មន្ត្រីបក្សប្រឆាំង៖ កងកម្លាំងអាជ្ញាធរចង់សំរុកចូលគណបក្ស តែគ្មានក្រដាសស្នាម
លោក អេង ឆៃអ៊ាង តំណាងរាស្ត្រ និងជាមន្ត្រីជាន់ខ្ពស់ របស់គណបក្សសង្គ្រោះជាតិ បានអះអាងលើគណនីហ្វេសប៊ុករបស់លោក នៅប៉ុន្មាននាទីមុនបន្តិចថា នៅវេលាម៉ោងប្រមាណជា ១២ និង២០នាទី ថ្ងៃទី២៦ ខែឧសភា ឆ្នាំ២០១៦នេះ កងកម្លាំងអាជ្ញាធរប្រដាប់ដោយអាវុធ (ធុនធ្ងន់) គ្រប់ដៃ បានព្យាយាមសំរុកចូល ក្នុងគណបក្សសង្គ្រោះជាតិ (នៅសង្កាត់ចាក់អង្រែ រាជធានីភ្នំពេញ) ប៉ុន្តែបានចាកចេញទៅវិញ បន្ទាប់ពីមន្ត្រីសន្តិសុខរបស់គណបក្ស បានស្នើសុំ និងសួររកក្រដាសស្នាម គតិយុទ្ធ (ដីកា) ដើម្បីអនុញ្ញាតឲ្យមានការ«សំរុក»ចូលនោះ។
ការប៉ុនប៉ង សំរុកចូលទីស្នាក់ការគណបក្សនេះ មិនត្រូវបានប្រភពផ្លូវការណាមួយ អះអាងថា បានធ្វើឡើងក្នុងគោលបំណងអ្វីឡើយ។ តែប្រភពពីមន្ត្រីគណបក្សប្រឆាំង បាននិយាយថា ជាការប៉ុនប៉ងចាប់ខ្លួនលោក កឹម សុខា អនុប្រធាន (បច្ចុប្បន្ន ជាប្រធានស្ដីទី) គណបក្សសង្គ្រោះជាតិ បន្ទាប់ពីលោកបានខកខាន [...]
