បុគ្គលិកវិទ្យុអាស៊ីសេរី គ្រោងប្តឹងថ្នាក់ដឹកនាំវិទ្យុ ពីអតីតភាពការងារ
បុគ្គលិកនៃវិទ្យុអាស៊ីសេរី ផ្សាយជាភាសាខ្មែរមួយចំនួន ក្រោយការលាឈប់ និងដល់កំណត់នៃកិច្ចសន្យា របស់ខ្លួន មិនត្រូវបានអ្នកគ្រប់គ្រង នៃវិទ្យុមួយនេះ គិតអតីតភាពការងារ ដែលខំបំរើការ អស់ជាង១០ឆ្នាំនោះឡើយ។ នេះបើតាមការអះអាង របស់ក្រុមបុគ្គលិកមួយចំនួន ដែលបានសម្ដែង ការមិនពេញចិត្តរបស់ខ្លួន ហើយគ្រោងនឹងដាក់ពាក្យបណ្ដឹង ប្រឆាំងថ្នាក់ដឹកនាំវិទ្យុ ក្នុងពេលខាងមុខ។
ក្នុងកិច្ចសម្ភាស ជាមួយទស្សនាវដ្តីមនោរម្យ.អាំងហ្វូ អ្នកស្រី អ៊ុក សាវបូរី ដែលមានប្រវត្តការងារចាស់ទុំ ក្នុងវិទ្យុអាស៊ីសេរី តាំងពីបើកដំណើរការរបស់វិទ្យុ ជាង១៧ឆ្នាំមកនោះ បានបើកកកាយ នូវភាពមិនប្រក្រតីក្នុងវិទ្យុមួយនេះថា ថ្នាក់ដឹកនាំ បានធ្វើបាបបុគ្គលិកចាស់ៗ តាមរយៈការគាបសង្កត់ ផ្នែកពេលវេលា ថវិការ និងទីកន្លែង ដែលត្រូវយកព័ត៌មានជាដើម។ អ្នកស្រីបន្ថែមថា «ឲ្យខ្ញុំចុះខេត្ត។ អ្វីដែលតវ៉ា គឺចុះខេត្តតាកែវ កំពត កែប [...]
