កម្ពុជា៖ តុលាការអោយ ម៉ម សុណង់ដូ ជាប់ពន្ធនាគារ២០ឆ្នាំ
សាលក្រម ដែលក្រុមអ្នកការពារសិទ្ធិមនុស្សបរិហាថា ជាការ«ជំរះបញ្ជីមានលក្ខណៈនយោបាយ»មួយ បានប្រកាស ដោយចៅក្រមសាលាដំបូង រាជធានីភ្នំពេញកាលពីថ្ងៃ ០១តុលាឆ្នាំ២០១២ បានកាត់សេចក្ដីអោយ ប្រធានវិទ្យុសំបុកឃ្មុំ មួយរូប អោយជាប់ពន្ធនាគារចំនួន ២០ឆ្នាំ និងពិន័យជាប្រាក់ចំនួន ១០លានរៀល។ ជាអ្នកទោសដ៏ល្បីឈ្មោះម្នាក់ ដែល ត្រូវតុលាការរកឃើញថា មានកំហុសចុងក្រោយគេបង្អស់ នៅក្នុងការកាន់អំណាច របស់លោកនាយករដ្ឋមន្ត្រី ហ៊ុន សែន បើគិតមកទល់នឹងពេលនេះ។
លោកម៉ម សូណង់ដូ ពេលនាំខ្លួនត្រឡប់ទៅពន្ធនាគារព្រៃសរវិញ។ រូបថត AFP។
លោកម៉ម សុណង់ដូ អាយុ៧១ឆ្នាំ ជាស្ថាបនិក និងប្រធានវិទ្យុសំបុកឃ្មុំ ដែលល្បីថា ជាអ្នកពូកែវោហាស័ព្ទ ខាងបញ្ហា សង្គម-នយោបាយ [...]
