Posts tagged as "Mam Sonando"

ប្រធានវិទ្យុសំបុកឃ្មុំលោក ម៉ម សូណង់ដូ បានរិះគន់ដោយឥតសំចៃមាត់ថា រដ្ឋាភិបាលគ្រប់គ្រង​ដោយគណបក្ស​ប្រជាជនកម្ពុជា គឺជាអ្នករំលោភរដ្ឋធម្មនុញ្ញ យ៉ាងពិតប្រាកដ ចំណែកឯពលរដ្ឋកម្ពុជាមិន​បានរំលោភ​រដ្ឋធម្មនុញ្ញ​នោះទេ តែពួកគេគឺជាជនរងគ្រោះ ពីការរំលោភដោយរដ្ឋាភិបាល។

លោក ម៉ម សូណង់ដូ នៅមុខសាលារាជធានី។ (រូបថត MONOROOM.info/ O.Vary)

វិបត្តិសង្គម - ក្នុងពិធីហែញត្តិដាក់តាមស្ថានទូតនានា ទាមទារឲ្យដោះលែងលោក វន់ ពៅ និងជន២២នាក់​ផ្សេង​ទៀត នៅថ្ងៃទី២៩ ខែមករា ឆ្នាំ២០១៤ នេះ លោក ម៉ម សូណង់ដូ ជាប្រធានវិទ្យុសំបុកឃ្មុំ បានអត្ថាធិប្បាយ​ទៅកាន់​អ្នកសារព័ត៌មានថា អ្វីដែលពលរដ្ឋ និងអង្គការសង្គមស៊ីវិលបានធ្វើ គឺដើម្បីទាមទារសិទ្ធិសេរីភាព និងយុត្តិធម៌ ដែល​មានចែងក្នុងរដ្ឋធម្មនុញ្ញ។ [...]

ប្រភពច្បាស់ការណ៍មួយបានបង្ហើបថា បុរសម្នាក់ក្នុងឯកសណ្ឋានជាសន្តិសុខ ដែលបានលោតវាយក្បាល លោក សុខ នី អ្នករត់ម៉ូតូឌុប នៅមុខក្រសួងព័ត៌មានថ្ងៃទី២៧ ខែមករានោះ ជាមនុស្សតែ«មួយ»នឹងជនប្រដាប់ដោយ ចម្ពាមកៅស៊ូគ្រាប់ដែក ដែលត្រូវបានប្រជាពលរដ្ឋ និងតំណាងសហជីពកម្មករឃាត់ខ្លួនកាលពីថ្ងៃទី២៦ ខែមករា ជិតក្បាលនាគលើផ្លូវនរោត្តម។ ជនសង្ស័យដែលស្ថិតនៅក្នុងក្រុមពិសេស ជួលនិងគ្រប់គ្រងបញ្ជាដោយសាលា​រាជធានីភ្នំពេញ។

លោក ហាំ ហ៊ុត ជនសង្ស័យប្រដាប់ដោយជំពាមកៅស៊ូគ្រាប់ដែក និងស្នាប់ដៃ នៅពេលត្រូវក្រុមពលរដ្ឋ និងកម្មករ ចាប់ឃាត់ខ្លួន នៅស្ពាននាគថ្ងៃទី២៦ ខែមករា ឆ្នាំ២០១៤។ (រូបថត MONOROOM.info/ O.Vary)

វិបត្តិសង្គម - ព្រឹត្តិការណ៍ថ្ងៃទី២៧ ខែមករា [...]

បន្ទាប់ពីមានអ្នកការសែតមួយចំនួនបានទទួលរងរបួស និងខូចខាតសម្ភារៈ ក្នុងពេលសមត្ថកិច្ចចុះបង្រ្កាបបាតុកម្ម​របស់​លោក ម៉ម សូណង់ដូ ក្លឹបអ្នកការសែតកម្ពុជាបានចេញសេចក្តីថ្លែងការណ៍ អំពាវនាវដល់គ្រប់ភាគីទាំងអស់ គម្បីជៀងវៀងការប៉ះពាល់​ដល់​អ្នកការសែត និងត្រូវរួមចំណែកផ្តល់សុវត្ថិភាពដល់អ្នកការសែត ក្នុងពេល​ដែល​ពួក​គេចុះបំពេញបេសកកម្មការងារ។

