ខឹម វាសនា៖ បក្សជាប់ឆ្នោតទាំងពីរ ឲ្យតម្លៃ«បក្ស»ជាងប្រយោជន៍ជាតិ
ខណៈគណបក្សប្រជាជនកម្ពុជា និងគណបក្សសង្រ្គោះជាតិកំពុងអង្គុយទល់មុខគ្នា បន្តចរចានយោបាយ ដើម្បីឈានទៅទម្លាយភាពជាប់គាំងផ្នែកនយោបាយ ដែលបានអូសបន្លាយជាង៧ខែមកហើយនោះ ងាកមកប្រធានគណបក្សសម្ព័ន្ធដើម្បីប្រជាធិបតេយ្យឯណេះវិញ បានលើកឡើងថា បក្សកាន់អំណាច និងជំទាស់នេះ បានដឹកនាំប្រទេសដោយផ្អែកលើផលប្រយោជន៍គណបក្សនយោបាយ ធំជាងផលប្រយោជន៍របស់ប្រទេសទាំងមូល។
លោក ខឹម វាសនា ប្រធានគណបក្សសម្ព័ន្ធដើម្បីប្រជាធិតេយ្យ។ (រូបថតគណបក្ស)
នយោបាយកម្ពុជា - លោក ខឹម វាសនា ប្រធានគណបក្សសម្ព័ន្ធដើម្បីប្រជាធិតេយ្យ បានបញ្ជាក់ប្រាប់ទស្សនាវដ្តីមនោរម្យ.អាំងហ្វូ នៅថ្ងៃទី០៥ ខែមីនា នេះថា៖ «គេបែកគ្នា ក៏ព្រោះតែផលប្រយោជន៍ផ្ទាល់ខ្លួន ជជែកមិនត្រូវគ្នា។ [...]
