Posts tagged as "Accident routiere"

ការប៉ះទង្គិចគ្នានេះបង្កឡើង ដោយរ៉ឺម៉ក់ម៉ូតូមួយគ្រឿង ដែលមានដឹកបន្លែ បានទៅប៉ះនឹងឡានម៉ាកនីសាន់​ពាក់ផ្លាកលេខ ភ្នំពេញ 2AA-6071 បើកបរដោយស្រ្តីម្នាក់ដែលមានវ័យជិត៣០ឆ្នាំ។ ការប៉ះទង្គិចគ្នា​នេះមិន​បង្កឱ្យ ការខូចខាតធំដុំអ្វីនោះទេ តែអ្វីដែលគួឲ្យចាប់អារម្មណ៍នោះ នៅត្រង់ថា ស្រ្តីអ្នកបើកឡាន ទាមទារ​ឲ្យ​ម្ចាស់រ៉ឺម៉កដែលជាជនក្រីក្រ សងកាងឡានថ្មីជាជំនួស និងកាងចាស់ដែលបានប៉ះឱ្យក្រពឹតនោះ។

ម្ចាស់រថយន្តនោះ បានទាមទារឱ្យម្ចាស់ម៉ូតូដាច់ខាតត្រូវតែសង នូវតម្លៃកាងរថយន្តដែលបានប៉ះទង្គិចនោះ បើទោះបីជាមិនបានទាំងអស់ ក៏ត្រូវតែសងពាក់កណ្តាលដែរ។ ដោយឡែកម្ចាស់រ៉ឺម៉កម៉ូតូអ្នកស្រី ស្មា សុផាន មានអាយុ៣១ឆ្នាំ បានលើកដៃសុំទោស និងសុំការអធ្យាស្រ័យពីម្ចាស់ឡានម៉ាកនីសាន់ ព្រោះអ្នកស្រី​គ្មាន​លុយដ៏ច្រើនតាមការទាមទារ ឱ្យសងនូវតន្លៃកាងរថយន្តនោះទេ។ សម្រាប់ម្ចាស់រថយន្ត បានបញ្ជាក់ថា ទោះ​​យ៉ាង​ណា​ក៏ត្រូវតែសងដែរ បើគ្មានលុយសងទេ [...]

យោងតាមរបាយការណ៍ ដែលចេញដោយអគ្គស្នងការដ្ឋាន នគរបាលជាតិ ក្រសួងមហាផ្ទៃ ក្នុងរយៈពេល​ប្រាំថ្ងៃនៃថ្ងៃបុណ្យភ្ជុំបិណ្ឌឆ្នាំ២០១៤ ដោយគិតពីថ្ងៃទី ២០ ដល់ថ្ងៃទី២៤ ខែកញ្ញា មានមនុស្សស្លាប់​រហូត​ដល់​៤៩នាក់ ដែលឆ្នាំ២០១៣មានអ្នកស្លាប់ត្រឹមតែ២៤នាក់។ ឯអ្នករបួសធ្ងន់ និងស្រាលវិញ មាន​រហូតដល់​៣០៥​នាក់ បើប្រៀបធៀបក្នុងឆ្នាំ២០១៣ មានត្រឹមតែ១៦៩នាក់ប៉ុណ្ណោះ។ មានន័យថាក្នុងឆ្នាំ២០១៤នេះ គ្រោះ​ថ្នាក់​ចរាចណ៍ ក្នុងរដូវបុណ្យភ្ជុំបិណ្ឌមានការកើនឡើង។

ដោយឡែកនាយរដ្ឋមន្រ្តីកម្ពុជា លោក ហ៊ុន សែន នាព្រឹកថ្ងៃទី២៥ ខែកញ្ញានេះ ក៏បានធ្វើការថ្លែង​កោត​សរសើរ ដល់កិច្ចខិតខំប្រឹងប្រែង និងយកចិត្តទុកដាក់ របស់សមត្ថកិច្ច កងកម្លាំងនគរបាល និងកម្លាំង​ប្រដាប់​អាវុធ ដែលបានរក្សាសន្តិសុខ និងសណ្តាប់ធ្នាប់បាន ល្អប្រសើរក្នុងអំឡុងពេលបុណ្យភ្ជុំបិណ្ឌនេះ។ ការថ្លែងកោតសសើរនេះ ត្រូវបានធ្វើឡើងនៅមជ្ឈមណ្ឌលពិពណ៌កោះពេជ្រ ក្នុងពេលចែកសញ្ញាបត្រដល់ [...]