សារព័ត៌មានដែលចេញផ្សាយនៅក្នុងស្រុក។

សេរីភាពសារព័ត៌មាន - លោក ប៉ែន សមិទ្ធិ ប្រធានក្លឹបអ្នកកាសែតកម្ពុជា បានថ្លែងប្រាប់ទស្សនាវដ្តី​មនោរម្យ.អាំងហ្វូ នៅថ្ងៃទី២៨ ខែមករា ឆ្នាំ២០១៤ នេះថា ក្លឹបអ្នកការសែតកម្ពុជានឹងចេញសេចក្តីថ្លែងការណ៍ អំពាវនាវដល់គ្រប់ភាគីទាំងអស់ រួមទាំង​សមត្ថកិច្ច អង្គការសង្គមស៊ីវិល និងបាតុករប្រឆាំងរដ្ឋាភិបាល [...]

អាជ្ញាធររដ្ឋាភិបាលកាលពីថ្ងៃចន្ទម្សិលមិញ បានបើកយុទ្ធនាការបង្ក្រាប ទៅលើក្រុមតវ៉ារបស់លោក ម៉ម សូណង់ដូ ប្រធានវិទ្យុសំបុកឃ្មុំយ៉ាងចាស់ដៃ ខណៈដែលលោក ម៉ម សូណង់ដូ កំពុងដឹកនាំប្រជាពលរដ្ឋធ្វើបាតុកម្មនៅខាងមុខ បរិវេណក្រសួងព័ត៌មាន ដើម្បីទាមទារតម្លើងហ្វ្រេកង់វិទ្យុ និងទូរទស្សន៍។ នៅក្នុងការបង្រ្កាបរបស់អាជ្ញាធរនោះ លោក ម៉ម សូណង់ដូ ត្រូវបានគេមើលឃើញថា មិនមានការភ័យខ្លាចបន្តិចនោះទេ។

លោក ម៉ម សូណង់ដូ ក្នុងពេលដែលក្រុមអ្នកគាំទ្រលោក គ្រាហ៍ចេញពីការបង្ក្រាបរបស់កងកម្លាំងថ្ងៃទី២៧ ខែមករា ឆ្នាំ២៩១៤។ (រូបថត MONOROOM.info/ O. Vary)

នយោបាយកម្ពុជា - ក្រុមអ្នកគាំទ្រគណបក្សសង្គ្រោះជាតិមួយចំនួន ដែលចូលរួមឃ្លាំមើលសកម្មភាពតវ៉ា និង​សកម្មភាពបង្រ្កាបយ៉ាងចាស់ដៃ [...]

«ខ្ញុំនៅតស៊ូរហូត ខ្ញុំត្រូវតែទាមទារ លុះត្រាតែបានសម្រេចទើបឈប់» នេះជាការអះអាងរបស់ លោក ឈា ឌី ជាជន​ពិការជើងម្នាក់ ដែលលោកបានចូលរួមបាតុកម្មតវ៉ាជាមួយ លោកម៉ម សូណង់ដូ បើទោះបីជាលោកបានរង​នូវការ​បង្រ្កាបយ៉ាងខ្លាំងក្លា របស់សមត្ថកិច្ចក៏ដោយ ក៏លោកនៅតស៊ូទាមទារអោយបានសម្រេច។

លោក ឈា ឌី ពលរដ្ឋម្នាក់មកពីខេត្តក្រចេះ មកចូលរួមធ្វើបាតុកម្មជាមួយលោក ម៉ម សូណង់ដូ។ (រូបថត MONOROOM.info/ O.Vary)

ជីវិត - កាលពីថ្ងៃទី២៧ ខែមករា ឆ្នាំ២០១៤ ម្សិលមិញនេះ សមត្ថកិច្ចបានធ្វើការវាយបង្ក្រាបយ៉ាងហិង្សា ទៅលើ​បាតុករ ដែលមកចូលរួមបាតុកម្មជាមួយលោកម៉ម សូណង់ដូប្រធានវិទ្យុសំបុកឃ្មុំ ដើម្បីទាមទារឲ្យក្រសួងព័ត៌មាន ផ្តល់ការអនុញ្ញាត ឲ្យលោក តម្លើងកម្លាំងផ្សាយវិទ្យុបន្ត [...]