឡូញ។ ការរៀបបញ្ចុះរបៀបនេះ បានបង្ហាញថាជនដែលស្លាប់ក្នុងសម័យនោះ ត្រូវបានគេចោទប្រកាន់ថា ជា«ខ្មោចជញ្ជក់ឈាម» [...]

កុមារជាច្រើនសិបនាក់ នៅក្នុងភូមិមួយក្នុងប្រទេសឥណ្ឌា បានពុលអាហារដែលផ្ដល់ជូនដោយឥតគិតថ្លៃ នៅសាលា​របស់ពួកគេ។ មួយចំនួនពីចំណោមនោះ បានរងគ្រោះស្លាប់បាត់បង់ជីវិត។ ការពុលនេះ ទំនងបណ្ដាលមកពីថ្នាំ ដាក់​សម្រាប់សម្លាប់សត្វល្អិត។

ភាពសោកសង្រេងរបស់ឪពុកម្ដាយនៃកុមាររងគ្រោះ។ (រូបថត AFP PHOTOSTR/AFP/Getty Images)

ភាពសប្បាយរីករាយ សំណើចក្អាកក្អាយនៃកុមារទាំងនោះកាលពីម្សិលម៉ិញ តែបានក្លាយជាទុក្ខហូហៀរជាទឹកភ្នែក សម្រាប់ក្រុមគ្រួសារនៅថ្ងៃនេះ។

នៅថ្ងៃពុធទី១៧ខែកក្កដានេះ កុមារជាង២០នាក់ពីក្នុងភូមិដ៏តូចមួយផ្នែកខាងជើងនៃប្រទេសឥណ្ឌា បានពុលចំណីអាហារ ដែលពួកគេបានទទួលទានមិនឆ្ងាយប៉ុន្មានពីសាលរៀន។ កុមារទាំងនោះមានអាយុប្រមាណជា៤ទៅដល់១០ឆ្នាំ [...]

ហេតុការណ៍បានកើតឡើងនៅពេលដែលមនុស្សរាប់រយនាក់ បានរត់អមជាមួយនឹងគោឡើងកទាំងនោះ មកដល់​មាត់​ច្រក​ចូលនៃព្រលានប្រជល់ ដែលកន្លងមកត្រូវបានចាត់ទុកថា ជាកន្លែងដែលមានគ្រោះថ្នាក់បំផុតនោះ។

មនុស្សបានប្រជ្រៀតគ្នាណែនណាំតាន់តាប់ រុញគ្នាចុះឡើងនៅទីនោះ ខណៈដែលគោឡើងក បានប្រញាប់​ប្រញាល​ហក់​ឡើងពីលើហ្វូងមនុស្សទាំងនោះ ដើម្បីរកច្រកចេញ។ មនុស្ស២៣នាក់រងរបួស និងត្រូវបញ្ជូនទៅមន្ទីរពេទ្យ ក្នុងនោះ​យុវជន​ម្នាក់អាយុ១៩ឆ្នាំ រងគ្រោះនឹងភាពតក់ស្លុត កំពុងស្ថិតក្នុងសភាពធ្ងន់ធ្ងរ។ មនុស្សរបួសពីរនាក់ពីក្នុងនោះ មានម្នាក់ជា​ជន​ជាតិអាមេរិកាំង អាយុ៣៥ឆ្នាំ និងម្នាក់ទៀតជាជនជាតិអេស្ប៉ាញអាយុ១៨ឆ្នាំ បានទទួលប៉ុន្មានស្នែងស្រួចៗរបស់ហ្វូងគោ។