«មិនមែនត្រឹមតែរកប្រាក់ ឬចង់បាននៅព័ត៌មាន ដែលជាទីចាប់អារម្មណ៍ ហើយក៏សរសេរបំផ្លើស ដោយមិន​បានសំភាសន៍ខ្ញុំ ហើយក៏ចេះតែសរសេរអត្ថបទពាសវាលពាសកាល បំផ្លាញកិត្តិយសខ្ញុំ» នេះជាប្រតិកម្ម​របស់ពីធីការិនីដ៏មានប្រជាប្រិយភាព អ្នកនាង សុខ សោម៉ាវត្តី នៅលើទំព័រហ្វេសប៊ុករបស់នាង ដើម្បីវាយ​បកទៅនឹងការផ្សាយទាំងឡាយ របស់សារព័ត៌មានក្នុងស្រុក ដែលបានធ្វើសេចក្ដីរាយការណ៍ ពីគ្រោះថ្នាក់​ចរាចរណ៍ កាលពីវេលាម៉ោង ១០និង៥០នាទីយប់ ថ្ងៃទី១៧ កញ្ញា ឆ្នាំ២០១៤។

ហេតុការណ៍គ្រោះថ្នាក់ចរាចរណ៍នោះ បានកើតឡើង លើកំណាត់ ផ្លូវជាតិលេខ៤ មុខវត្តជម្ពូរវន្ត ភូមិជម្ពូរវន្ត សង្កាត់ចោមចៅ ខណ្ឌពោធិ៍សែនជ័យ ដោយរថយន្តមួយគ្រឿង ម៉ាកអេស្កាឡែត ពណ៌ស ពាក់ស្លាក លេខ ភ្នំពេញ 2AB-2112 ដែលបើកបរដោយ អ្នកនាង សុខ សោម៉ាវត្តី ខ្លួនឯង បានប៉ះគ្នាជាមួយម៉ូតូ ស្មាសវី​ពណ៌​ខ្មៅ ពាក់ស្លាកលេខ ភ្នំពេញ 1BL-6785 ជិះគ្នា២នាក់ មានសណ្តោង រ៉ឺម៉កពីក្រោយ។

ហេតុការណ៍គ្រោះថ្នាក់បានកើតឡើង នៅឆ្នាំ២០១៣ ក្នុងតំបន់ ន័រហ្វុក (Norfolk) ភាគខាងកើតនៃ​ចក្រភព​អង់គ្លេស។ នៅពេលនោះ ដេវិដ ហូម (David Holmes) អាយុ៣៨ឆ្នាំ បានចាកចេញពីចំណតយានយន្ដមួយ ដោយបានដាក់កាម៉េរ៉ាមួយបង្កប់ នៅជាប់ក្នុងមួកការពាររបស់ខ្លួន ដើម្បីថតពីល្បឿនដែលខ្លួនបានប្រើ ក្នុង​ការបើកបរ។

ក្នុងល្បឿន១៥០គីឡូម៉ែត្រក្នុងមួយម៉ោង ដេវិដ ហូម បានជល់ជាមួយរថយន្ដ ដែលបើកក្នុងទិសផ្ទុយគ្នា តែ​បាន​បត់ចេញមកខាងស្ដាំដៃ។ ជាមួយនឹងល្បឿនដ៏លឿនហួសនេះ អ្នកបើកបរម៉ូតូជាតិអង់គ្លេសរូបនេះ មិន​អាច​មាន​ឱកាសដើម្បីគេចចេញ ឬចាប់ហ្វ្រាំងទាន់ ដើម្បីបញ្ជៀសគ្រោះថ្នាក់បានឡើយ។ អ្នកបើករថយន្ដ​មិន​​មាន​គ្រោះថ្នាក់អ្វីទេ តែ ដេវិដ ហូម អ្នកបើកម៉ូតូ បានស្លាប់ភ្លាមនៅនឹងកន្លែង។

អ្នកស្រី ប្រេនដា ហូម (Brenda Holmes)​ ម្ដាយរបស់ ដេវិដ បានសម្រេចចិត្តផ្សាយជាសាធារណៈ នូវខ្សែ​វីដេអូ​នេះ ដើម្បីរំលឹកទៅដល់អ្នកបើកបរទាំងឡាយ ដែលចូលចិត្តបើកបរ [...]